Biblia Todo Logo
Bib sou entènèt

- Piblisite -




GÁLATAS 2:1 - Lengua Sur (Enxet) Nuevo Testamento

1 Catorce apyeyam axta entemék sekmeyeykekxo makham ma'a Jerusalén, Bernabé axta sekxegexma, ekyentegkek axta nahan Tito.

Gade chapit la Kopi




GÁLATAS 2:1
20 Referans Kwoze  

Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o.


Tito, ektáxésesek xép se'e weykcha'áhak nak, xép aptaha nak ekmámnaksoho hatte eñama s'e ektémakxa nak nenteme magya'áseyam egkánet nak. Emenyék ko'o etnehek apméso naksa Dios Egyap, tén han Jesucristo segwagkasamo nak teyp ma'a ektémakxa nak segemleykekxoho, tén han ma'a meyke ektahakxa apwáxok xép.


Apcháphásesek kéxegke ekxeyenma apwáxok Aristarco; keso sekha nak xamo' sẽlpextétamakxa; hawók nahan ma'a Marcos, aptaha nak Bernabé apyaha' apketche. Ekmések axta kéxegke sekpeywa seltamhókxa kóltemésesek ma'a Marcos; aptemék sat agkok meyk'a kéxegke, kóláhapmakha sat.


Nápakha énxet'ák judíos apteme melya'áseyam axta anhan apkelweyhenákxohok aptahakxa Pedro, cham'a apkelya'ásegkaxa axta eykhe megkapayhawo etnahagkok, wokmók axta nahan Bernabé apweyheneykekxoho aptamhágkaxa xa énxet'ák nak.


Apkántanxo apyeyam axta entemék sekmaheykegko nahan ma'a tegma apwányam Jerusalén quince ekhem axta ekhakmok ma'a, yakwayam enxoho ótak Pedro.


Ewanchek ko'o axének Tito aptaha sekxegexma, aptaha anhan sektamheykha xamo' yakwayam ampasmok kéxegke. Ewanchek nahan axének ko'o m'a apkánet ẽlyáxeg'a ektaha axta eláphaso kélakneykekxexa, cham'a, kélayókxa nak Cristo.


Ekmések ko'o ekpayheykekxa ewáxok Dios, hakte apheyásók axta mók ekxeyenma egwáxok negmáheyo ampasmok kéxegke, ko'o, tén han Tito.


¿Negko'o enxeykel'a wánxa egagkok Bernabé megkapayhawo hempasmok ma'a neghóxo nentémo xamo' nak magya'áseyam?


Ekeso eñamakxa ekxéna axta negko'o egwáxok ektakmela ólyesha nápakha énxet apkeleñama negyeseksa negko'o, yakwayam enxoho elteyánegwakxohok kéxegke yetlo nahan ma'a ẽlyáxeg'a nelásekhayo nak, cham'a Pablo tén han Bernabé,


Kélaneykek axta Bernabé etnahak dios Zeus, keñe axta Pablo kéláneya etnahak dios Hermes, hakte Pablo axta m'a ektaha axta apkeltenneykha.


Wánxa agkok, apkelpakhetcháseykpók axta eyke énxet'ák judíos ma'a kelán'ák elpéwomo axta eltémakxa nápakto' Dios, cham'a kelán'ák kelwese'e nak, apkelpakhetcháseykpók axta nahan énxet'ák judíos ma'a kelwese'e nak tegma apwányam, apkelyáteyagkók axta apkeltamho kólmenxenmakha Pablo tén han Bernabé, yakwayam enxoho kólántekkesek xa yókxexma nak.


Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”


Xama axta appenchásegko apkeltamheykha Bernabé tén han ma'a Saulo, apkeltakháwok axta apkelenyekto m'a Jerusalén, apyentamákxók axta nahan Juan, cham'a apkeltamhomakpo axta anhan Marcos.


Apkelánegkek axta nahan xa. Bernabé axta kélmeyásak, tén han ma'a Saulo, axta kéláphasásak aksok ma'a apkelámha apmonye'e nak yókxexma Judea.


Apmahágkek axta Bernabé tegma apwányam Tarso natámen xa. Saulo axta apketamsakmok.


Wánxa agkok, yetnakha'awók axta eyke ewáxok, hakte axta ót'ak egyáxeg Tito. Ekeso eñamakxa selpeykásegkakxoho axta énxet'ák sekmeyákxo m'a Macedonia.


Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.


Swiv nou:

Piblisite


Piblisite