GÁLATAS 1:7 - Lengua Sur (Enxet) Nuevo Testamento

⁷ Méko eyke mók tásek amya'a, apyetneyk eyke énxet apketsagkaseso nak elchetamso kélwáxok, apmenyék nahan étnakhásók ma'a ektémakxa nak amya'a ektakmela eñama Cristo.

GÁLATAS 1:7 Referans Kwoze

LOS HECHOS 15:24

Nenleg'ak axta negko'o amya'a apkelxega aksa nápakha énxet meyke neltémo negko'o apkeleñama s'e, tén han nenleg'a amya'a ekyentaxnésawo kélwáxok kéxegke apkeltenneykha xa énxet'ák nak, héxta nahan kólya'ásegkok kéltahakxa kéxegke.

GÁLATAS 5:10

May'ásekmok ko'o peya megkatnehek kéxegke mók ektémakxa elchetamso kélwáxok eñama negyepetcheyo Wese' egegkok; Dios sat eyke eñásesagkohok xa énxet aptawasáseykencha'a nak elchetamso kélwáxok kéxegke, megkeyxek ma'a aptémakxa enxoho.

2 CORINTIOS 11:13

seykha amya'a apkelmopwancha'a amya'a eyke m'a, elyexanchesha nahan cha'a énxet'ák, exnésakpohok cha'a m'a Cristo seykha amya'a apagkok nak.

GÁLATAS 5:12

Emenyék ko'o elyakténhok apagko' apancha'ák énxet'ák aptawasáseyncha'a nak kéxegke ektémakxa nak elchetamso kélwáxok.

2 CORINTIOS 2:17

Mantahak cha'a negko'o aptamheykegkaxa nak nápakha énxet'ák apkelyanmagkásamakpo nak cha'a eñama nak Dios appeywa, wánxa agkok, neltennáha cha'a negko'o ekmámnaksoho agko' meyke negeyseykekxa nápakto' Dios, hakte negko'o nenteme Dios apkelásenneykha, eñama nahan negyepetcheyo m'a Cristo.

APOCALIPSIS 20:3

Apyenyenték axta kañe' máxek ekmatawóneg agko', apchahakkásekxeyk axta nahan átog, keñe axta apchapa xama aksok ma'a átog yakwayam enxoho megkalyexanchesha apyókxoho énxet'ák ekwokmoho ekyeyk'a mil apyeyam, yeyk'ak sat agkok xa mil apyeyam nak, keñe sat kólyenyekxak yakwatakxoho agko' xa yéwa ekwányam nak.

2 SAN JUAN 1:10

Aptemék agkok meyk'a kéxegke xama énxet mesóko enxoho xa nelxekmowásamáxche eñama nak Cristo, nágkólhésem aksa kélxagkok, nágkólpeykes nahan;

1 SAN JUAN 4:1

Elyáxeg selásekhayo, nágkolána aksa nakso' aptahakxa apkelpeywa apyókxoho énxet'ák apkelxeyenma nak apyetna Espíritu apkeñama Dios, wánxa agkok, kólyekkón aksa sekxo', yakwayam enxoho kólya'asagkohok espíritu apkeñama Dios kexaha m'a apha nak apwáxok, háwe esenhan katnehek. Hakte apsawheykekxók náxop ma'a énxet'ák apkelmopwána amya'a nak, apkelxeyenmol'a apkelpeywa ektaha eñama Dios.

APOCALIPSIS 19:20

Máxchek axta xa aksok nawhak eklo nak, máxkók axta xamo' ma'a ektaha axta apkellegaso amya'a megkamámnaksoho nak, cham'a, apkeláneykegko axta cha'a aksok sempelakkaso nak agweta' nakto' xa aksok nawhak eklo nak. Apkelyexancháseykha axta énxet'ák xa ektaha nak apkellegaso amya'a megkamámnaksoho, eñama apkeláneyak ma'a aksok sempelakkaso nak agweta'. Axta apkelyexancháseyha m'a énxet'ák apchahayo axta keytek aksok nawhak eklo elkahaso, cham'a apkelpeykesamo axta kéleykmáseso kélheyáseykegkoho nak aksok nawhak eklo. Keñe axta kélyenyawa yetlo akta'ák neyseksa táxa xa aksok nawhak eklo nak, tén han yetlo apakta'ák ma'a ektaha axta apkellegaso amya'a megkamámnaksoho, cham'a eyálewomakxa nak táxa yetlo m'a aksok ánek eyálewomol'a.

APOCALIPSIS 13:14

Axta keñamak elyexancháseyncha'a apyókxoho énxet'ák apheykha nak keso náxop eñama m'a aksok sempelakkaso nak agweta', cham'a kélhayo axta kalának keto' ekyagkakxa m'a émha amonye aksok nawhak eklo nak, keltamhok axta nahan kalanaxchek kéleykmáseso ekhawo xa émha amonye aksok nawhak eklo nak, cham'a ekyáktama nak makham, ñekhe m'a kélyetxakxama nak sókwenakte kélyensasama.

