GÁLATAS 2:2 - Lengua Sur (Enxet) Nuevo Testamento

² Ekmahágkek axta ko'o m'a, hakte exekmósegkek axta ko'o Dios eyéméxko amhagkok ma'a. Xama axta sekwokmo ko'o Jerusalén, eyancháseykxeyk axta apxakcha'awók énxet'ák ektaha nak apkelámha apmonye'e kélakneykekxexa. Eltennáseyha axta m'a tásek amya'a seltennáseykencha'awol'a énxet'ák metnaha nak judíos. Elanak axta ko'o xa, hakte momenyék axta katnehek eyakhémo m'a aksok selané axta ko'o, keso selana nak makham sektamheykha.

GÁLATAS 2:2 Referans Kwoze

GÁLATAS 2:6

Wánxa agkok, axta eyke heltennáseykxohok mók aksok apkeltamhókxa alának cha'a m'a énxet'ák apkelxénamakpo axta aptaha apkelámha apmonye'e (Akke ko'o alányók ma'a ektémakxa nak apkeltamheykha, hakte megkalchetmek cha'a apwáxok Dios elanok énxet kéláneyakxa enxoho etnahak)

FILIPENSES 2:16

hakte kéltekkáseyha kéxegke amya'a kélxena m'a amya'a ekyennaktésamo nak egnenyek. Kapayhekxak sat ko'o ewáxok kéxegke eñamakxa, hakte ay'asagkohok sat ko'o megkatnama eyakhémo m'a ektémakxa nak ko'o selteyásamáxche, tén han ma'a ektémakxa nak sektamheykha, cham'a apwakto sat Cristo.

1 TESALONICENSES 3:5

Axta alenmaxexchágwokmok ektahakxa ewáxok. Ekeso eñamakxa seyáphasa axta Timoteo yakwayam etegyaha amya'a ektémakxa megkólya'áseyam kéxegke, hakte tamháha axta ko'o ewáxok kalyekkónek kéxegke kelyekhama', keñe m'a nentamheykha nak negko'o katnégwók eyakhémo.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

1 CORINTIOS 9:26

Ko'o nak se'e, magwanyahak aksa ektémol'a neyseksa magya'áseyakla'a negmahágkaxa, makxayha aksa nahan ahakteg'ák ma'a sennápexko enxoho.

1 CORINTIOS 1:23

Wánxa agkok, nenlegásek eyke negko'o m'a Mesías kélyepetchesama axta aksok ektegyéso. Cháxa ellókasa nak cha'a énxet'ák judíos xa, keñe m'a énxet'ák metnaha nak Judíos apkenagkama cha'a ekyéháxma neltenneykha;

1 CORINTIOS 9:24

Kélya'ásegkok kéxegke ektémakxa m'a nelteyásamáxche nak. Apyókxoho yenyahagkok, xama eyke exkak ekyanmaga. Kólenyahak kéxegkáxa kóltesaxchek, yakwayam enxoho kólxawak ekyanmaga.

1 CORINTIOS 2:2

Axta ko'o altamhok ay'asagkohok mók aksok sekha axta kélnepyeseksa kéxegke, wánxa axta m'a amya'a ekxeyenma nak Jesucristo, axta ekyagwánxa agkok seltamho ay'asagkohok ma'a kélyepetcheso axta aksok ektegyéso Jesucristo.

LOS HECHOS 15:12

Apyókxoho énxet'ák axta apkelwanmeyágkok aphaxno apkeltenneykha Pablo tén han Bernabé apxéna m'a aksok magkenatcheso nak agweta', tén han ma'a aksok sempelakkasamo nak agweta', cham'a apkelana axta Dios eñama apkelané xa Pablo tén han Bernabé nepyeseksa m'a énxet'ák metnaha nak judíos.

