GÁLATAS 2:11 - Lengua Sur (Enxet) Nuevo Testamento

¹¹ Xama axta apwákxo Pedro tegma apwányam Antioquía, kayhek axta sekpeywa selana nápakta'awo' ẽlyáxeg'a, hakte sagkek axta m'a aptahakxa axta.

GÁLATAS 2:11 Referans Kwoze

1 TIMOTEO 5:20

Enxet'ák ektaha nak melwáteseyam apkelané mey'asáxma, kéméxchek xép egkések appeywa ekyennakte nápakta'awo' apyókxoho énxet'ák, yakwayam enxoho anhan yeyk ma'a apyókxoho énxet'ák nak.

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

2 CORINTIOS 5:16

Ekeso eñamakxa megkaxnawo nak kaxwo' elchetamso egwáxok negko'o m'a ektémakxa nak elchetamso apwáxok énxet keso náxop, cham'a nentaha enxoho negyekpelchémo xama énxet. Axta entemék cha'a negko'oxa ekxeyenma egwáxok Cristo m'a ektémakxal'a ekxeyenma apwáxók énxet'ák apheykha nak keso náxop, massék eyke kaxwo' ektaha ekxeyenma egwáxok negko'o xa ektaha nak.

LOS HECHOS 15:1

Apkelwokmek axta nápakha énxet'ák Antioquía apkeleñama m'a Judea. Apkelxekmósek axta anhan ẽlyáxeg'a megkalepwagko axta elwagkasakpok teyp melánegko enxoho m'a eltémókxa nak antehek Moisés segánamakxa apagkok, cham'a sẽlkahaso kélyenyekhayol'a egyempehek.

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.

SANTIAGO 3:2

Nenxámokxoho cha'a yetnak magakhémo; apchakhawók agkok aptahakxa appeywa enxama, méko enxoho megyakhémo aptahakxa appeywa, cháxa énxet apteme appéwomo xa, apteme nahan apmopwána elanagkohok aptémakxa.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

GÁLATAS 2:7

Apkelya'ásegkok axta eyke aptaha Dios seyásennagko ko'o altennaha tásek amya'a nepyeseksa énxet'ák metnaha judíos xa énxet'ák nak, ekhawo ektémakxa nak han apkelya'áseyak aptaha Dios apchásennagko Pedro eltennaha tásek amya'a nepyeseksa énxet'ák judíos.

GÁLATAS 2:5

Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.

2 CORINTIOS 12:11

Ektemegkek axta ko'o máxa seyéháxma, hakte kéxegke axta selyateyeykegkoho atnehek ko'o máxa seyéháxma, kéxegke axta eyke kéméxchek katakmelek sexeyenma ko'o, hakte meheyeykhágweykmohok ko'o m'a seykha amya'a ekha kéláyo nak, ¡énxet mékoho eykhe ko'o!

SAN MATEO 16:23

Appeynchakpók axta Jesús, aptahak axta apcháneya Pedro s'e: —¡Kamhok mók nekha Satanás! hakte mokók hetegkesek, meteyk xép aksok ekhawo m'a ektémakxa nak apweté Dios, wánxa m'a ektémakxa nak apweté énxet.

2 CORINTIOS 11:5

Megkaxének cha'a ko'o ewáxok heyeykhágwomhok ma'a seykha amya'a ekha kéláyo nak, ektaha axta axayók apkelánteyapma.

LOS HECHOS 11:19

Kélmenxenáha axta énxet'ák apteme melya'áseyam Jesús natámen apketsapma Esteban. Ekeso eñamakxa apkelmahágko axta nápakha apkenyahágko m'a yókxexma Fenicia, tén han ma'a Chipre, tén han ma'a Antioquía. Wánxa axta aksa apkeltennáseykencha'a tásek amya'a m'a apkelánamákpoho nak énxet'ák judíos.

SAN JUAN 1:42

Keñe axta Andrés apyentamákxo Simón ma'a aphakxa axta Jesús; xama axta apwet'a Jesús ma'a Simón, aptahak axta apcháneya s'e: —Xép Simón, Juan apketche, eltamhakpok sat xép Cefas (nenteme nak nempeywa Pedro).

LOS HECHOS 11:20

Nápakha énxet'ák melya'áseyam Jesús axta apkelwokmok ma'a Antioquía. Axta apkeleñamak ma'a Chipre, tén han ma'a Cirene. Apkelpakhetchesek axta énxet'ák metnaha nak judíos, apkeltennáseyha axta amya'a ektakmela Jesús Wese' egegkok apxénamap.

LOS HECHOS 11:22

Xama axta eklegáxko amya'a m'a apchakneykekxexa nak énxet tegma apwányam Jerusalén, kéláphásek axta Bernabé m'a Antioquía.

LOS HECHOS 11:27

Nápakha Dios appeywa apkellegaso apkeleñama Jerusalén axta anhan apkelmahágko ma'a Antioquía, cham'a ektéma axta xa.

LOS HECHOS 15:5

Wánxa agkok, apchaknákxeyk axta néten nápakha fariseos ektaha axta apteme melya'áseyam. Aptahak axta anhan apkelpakmeta s'e: —Kéméxchek nahan anlanaksek sẽlkahaso kélyenyekhamol'a egyempehek ma'a énxet'ák metnaha nak judíos, kéméxchek nahan agának elának ma'a eltémókxa nak antehek Moisés segánamakxa apagkok.

GÁLATAS 1:18

Apkántanxo apyeyam axta entemék sekmaheykegko nahan ma'a tegma apwányam Jerusalén quince ekhem axta ekhakmok ma'a, yakwayam enxoho ótak Pedro.