GÁLATAS 3:1 - Lengua Sur (Enxet) Nuevo Testamento

¹ ¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.

GÁLATAS 3:1 Referans Kwoze

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.

1 SAN PEDRO 4:17

Wokmek kaxwo' ekhem yakwánxa nak keynhok kélteme kélyekpelchémo apmonye'e m'a ektaha nak Dios énxet'ák apagkok. Chénawok agkok egmonye negko'o kélteme sẽlyekpelchémo, ¿háxko sat kóltemésesek ma'a énxet'ák melyaheykekxoho nak Dios appeywa?

2 SAN PEDRO 2:18

Máxa cha'a katnehek ektakmela enxoho aksok apkelxeyenma xa énxet'ák nak, cham'a ektaha nak mékoho, ellekwomhok nahan cha'a m'a énxet'ák eyáskexho nak apkelwáteséyak appaxkeykha m'a énxet'ák megyakhémo nak apkeltémakxa, eñama m'a ektémakxa nak aksok negyespagko nenteme nak énxet.

HEBREOS 11:8

Mey'áseyam axta keñamak Abraham apkelyahákxoho m'a apwónencha'a axta Dios, apmahágkek axta yókxexma appagkanchesamakxa axta Dios apmáheyo egkések, apyamasmeyk axta aksa xóp apagkok apxegama neyseksa mey'áseyak yakweykenxa emhagkok,

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

GÁLATAS 4:9

¿Háxko katnehek kóltemekxak makham kélyaheykekxoho xa aksok mékoho nak, cham'a aksok elmayóseka ekha nak elmowancha'a, yakwayam katnésásekxak makham kélmomaxche kéxegke, keso kélya'ásegkoho nak kaxwo' Dios, tén han se'e apkelya'ásegkoho nak kaxwo' kéxegke Dios?

GÁLATAS 3:3

¿Elyéháxma kélagko' enxeykel'a kéxegke? kélénawók axta kéxegke kélteme axnagkok kéltémakxa xamo' Espíritu, ¿kélmenyéya kaxwo' kólsawhegwomhok kélteme xa eñama kélwaskápeykekxoho ektémakxal'a apkelwaskápeykekxoho énxet?

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

EFESIOS 5:15

Kóltakmelches kéxegke xa kéltémakxa ektakmela nak. Nágkólteme megkólya'áseyak aksok, wánxa agkok, kólteme ekha kélya'áseyak.

1 TIMOTEO 6:4

énxet eyeymáxkoho apwáxok xa aptéma nak, mey'ásegkok nahan aksok. Mopmenyék nahan eyensók apkelátegmomap pók exének ektémakxa m'a amya'a kélpeykáseykekxa nak ektémakxa. Cháxa keñamak ekteyapma cha'a nelyásekáseykha xa, tén han ma'a nexpanchásamáxche nak, tén han ma'a negwanyeykha egmók nak, tén han ma'a negaye nak hentemésesamhoxma énxet,

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

1 CORINTIOS 11:26

Kéltokagkek agkok cha'a s'e pan nak tén han kélyenágko enxoho cha'a s'e aksok kélyeta nak egheykok, kéllegásek kéxegke m'a apketsapma axta Wese' egegkok, ekwokmoho m'a apkexyekmo sat makham.

1 CORINTIOS 2:2

Axta ko'o altamhok ay'asagkohok mók aksok sekha axta kélnepyeseksa kéxegke, wánxa axta m'a amya'a ekxeyenma nak Jesucristo, axta ekyagwánxa agkok seltamho ay'asagkohok ma'a kélyepetcheso axta aksok ektegyéso Jesucristo.

ROMANOS 6:17

Negmések negko'o ekpayheykekxa egwáxok Dios, kéxegke ñokxa kélyahákxoho ekmámnaksoho agko' ma'a ektahakxa axta kélxekmowásamáxche, kéxegke kéltaha axta elma mólya'asáxma nano' axta.

ROMANOS 2:8

wánxa agkok, ellegásesagkohok sat eyke Dios yetlo aplómo apagko' ma'a énxet'ák apchásekhamakpekxoho apagko' nak, cham'a melyaheykekxoho nak amya'a ekmámnaksoho, wánxa apchásekhayo m'a nentémakxa ekmaso nak.

LOS HECHOS 6:7

Payhekxeyk axta kéllegaso Dios appeywa, apxámágkek axta anhan énxet'ák apteme melya'áseyam Jesús ma'a tegma apwányam Jerusalén. Wokmók axta anhan ma'a énxet'ák judíos ektaha axta appasmo apkelmaxnéseso apnámokkok, aptemék axta anhan melya'áseyam.

APOCALIPSIS 18:3

Ekyókxoho yókxexma nahan kelnahakkásak anmen eñama m'a ektémakxa nak kamasexta Babilonia; apyakmagkáseykegkek axta anhan pók kelwese'e apheykha náxop appathetéyak xa, keñe anhan ektemesáseykegko kelwese'e m'a énxet'ák apkelyanmagkásamap nak keso náxop, eñama m'a ekyeykhásamáxkoho nak elma aksa cha'a aksok.”

2 TESALONICENSES 1:8

Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

2 CORINTIOS 10:5

tén han ma'a ekyókxoho ektémakxa nak eleymáxkoho apkelpakmeyesma énxet'ák megkahayol'a cha'a kólyekpelchágwók Dios. Nentemésesek negko'o elmomaxche m'a ekyókxoho ektémakxa nak elchetamso apwáxok énxet keso náxop, yakwayam enxoho katnehek elyaheykekxoho Cristo.

ROMANOS 10:16

Háwe eyke apyókxoho énxet apkelyaheykekxoho m'a ektémakxa nak ekpeywa tásek amya'a. Ekhawo ektémakxa axta apxeyenma Isaías se'e: “Wese', ¿yaksak axta énxet mey'áseykmo neltenneykha axta negko'o?”

SAN LUCAS 24:25

Keñe axta aptaha apkeláneya Jesús se'e: —Méko kélya'áseyak kéxegke, askehek nahan cha'a yakwayam megkólya'ásemek ma'a ekyókxoho ektémakxa axta apkeltenneykha énxet'ák apkellegaso axta Dios appeywa.

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

SAN MATEO 7:26

Keñe kéxegke kéltaha nak kélháxenmo aksa sekpeywa keñe megkólanyek ma'a sektahakxa enxoho sekpeywa, máxa kóltehek ma'a énxet mey'áseyak aksok la'a, cham'a apkeláneya axta apxagkok ekyetnakxa yagkamex.

LOS HECHOS 16:6

Apkelyeykhágwokmek axta yókxexma Frigia tén han ma'a Galacia Pablo tén han ma'a apkelxegexma'a, hakte axta eltamhok kóltennaha amya'a eñama Dios Espíritu Santo m'a yókxexma Asia.

GÁLATAS 1:2

Ektáxésesek ko'o weykcha'áhak apchakneykekxexa nak énxet yókxexma Galacia, yetlo nahan selxegexma'a ẽlyáxeg nentémo xamo' nak magya'áseyam apheyncha'a nak se'e sekhakxa nak.

GÁLATAS 5:11

Ko'o nak se'e elyáxeg, elenxanakmók agkok makham ko'o seltémo kalanaxchek ma'a sẽlkahaso kélyenyekhamol'a egyempehek, meheyakmasha axta exaha ko'o énxet'ák judíos, hakte ektemék axta agkok ko'o xa, megkallókasek axta énxet'ák judíos ma'a amya'a ekxénamaxche nak Cristo kélyepetcheso axta aksok ektegyéso.