GÁLATAS 1:23 - Lengua Sur (Enxet) Nuevo Testamento

²³ Wánxa axta aksa apkellegaya ektéma amya'a sekxénamaxko s'e: “Apkeltenneykha tásek amya'a kaxwo' aptemék énxet segmenxeneykencha'a axta, cham'a apmáheyo axta anhan emasesók tásek amya'a nano' axta.”

GÁLATAS 1:23 Referans Kwoze

LOS HECHOS 9:13

Xama axta apleg'a Ananías xa, aptahak axta s'e: “Wese', apxámok énxet'ák seltennaso ko'o aptémakxa m'a énxet nak, eltennáseykha nahan ekyókxoho aksok ekmaso apkelané Saulo m'a tegma apwányam Jerusalén apkenmexma m'a xép énxet'ák apagkok apkelpagkanamap nak.

LOS HECHOS 9:20

Apchénawók axta apkeltenneykha Saulo apchakneykekxexa judíos apxéna Jesús aptaha Dios Apketche.

LOS HECHOS 9:26

Xama axta apwákxo Saulo tegma apwányam Jerusalén, apmokók axta eykhe epáxakwók neyseksa apchakneykekxa énxet'ák apteme nak melya'áseyam Jesús; wánxa agkok, apyókxoho axta eyke apkelakak, hakte apkelya'ásekmek axta énxet'ák aptaha nahan mey'áseyam Saulo m'a Jesús.

LOS HECHOS 6:7

Payhekxeyk axta kéllegaso Dios appeywa, apxámágkek axta anhan énxet'ák apteme melya'áseyam Jesús ma'a tegma apwányam Jerusalén. Wokmók axta anhan ma'a énxet'ák judíos ektaha axta appasmo apkelmaxnéseso apnámokkok, aptemék axta anhan melya'áseyam.

LOS HECHOS 9:21

Pelakkasek axta apkelwet'a m'a énxet'ák ektaha axta apháxenmo apkeltenneykha. Aptahak axta anhan apkelpakmeta s'e: —¿Háweya apmenxeneykencha'a axta énxet tegma apwányam Jerusalén xa, cham'a énxet ektaha nak apkelwóneykha apwesey Jesús? ¿Háweya apwa'a axta apmoko elmok énxet ektaha nak melya'áseyam Jesús apwesey xa, apmoko axta elmések ma'a apkelámha apmonye'e nak appasmo apkelmaxnéseso Dios énxet'ák apagkok?

LOS HECHOS 19:13

Nápakha judíos axta apkelweynchámeykha nepyeseksa tegma apkelántekkesesama cha'a apwáxók énxet'ák aksok elmasagcha'a nak. Apmenyék axta yásenneykxak ma'a Jesús apwesey nak. Etnohok axta cha'a yának aksok elmaso s'e: “¡Yetlo sekxeyenma Jesús apwesey ko'o eltamhok kólántépok se'e, cham'a apkeltenneykencha'a nak cha'a apwesey Pablo!”

GÁLATAS 6:10

Ekeso eñamakxa eyéméxko nak cha'a negko'o ampasmok apyókxoho énxet, ekyagwánxa agkok ma'a ẽlyáxeg'a apteme nak melya'áseyam, cham'a ekyetnakxa enxoho cha'a yakwayam ampasmok.