GÁLATAS 3:13 - Lengua Sur (Enxet) Nuevo Testamento

¹³ Ẽlhaxyawasekxeyk axta negko'o Cristo eyesagkexa yakweykenxa hentemésesek segánamakxa, cham'a apxaka axta Cristo Dios aplo, negko'o eñamakxa, hakte temegkek eknaktáxésamaxche s'e: “Dios aplo apxawé énxet ektahakxa enxoho apketsapma kélmakheyáseykha néten yámet.”

GÁLATAS 3:13 Referans Kwoze

1 SAN PEDRO 2:24

Appata apagko' axta aptahak Cristo mólya'asáxma cham'a ekyetlóko axta apkexnákpo axta néten aksok ektegyéso, yakwayam enxoho kamaskok nénmexo negko'o m'a ektémakxa nak mólya'asáxma ektémol'a ótsapok, yakwayam enxoho antehek nentémakxa ekpéwomo. Kélyensasegkek axta Cristo yakwayam enxoho kóltakmelwók kéxegke.

HEBREOS 9:12

Aptaxnegwákxeyk axta Cristo m'a ekpagkanamaxchexa agko' nak, háwe eyke yakwayam egkések kaxwo' Dios yát'ay apketkok éma apagkok, tén han ma'a weyke étkok éma agkok nak, éma apagkok apagko' axta apmeyásak Dios; xama axta aptaxnegwayam Cristo m'a ekpagkanamaxchexa agko' nak, wánxa m'a, egwetásek axta nahan negko'o xa nelwagkásamáxche teyp megkatnegwayam enéxa.

HEBREOS 9:15

Ekeso eñamakxa apketsapa axta Cristo yakwayam etnehek apyepetcháseykekxa énxet'ák ma'a Dios, eñama m'a axnagkok ekhémo mók nelpakhetchásamáxkoho nak Dios, yakwayam enxoho nahan megkólyakmagkásekxék ektémakxa apkeláneyak melya'asáxma énxet'ák ma'a kélmeykegkaxa axta makham émha amonye ekhémo mók nelpakhetchásamáxkoho nak Dios, yakwayam enxoho nahan elxawagkok aksok kélpagkancheso megkatnegwayam enéxa m'a énxet'ák ektaha axta apkelwóneykha Dios, cham'a apxeyenma axta elmésagkok Dios.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

GÁLATAS 4:5

yakwayam enxoho hẽlhexyawásekxak negko'o neyseksa nenlané m'a eltémókxa nak antehek segánamakxa, yakwayam enxoho nahan hegmések negko'o Dios yakwayam antehek apketchek.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

1 SAN JUAN 4:10

Keso ektémakxa negásekhayo s'e: háwe negko'o eñama negásekhayo Dios, Dios akke keñamak segásekhayo negko'o, apcháphásek axta Apketche yakwayam enxoho meyakmagkásekxék Dios nentémakxa mólya'asáxma eñama m'a apmeyásamákpoho apagko' axta yakwayam emátog, negko'o segyanmaga.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.

HEBREOS 9:28

ekhawo ektémakxa nak han Cristo ektéma wánxa xama apmeyásamákpekxoho Dios yakwayam enxoho exámhok apmaséseso melya'asáxma énxet'ák. Keñe sat henxekmósakpekxohok makham, háwe eyke kaxwo' yakwayam ey'ótak mólya'asáxma, wánxa aksa yakwayam elwagkasek teyp ma'a énxet'ák ektaha nak apkelhaxanma.

HEBREOS 9:26

Temegkek agkok Cristo xa ektaha nak, kaleklemek axta cha'a emátog Cristo eyeynamo m'a sekxo' axta elánamáxko keso náxop. Wánxa axta eyke xama apwé Cristo keso negwánxa nak eyágketwokmo nak ektemegwánxa néxa, apmeyáseykpók axta apagko' Cristo m'a Dios yakwayam enxoho hegmasésesek nentémakxa mólya'asáxma wánxa m'a, meyke teyp.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

GÁLATAS 3:10

Enxet'ák ektaha nak apcháyo m'a eltémókxa nak antehek segánamakxa exkak sat Dios aplo, hakte temegkek eknaktáxésamaxche s'e: “Exkak sat Dios aplo énxet ektahakxa enxoho mesawhomo apkelané ekyókxoho ektémakxa nak eknaktáxésamaxche weykcha'áhak segánamakxa antehek.”

2 CORINTIOS 5:21

Axta elaneyk Cristo mey'asáxma xama enxoho. Negko'o axta eyke keñamak aptemésesa Dios máxa ekha mey'asáxma Cristo, yakwayam enxoho hentemésesek negko'o nelpéwomo Dios, eñama senteméseso m'a Cristo.

LOS HECHOS 5:30

Apxátekhásekmek axta Jesús negko'o egyepmeyk nano' Dios apagkok, cham'a Jesús kélyepetchesa axta kéxegke aksok ektegyéso kélakha.

ROMANOS 4:25

cham'a apxawáya axta yakwayam emátog eñama m'a mólya'asáxma nak negko'o, cham'a kélxátekháseykmo axta anhan yakwayam hegkexakkasek negko'o ektémakxa nak nelsexnánémaxche.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

ROMANOS 9:3

weykmók nahan sekmámenyého ko'o kasók setnésesakxa Dios, tén han henyókasek ma'a Cristo, ewanchek kexaha apasmok ẽlyáxeg'a sektaha enxoho xa, cham'a sekpeywomo xamo' nak.

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

SAN MATEO 27:5

Keñe axta apkexaya Judas sawo selyakye kañe' tegma appagkanamap, apxegkek axta aptetwokmo apyespok táma apchakhákpekxo.