GÁLATAS 1:8 - Lengua Sur (Enxet) Nuevo Testamento

⁸ Apkeltennáseyha agkok kéxegke énxet tásek amya'a mók ektémakxa nak, megkaxnawo nak ma'a neltennáseykencha'a axta kéxegke, Dios sat eñásesagkohok énxet apteme enxoho xa, megkeyxek sektaha enxoho ko'o xa, esenhan aptaha enxoho m'a Dios apchásenneykha apkeñama nak néten.

GÁLATAS 1:8 Referans Kwoze

GÁLATAS 1:9

Eltennásek xeyk kéxegke, eltennásekxók eyke makham: apkeltennáseyha agkok kéxegke énxet tásek amya'a mók ektémakxa nak, megkaxnawo nak ma'a kélma nak takha' kéxegke, Dios sat eñásesagkohok énxet apteme enxoho xa.

1 CORINTIOS 16:22

Agkok agásekha'awok enxama Wese' egegkok Jesucristo, payhawók henlegásesagkohok Wese' egegkok. ¡Exyem Wese' egegkok!

ROMANOS 9:3

weykmók nahan sekmámenyého ko'o kasók setnésesakxa Dios, tén han henyókasek ma'a Cristo, ewanchek kexaha apasmok ẽlyáxeg'a sektaha enxoho xa, cham'a sekpeywomo xamo' nak.

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

2 SAN PEDRO 2:14

Ñohok nahan cha'a katsapok apnenyek apwet'a enxoho kelán'a; megkalleklámeykegkok nahan apkeláneyak melya'asáxma, ñohok nahan cha'a ellekwomhok ma'a énxet'ák elyelkamáxkoho nak apteme melya'áseyam; elya'asagkohok nahan cha'a aptamhágkaxa yepmenyéhok selyakye; appagkanchesegkek nahan Dios yakwayam ellegásesagkohok xa énxet'ák nak.

LOS HECHOS 23:14

Apkelyo'ókmek axta apkelámha apmonye'e nak appasmo apkelmaxnéseso Dios énxet'ák apagkok xa énxet'ák nak, tén han ma'a énxet'ák judíos apkelámha apmonye'e nak. Aptahak axta apkeláneya s'e: —Ekmámnaksoho axta nentemesásak negko'o neltamho hennápekxak Dios manlana enxoho m'a nentahakxa axta nelpeywa nenxéna mantawagkehek nentéyak, tén han magyenagkek yegmen ekwokmoho negakha Pablo.

TITO 3:10

Apkexpánchesek agkok apnámokkok xama énxet kélakneykekxexa, xama sat etnehek apméso appeywa ekyennakte, ánet esenhan, wánxa agkok, sat agkok elyahakxohok aptemésesakxa, etekkes sat ma'a apchakneykekxexa nak énxet.

GÁLATAS 3:13

Ẽlhaxyawasekxeyk axta negko'o Cristo eyesagkexa yakweykenxa hentemésesek segánamakxa, cham'a apxaka axta Cristo Dios aplo, negko'o eñamakxa, hakte temegkek eknaktáxésamaxche s'e: “Dios aplo apxawé énxet ektahakxa enxoho apketsapma kélmakheyáseykha néten yámet.”

1 CORINTIOS 12:3

Kaxwo' eyke emenyék kólya'ásegwomhok kéxegke méko kawának katnehek ekpeywa s'e: “¡Etak sat ekmaso Jesús!”, cham'a nempakmeta enxoho eñama Espíritu apmopwána apkeñama nak Dios. Méko nahan kawának katnehek ekpeywa s'e: “¡Jesús apteme Wese'!”, cham'a nempakmeta enxoho aksa meyke Espíritu Santo apmopwána.

SAN MARCOS 14:71

Apyennaktésakmók axta appeywa Pedro, apxéna eñásesagkohok Dios metnaha enxoho ekmámnaksoho appeywa. Aptahak axta s'e: —¡May'ásegkok ko'o m'a énxet kélxéna nak kéxegke!

GÁLATAS 3:10

Enxet'ák ektaha nak apcháyo m'a eltémókxa nak antehek segánamakxa exkak sat Dios aplo, hakte temegkek eknaktáxésamaxche s'e: “Exkak sat Dios aplo énxet ektahakxa enxoho mesawhomo apkelané ekyókxoho ektémakxa nak eknaktáxésamaxche weykcha'áhak segánamakxa antehek.”

ROMANOS 16:17

Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak,