GÁLATAS 2:5 - Lengua Sur (Enxet) Nuevo Testamento

⁵ Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.

GÁLATAS 2:5 Referans Kwoze

GÁLATAS 4:16

¿Selenmexma enxeykel'a kélaneyk atnahak ko'o kéxegke, eñama m'a seltennaso ekmámnaksoho agko' nak?

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

COLOSENSES 1:5

cham'a kélásekhayo ektekkesesama nak kélhaxneykha yakwayam kólxawak ma'a aksok kéltakmelchesesama nak kéxegke m'a néten. Kéllegayak kéxegke kéltenneykha xa nelhaxneykha nak, cham'a kélleg'a axta kéltenneykha amya'a ekmámnaksoho, ektaha nak amya'a ektakmela agko'.

EFESIOS 1:13

Ekhawo ektahakxa axta anhan kéxegkáxa, kéltemék axta kélyepetcheyo Cristo, kélkahásexchek axta anhan kéxegke magkenatcheso kéltaha Dios énxet'ák apagkok eñama kélxawé m'a Espíritu Santo apxeyenma axta egkések Dios, cham'a kélleg'a axta amya'a ekmámnaksoho ekxénáxko ekyetna kéxegke kélwagkásamáxche teyp, tén han ma'a kéltaha axta megkólya'áseyam Cristo.

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

LOS HECHOS 15:2

Kayhek axta apkelátegmomap Pablo tén han Bernabé xa énxet'ák nak, keñe axta kélyéseyncha'a Pablo tén han Bernabé, tén han ma'a pók énxet'ák nak, yakwayam elmahagkok tegma apwányam Jerusalén, yakwayam elánekxak amya'a xamo' énxet'ák seykha amya'a xa énxet'ák nak, tén han ma'a apkelámha apmonye'e nak kélakneykekxexa xa tegma apwányam nak.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.