GÁLATAS 2:12 - Lengua Sur (Enxet) Nuevo Testamento

¹² Aptókók axta sekxo' xamo' Pedro aptéyak ma'a énxet'ák metnaha nak judíos, ekwokmoho apkelwa'a nápakha énxet ektaha axta Santiago apkeláphaso; keñe axta ekmassa appaxkeyncha'a, massék axta anhan aptóko xamo' aptéyak, hakte apchekak axta Pedro m'a ektaha axta apkelyeykhásamákpoho apmáheyo elanagkok sẽlkahaso kélyenyekhamol'a egyempehek.

GÁLATAS 2:12 Referans Kwoze

LOS HECHOS 10:28

Aptahak axta apkeláneya Pedro s'e: —Kélya'ásegkok kéxegke megkahayo xama judío épetchaha pók énxet ma'a ektémakxa nak apcháyo. Mopwanchek nahan etxek apxagkok. Wánxa agkok, exekmósek axta eyke ko'o Dios yakwayam maxének ekmaso émók esenhan altemésesek ekmanyása m'a aptémakxa enxoho.

SAN LUCAS 15:2

Apkelpakmeteyha axta énxet'ák fariseos, tén han ma'a énxet'ák apkelxekmóso axta apnámokkok ektémakxa segánamakxa. Aptahak axta apkelpakmeta s'e: —Apkelápeyha nak énxet'ák melya'asáxma xa énxet nak, aptókok nahan xamo' aptéyak.

EFESIOS 3:6

Keso ektaha nak amya'a ekpowásamáxkoho s'e: kaxhok sat mók apkelxawe aksok kélpagkancheso m'a énxet'ák metnaha nak judíos tén han ma'a énxet'ák judíos, eñama m'a tásek amya'a nak, hakte hawók mók appasmeykekxa Cristo apyókxa, weykekxók nahan apkelxaweyak ma'a apekkeneykekxa axta appeywa Dios eñama Cristo Jesús.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

1 TESALONICENSES 5:22

Kólyetnakhes ekyókxoho ektémakxa nak nentémakxa ekmaso.

EFESIOS 2:15

Cristo apmasésakmo m'a ektémakxa axta segánamakxa eñama judíos, ekha axta eltémókxa antehek, tén han ma'a kéltémókxa nak antehek. Aptemesásekxeyk axta Cristo apyepetcheyo pók énxet'ák judíos, tén han ma'a énxet'ák metnaha nak judíos, aptemesásekxeyk axta wánxa xama énxet'ák aphaxnancha'ák eñama apyepetcheyo Cristo. Cháxa aptahakxa axta Cristo apmasésa ektémakxa axta nelenmexamaxche xa.

LOS HECHOS 12:17

Wánxa agkok apmek axta eyke aptahak Pedro apkeltamho elwanmak xa énxet'ák nak, apkeltennáseyha axta ektahakxa aptekkesa Dios apchásenneykha m'a sẽlpextétamakxa. Aptahak axta nahan apkeláneya s'e: —¡Kóltennasha sat nahan Santiago xa, tén han ma'a apkelyáxeg. Keñe axta aptepa m'a, apmeyákxeyk axta mók yókxexma.

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

SAN LUCAS 5:38

Kólyátem cha'a vino axnagkok ma'a aksok empe'ék axnagcha'ák kélyetmomol'a.