GÁLATAS 3:12 - Lengua Sur (Enxet) Nuevo Testamento

¹² Akke kaxnawok segánamakxa m'a ektémakxa nak magya'áseyam, wánxa eyke aksa katnehek ekpeywa segánamakxa s'e: “Enxet ektahakxa enxoho apsawhomo apkelané m'a eltémókxa nak antehek segánamakxa, memassegwomek sat.”

GÁLATAS 3:12 Referans Kwoze

ROMANOS 4:14

Enxet'ák apkelyaheykekxoho eltémókxa antehek segánamakxa agkok ma'a peya nak kólmeyásekxak xa aksok kélpagkancheso nak, chakhók keytek negko'o m'a ektémakxa nak nenteme magya'áseyam, mékoho nahan katnekxak ma'a sempekkencháseykekxa axta appeywa Dios.

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

ROMANOS 11:6

Dios apkelásekhayo agkok keñamak ektéma xa, háwe kaxwo' eñama m'a ektémakxa axta aksok apkeláneyak; apkeláneyak aksok axta agkok keñamak ektéma xa, megkatnehek axta Dios segásekhayo m'a ektémakxa nak segásekhayo.

SAN MATEO 19:17

Aptahak axta apchátegmowágko Jesús se'e: —¿Yaksak ektaha selmaxneyeyncha'a nak xép ma'a aksok eltakmela nak? Wánxa eyke xama apyetna m'a aptaha nak aptakmela. Apmenyék agkok xép etxek ma'a ekyennaktamakxa nak egnenyek, elyahakxoho sat apkeltémókxa nak antehek Dios.

ROMANOS 7:10

keñe axta ko'o sektéma máxa sétsapma, ekmassegwokmo m'a ektémakxa axta ektakmelmo sekha. Cháxa setnésesamakxa axta ko'o eltémókxa antehek segánamakxa xa, eyéméxko axta eykhe hegkések ko'o sekyennakte, keñe axta sey'asa m'a nétsapmakxa nak,