LOS HECHOS 15:4

Xama axta apkelwákxo Pablo tén han Bernabé m'a tegma apwányam Jerusalén, apkelmeyk axta takha' m'a énxet'ák apteme axta melya'áseyam Wese' egegkok, tén han ma'a énxet'ák seykha amya'a nak, tén han ma'a énxet'ák apkelámha apmonye'e nak kélakneykekxexa. Apkeltennáha axta Pablo tén han Bernabé m'a ekyókxoho aptemésesakxa axta Dios.

FILIPENSES 2:29

Kóláhapmakha sat yetlo ekpayheykekxa kélwáxok nentémakxal'a anlának egyáxeg nentémo xamo' nak magya'áseyam Wese' egegkok. Kalkoho cha'a kélwáxok kólwetak kéxegke m'a énxet'ák ekhawo nak aptémakxa Epafrodito,

LOS HECHOS 23:11

Mók axta'a axta entahak apxekmowáseykpekxoho Wese' egegkok Pablo. Aptahak axta apcháneya s'e: “Ewaskápekxoho Pablo, cháxa aptahakxa nak apkeltenneykha sekwesey s'e Jerusalén, sat nahan etnehek apkeltennáseykha sekwesey énxet'ák apheykha tegma apwányam Roma xa ektaha nak.”

LOS HECHOS 18:9

Xama axta'a axta appakhetchásak Wese' egegkok Pablo, máxa axta apwanmagko aptaha apcháneya s'e: “Nágye Pablo; elenxanmoho aplegaso amya'a eñama nak Dios. Ná ewanmegwom,

LOS HECHOS 5:34

Wánxa agkok, apheyk axta eyke xama fariseo nepyeseksa xa kelwese'e nak, Gamaliel axta apwesey m'a, apkelxekmóso ektémakxa segánamakxa axta m'a, apcháyókxa axta anhan apyókxoho énxet'ák. Apkempákxeyk axta néten nepyeseksa énxet'ák apkeltamho kólántekkesek sekxo' énxet'ák seykha amya'a m'a.

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

LOS HECHOS 15:2

Kayhek axta apkelátegmomap Pablo tén han Bernabé xa énxet'ák nak, keñe axta kélyéseyncha'a Pablo tén han Bernabé, tén han ma'a pók énxet'ák nak, yakwayam elmahagkok tegma apwányam Jerusalén, yakwayam elánekxak amya'a xamo' énxet'ák seykha amya'a xa énxet'ák nak, tén han ma'a apkelámha apmonye'e nak kélakneykekxexa xa tegma apwányam nak.

ROMANOS 9:16

Háwe eyke m'a apmopmenyého nak énxet yemlekxohok Dios, tén han ma'a apwaskápeykekxoho nak apkeltémo yemlekxohok Dios, wánxa m'a apmokókxa enxoho yepyóshok elanok Dios.

2 CORINTIOS 12:1

Yawanchek hempasmok ma'a eyeymáxkoho nak nempeywa anxénaxchekxohok egagko'. Axének sat eyke ko'o aksok sekwetayo nak tén han ma'a aksok selxekmósamo nak eñama Wese' egegkok.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.

GÁLATAS 1:12

Háwe axta énxet segkéso xa, háwe axta nahan seltámeso énxet xama enxoho, Jesucristo axta eyke sey'asásegwayam ko'o xa.

GÁLATAS 5:7

Tásek axta kélyetlo kéxegke m'a ámay ektakmela nak. ¿Yaksak megkahayo kéxegke kóltehek kélyaheykekxoho m'a amya'a ekmámnaksoho nak?

2 TIMOTEO 4:7

Elnápexchék axta ko'o ektakmela kempakhakma, ekwokmók nahan néxa selteyásamáxche, mayenseykmok nahan sekteme may'áseyam.

HEBREOS 12:1

Ekeso eñamakxa eyéméxko nak agyenyók ekyókxoho m'a aksok sẽlya'asama nak exma, tén han ma'a mólya'asáxma sẽlpextetma nak, tén han onyahagkok yetlo nelwaskápeykekxoho m'a nelteyásamáxche peya nak óltésaxchek, hakte apxámok énxet negyáwa negko'o apxekmósama nak apteme melya'áseyam.