GÁLATAS 2:14 - Lengua Sur (Enxet) Nuevo Testamento

¹⁴ Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

GÁLATAS 2:14 Referans Kwoze

GÁLATAS 2:5

Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.

LOS HECHOS 10:28

Aptahak axta apkeláneya Pedro s'e: —Kélya'ásegkok kéxegke megkahayo xama judío épetchaha pók énxet ma'a ektémakxa nak apcháyo. Mopwanchek nahan etxek apxagkok. Wánxa agkok, exekmósek axta eyke ko'o Dios yakwayam maxének ekmaso émók esenhan altemésesek ekmanyása m'a aptémakxa enxoho.

1 TIMOTEO 5:20

Enxet'ák ektaha nak melwáteseyam apkelané mey'asáxma, kéméxchek xép egkések appeywa ekyennakte nápakta'awo' apyókxoho énxet'ák, yakwayam enxoho anhan yeyk ma'a apyókxoho énxet'ák nak.

GÁLATAS 6:12

Enxet'ák apkelyáteyeykegkoho nak cha'a kéxegke kóllának ma'a kélkahaso kélyenyekhamol'a egyempehek, hákho aptamhéyak xa apmenyék yepmenyéhok énxet'ák, yakwayam enxoho anhan megkólmenxenmakha eñama apkeltenneykha m'a apketsapma axta Cristo néten aksok ektegyéso.

HEBREOS 12:13

kólchetam ámay ekpéwomo nak yakwayam enxoho katakmelekxak ma'a kélmenek ekyelkamáxche nak, yakwayam enxoho megkayágwomok ekyakseykekxa.

HEBREOS 9:10

hakte aksok nentamakxa eyke aksa xa, tén han ma'a negyamol'a, tén han ma'a segmasésesamol'a ektémakxa nak aksok sempeysegkeso, cháxa ektaha nak ekyetno yókxexmók xa aksok nak, kélmeykencha'awol'a ekwokmoho apyakmagkasesa ektémakxa Dios.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

GÁLATAS 2:7

Apkelya'ásegkok axta eyke aptaha Dios seyásennagko ko'o altennaha tásek amya'a nepyeseksa énxet'ák metnaha judíos xa énxet'ák nak, ekhawo ektémakxa nak han apkelya'áseyak aptaha Dios apchásennagko Pedro eltennaha tásek amya'a nepyeseksa énxet'ák judíos.

ROMANOS 14:14

Ekya'ásegkok ko'o méko xama aksok ektemésásamáxkoho agko' ekmanyása; wese' egegkok Jesús may'áseyam keñamak sektemésesa ko'o ekmámnaksoho xa. Xénchek agkok apwáxok énxet ektaha ekmanyása xama aksok, nakso' nahan etnésesek ekmanyása xa énxet nak.

LOS HECHOS 15:24

Nenleg'ak axta negko'o amya'a apkelxega aksa nápakha énxet meyke neltémo negko'o apkeleñama s'e, tén han nenleg'a amya'a ekyentaxnésawo kélwáxok kéxegke apkeltenneykha xa énxet'ák nak, héxta nahan kólya'ásegkok kéltahakxa kéxegke.

GÁLATAS 2:3

Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o.

LOS HECHOS 15:1

Apkelwokmek axta nápakha énxet'ák Antioquía apkeleñama m'a Judea. Apkelxekmósek axta anhan ẽlyáxeg'a megkalepwagko axta elwagkasakpok teyp melánegko enxoho m'a eltémókxa nak antehek Moisés segánamakxa apagkok, cham'a sẽlkahaso kélyenyekhayol'a egyempehek.

LOS HECHOS 15:5

Wánxa agkok, apchaknákxeyk axta néten nápakha fariseos ektaha axta apteme melya'áseyam. Aptahak axta anhan apkelpakmeta s'e: —Kéméxchek nahan anlanaksek sẽlkahaso kélyenyekhamol'a egyempehek ma'a énxet'ák metnaha nak judíos, kéméxchek nahan agának elának ma'a eltémókxa nak antehek Moisés segánamakxa apagkok.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.

GÁLATAS 1:18

Apkántanxo apyeyam axta entemék sekmaheykegko nahan ma'a tegma apwányam Jerusalén quince ekhem axta ekhakmok ma'a, yakwayam enxoho ótak Pedro.

COLOSENSES 1:5

cham'a kélásekhayo ektekkesesama nak kélhaxneykha yakwayam kólxawak ma'a aksok kéltakmelchesesama nak kéxegke m'a néten. Kéllegayak kéxegke kéltenneykha xa nelhaxneykha nak, cham'a kélleg'a axta kéltenneykha amya'a ekmámnaksoho, ektaha nak amya'a ektakmela agko'.