GÁLATAS 3:16 - Lengua Sur (Enxet) Nuevo Testamento

¹⁶ Appekkencháseykxek axta appeywa Dios Abraham tén han ma'a aptáwen neptámen. Megkaxeyenmak eknaktáxésamaxche “aptawan'ák neptámen” apxámokma enxoho, xama akke aksa xeyenmak; temék ekpeywa s'e: “xép aptáwen neptámen”, cham'a Cristo.

GÁLATAS 3:16 Referans Kwoze

ROMANOS 4:13

Appekkencháseykekxek axta appeywa Dios Abraham tén han ma'a aptawan'ák neptámen, apkeltennasegkek axta egkeyásekxak keso náxop, cham'a appagkanchesama axta apmáheyo egkések; háwe axta eñama apkelyaheykekxoho Abraham segánamakxa appekkeneykekxo appeywa Dios, axta eyke keñamak ma'a apteme axta mey'áseyam; ékeso eñamakxa apxéna axta Dios aptaha appéwomo Abraham.

SAN LUCAS 1:55

Cháxa aptémakxa axta apkenagkama Dios ẽlyepmeyk nano' negko'o xa cham'a Abraham, tén han ma'a yakwayam nak etnahagkok aptawan'ák neptámen, megkatnegwayam enéxa.”

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

GÁLATAS 3:8

Legasegkek axta eknaktáxésamaxche Abraham amya'a ektakmela ektéma nak se'e: “Apyókxoho énxet sat egkések Dios aksok eltakmela eleñama néten, eñama exchep.” Hakte nano' axta ekyetno eknaktáxésamaxche ekxénamaxko peya etnésásekxak nahan apkelpéwomo Dios ma'a énxet'ák metnaha nak judíos, apteme nak melya'áseyam.

LOS HECHOS 3:25

Kéxegke kélteme kélxaweykekxa xa appekkeneykekxa axta appeywa Dios, apkelxeyenma axta m'a énxet'ák ektaha axta apkellegaso Dios appeywa, kéxegke anhan kélxaweykekxa m'a ekhémo mók nelpakhetchásamáxkoho nak Dios, ektaha axta apkelanéso Dios ma'a ẽlyepmeyk nano'. Hakte aptemegkek axta Dios apkenagkama Abraham se'e: ‘Apkeleñémo sat kóltemésesagkok apyókxoho énxet'ák apheykha nak keso náxop eñama m'a aptawan'ák neptámen nak xép.’

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

1 CORINTIOS 12:27

Kéxegke kélteme kéleñama Cristo apyókxa, kélyókxoho nahan kélteme kéleñama xa Cristo apyókxa nak.

1 CORINTIOS 12:12

Xámok eykhe ektémakxa ekhéyak nak negyókxa, wánxa eyke xama negyókxa, hawók nahan ma'a Cristo.

ROMANOS 12:5

ekhawo nahan negko'o xa, nenxámok eykhe, xama eyke nentamhákxak nempasmeykekxa Cristo, negyepetchawók nahan egmók nentamhákxo wánxa xama.

COLOSENSES 2:19

Melyepetcheyók Cristo xa énxet'ák nak, cham'a Cristo aptaha nak apkemha apmonye, aptaha nak han cha'a apwánegkeso apyókxa, cham'a apchágko enxoho ekto, cham'a apyepetchásekxo enxoho cha'a mók, ekhawo m'a ektémakxa nak apmopmenyého Dios.

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

SAN MATEO 1:1

Keso kélnaktáxeseyak nak apkelwesey m'a Jesucristo apyepmeyk nano' axta, cham'a Jesucristo aptaha axta David aptáwen neptámen, tén han aptáwen neptámen ma'a Abraham:

ROMANOS 9:4

Hakte Israel aptawan'ák neptámen ma'a, apkelmomchek axta nahan Dios aptéma apketchek xa. Aphegkek axta Dios nepyeseksa xa yetlo apcheymákpoho, apmésegkek axta anhan ma'a ekhémo mók apkelpakhetchásamákpoho nak Dios, tén han ma'a Moisés segánamakxa apagkok, apmések axta anhan ektémakxa nelpeykesamo Dios kañe' tegma appagkanamap, apmésegkek axta anhan appeywa yakweykenxa etnehek.

2 CORINTIOS 11:22

¿Hebreos ya xa énxet'ák nak? Ko'o anhan Hebreo. ¿Israelya xa énxet'ák nak? Ko'o anhan sektaha señama Israel. ¿Abraham aptawan'ák neptámenya xa énxet'ák nak? Ko'o neykhe anhan.

GÁLATAS 3:19

¿Háxko axta ektémakxa ektamheykha segánamakxa? Axayók axta enteyapmak xa segánamakxa nak, yakwayam enxoho kapekkenekxak yáxñakxoho m'a ektémakxa nak meyke apkelyaheykekxoho énxet'ák, ekwokmoho aptepa m'a Abraham aptáwen neptámen, aptaha nak kélláneso m'a appekkeneykekxa axta appeywa Dios. Apkelásennáha axta Dios apkelásenneykha apkeleñama néten yakwayam exének ma'a eltémókxa nak antehek segánamakxa, Moisés axta eyke aptamheykha neyseksa.