Biblia Todo Logo
Bib sou entènèt

- Piblisite -




GÁLATAS 1:15 - Lengua Sur (Enxet) Nuevo Testamento

15-16 Wánxa agkok, Dios axta eyke selyéseykha ko'o amonye sekteyam, ewóneykha axta anhan eñama ekyawe seyásekhayo. Exekmósek axta Apketche, cham'a ekwokmo axta yakwánxa hexekmósek, yakwayam enxoho ko'o altennaha tásek amya'a nepyeseksa énxet'ák metnaha nak judíos. Axta ay'áyekmok xama énxet enxoho yakwayam heltennasagkohok ektémakxa;

Gade chapit la Kopi




GÁLATAS 1:15
31 Referans Kwoze  

Ẽlwagkasek axta negko'o teyp Dios, ẽlwóneyha axta nahan yakwayam ampagkanchesaxchek neyseksa negha makham, háwe eñama m'a aksok nenlané axta negko'o, wánxa agkok, akke keñamak ma'a ektémakxa axta apmopmenyého elának Dios, tén han eñama m'a segásekhayo nak neyseksa negyepetcheyo Cristo Jesús. Dios, aptaha nak segásekhayo eyeynamókxa axta sekxo' apkeláneya keso náxop,


sempagkanma negko'o yakwayam hentehek apketchek eñama m'a Jesucristo, ekhawo m'a ektémakxa axta apmopmenyého elána'.


Esawhohok cha'a elának Dios ma'a apxénakxa enxoho elána', axta anhan apkelwóneykha kéxegke yakwayam kólxek xamo' Apketche Jesucristo Wese' egegkok ma'a.


Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.


Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”


Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.


Apkelwóneyha axta anhan Dios ma'a énxet'ák ektaha axta apkelpagkanma sekxo' agko'; aptemésesegkek axta anhan apkelpéwomo m'a énxet'ák ektaha axta Dios apkelwóneykha; apmések axta anhan apkeleymákpoho m'a énxet'ák ektaha axta apteméseso apkelpéwomo.


Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.


Táta, nakso', cháxa ektahakxa axta apmopmenyého exchep xa.


Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.


Apkelanak axta Dios xa eñama m'a megkamassegwayam nak apmaheyókxa etnehek, cham'a apsawhawo axta apkelana Wese' egegkok Jesucristo, eñama apchásenneykekxa Dios.


Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.


Etlakkasek ko'o sekwet'a enyahamo kélyensakmo kélyetlo kéxegke Dios, aptaha axta apkelwóneykha kéxegke eñama apkelásekhayo m'a Cristo, tén han kélyetlákxo m'a tásek amya'a mók ektémakxa nak.


Ektemegkek eyke ko'o kaxwo' seykha amya'a hakte tásek axta setnésesamakxa Dios, háwe nahan eyakhémo m'a ektémakxa nak segkéso naksa seyásekhayo, wánxa agkok, xámok axta eyke ko'o selané sektamheykha, maxnawok ma'a pók énxet'ák seykha amya'a nak, háwe axta eyke ko'o selané ahagko' xa sektamheykha nak, Dios axta eyke aptaha sepasmo.


Keñe m'a énxet'ák ektaha nak apkelwóneykha Dios, aptemésesama Mesías apxekmóso Dios apmopwána, tén han ma'a ektémakxa nak han apya'áseykegkoho Dios, nepyeseksa énxet'ák judíos esenhan nepyeseksa m'a énxet'ák metnaha nak judíos.


Ko'o Pablo, elwóneyha axta ko'o yakwayam atnehek Jesucristo seykha amya'a apagkok eñama Dios apmopmenyého.


Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.


Ẽlwóneyha axta negko'o Dios, nápakha axta apkeleñamak nepyeseksa énxet'ák judíos, keñe axta nápakha apkeleñama nepyeseksa énxet'ák metnaha nak judíos.


Negya'ásegkok negko'o apkelanésama cha'a ekyókxoho aksok Dios ma'a énxet'ák ektaha nak apkelásekhayo, yakwayam enxoho kapasmok, cham'a énxet'ák ektaha axta apkelwóneykha Dios, ekhawo m'a ektahakxa axta apmopmenyého.


Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.


Ko'o Pablo sektaha nak seykha amya'a megkatnaha énxet seyápháseykha, tén han megkatnaha énxet selyéseykha, Jesucristo apagko' axta eyke selyéseykha ko'o, tén han ma'a Dios Egyap, aptaha axta apxátekháseyam ma'a Jesús.


Swiv nou:

Piblisite


Piblisite