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.

APOCALIPSIS 2:6

Wánxa agkok, yetneyk eyke exchep xama aksok ekleyawo nak ewáxok ko'o, cham'a aptaknawásesa nak apkeltémakxa m'a ektaha nak apkelyetlo ektémakxa apkelxekmóso Nicolaus, cham'a sektaknawásesama nak han ko'o xa apkeltémakxa.

APOCALIPSIS 2:2

Ekya'ásegkok ko'o ekyókxoho aksok apkelané nak xép, ekya'ásegkok nahan ma'a ektémakxa nak aptamheykha ekyentaxno, ekya'ásegkok nahan ma'a ektémakxa nak apkelenxányam, ekya'ásegkok nahan megkalcha apwáxok xép ma'a énxet'ák ekmaso nak apkeltémakxa, ekya'ásegkok nahan apkelanawo apkeltémakxa exchep ma'a énxet'ák apkeltemesásamap nak seykha amya'a, wánxa agkok háwe eyke nakso', apwet'ak axta exchep aptaha apkelmopwancha'a amya'a xa énxet'ák nak.

SAN JUDAS 1:4

Apkelyexancháseykha keñamak apkelyexamakpoho appáxakwaya kéxegke nápakha énxet apkelmopwána amya'a nak, cham'a ekxeyenma nak eknaktáxésamaxche nano' axta, yakwayam kóllegásesagkohok xa énxet'ák nak. Sagcha'ak apkeltémakxa xa, apmeykha nahan cha'a m'a ektémakxa nak Dios segásekhayo apkeláneykegko m'a apkelyeykhásamákpoho nak apkeltémakxa ekmaso, mexeyenmak nahan cha'a apwesey m'a Jesucristo aptaha nak wánxa xama Wese' egegkok.

2 SAN JUAN 1:7

Apsawheykekxók énxet'ák apmopwána nak hẽlyexanchesha keso náxop mexeyenmol'a m'a apwaya nak Jesucristo apyetchásamákpoho énxet. Enxet apteme enxoho xa ektaha nak, cháxa apteme énxet apmopwána nak hẽlyexanchesha xa, apteme anhan apkenmexma m'a Cristo.

1 SAN JUAN 2:26

Ektáxésesek kéxegke seltennasa m'a énxet'ák apkelenxáneykmo nak elyexanchesha kéxegke.

2 TIMOTEO 2:18

hakte apkelyetnakhásekmek ma'a amya'a ekmámnaksoho nak, apkelxénchek ekyeykhaya m'a nennakxátekhágwayam nak, aptawasáseyha nahan ektémakxa melya'áseyam nápakha énxet'ák xa apkánet nak.

GÁLATAS 6:17

Kaxwo' eyke momenyék ko'o helyánchesesamhok ekyentaxnamo ewáxok kélxama enxoho: hakte keso ekxekmóso ko'o sektaha Jesús apchásenneykha s'e kélyensáseykha nak empehek.

GÁLATAS 4:17

Awanhek kéxegke apkelmopmenyého xa énxet'ák nak, wánxa agkok sagko' eyke m'a ektémakxa nak elchetamso apwáxók. Apmenyék eyke kamaskok sempaxkeyncha'a negko'o kéxegke xa énxet'ák nak, yakwayam enxoho kólámenyéhok kéxegkáxa natámen xa énxet'ák nak.

GÁLATAS 2:4

Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.

2 CORINTIOS 4:2

Negyenyókek axta negko'o m'a aksok segmegkasamo apkelyexamakpoho axta cha'a apkeláneykegko énxet; manlanak nahan cha'a yetlo negmáheyo ólyexanchesha egnámokkok, Magyetnakháseykmok nahan cha'a m'a ektémakxa nak Dios appeywa. Wánxa agkok, ekmámnaksoho eyke nentémakxa nak cha'a negko'o nempeywa, cháxa ektahakxa nak cha'a ektakmela ekxeyenma apwáxók negko'o énxet'ák nápakto' Dios xa ektaha nak.

LOS HECHOS 20:30

Kawomhok sat nahan apkelánteyapma kélnepyeseksa kéxegke énxet'ák peya sat elxekmósek apnámokkok ma'a megkamámnaksoho nak, yakwayam enxoho elyetlakxak ma'a énxet'ák apteme nak melya'áseyam Jesús.

LOS HECHOS 13:10

aptahak apcháneya s'e: —¡Apmopwána amya'a exchep, sagkek aptémakxa, kelyekhama' étche, apkenmexma m'a ekyókxoho nentémakxa ektakmela nak. ¿Yaksak ektaha melwátesakmo nak apmáheyo étnakhaksek Wese' egegkok ámay apagkok ektaha nak ekpéwomo?

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

GÁLATAS 1:6

Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.