GÁLATAS 1:13 - Lengua Sur (Enxet) Nuevo Testamento

¹³ Kéllegayak axta kéxegke amya'a sektémakxa axta ko'o nano', sekyetlama axta m'a ektémakxa nak apkelpeykesamo Dios énxet'ák judíos, kéllegayak axta anhan amya'a sektémakxa axta ko'o sekmenxeneykencha'a yetlo seknaktawáseykegkoho m'a Dios énxet'ák apagkok nak, ekmáheyok axta amasesók.

GÁLATAS 1:13 Referans Kwoze

LOS HECHOS 8:3

Keñe axta Saulo apmenxeneyncha'a énxet'ák melya'áseyam Cristo, apkelántaxneyha axta tegma yakwayam elántekkesek yókxexma énxet tén han kelán'ák yetlo meltakmelcheso, yakwayam enxoho exatmok sẽlpextétamakxa.

1 CORINTIOS 15:9

Ko'o eyke sekteme kóneg nepyeseksa énxet'ák seykha amya'a nak, megkapayhawok nahan altamhaxchek ko'o seykha amya'a, hakte ekmenxeneykha axta Dios énxet'ák apagkok.

LOS HECHOS 9:26

Xama axta apwákxo Saulo tegma apwányam Jerusalén, apmokók axta eykhe epáxakwók neyseksa apchakneykekxa énxet'ák apteme nak melya'áseyam Jesús; wánxa agkok, apyókxoho axta eyke apkelakak, hakte apkelya'ásekmek axta énxet'ák aptaha nahan mey'áseyam Saulo m'a Jesús.

LOS HECHOS 9:21

Pelakkasek axta apkelwet'a m'a énxet'ák ektaha axta apháxenmo apkeltenneykha. Aptahak axta anhan apkelpakmeta s'e: —¿Háweya apmenxeneykencha'a axta énxet tegma apwányam Jerusalén xa, cham'a énxet ektaha nak apkelwóneykha apwesey Jesús? ¿Háweya apwa'a axta apmoko elmok énxet ektaha nak melya'áseyam Jesús apwesey xa, apmoko axta elmések ma'a apkelámha apmonye'e nak appasmo apkelmaxnéseso Dios énxet'ák apagkok?

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

FILIPENSES 3:6

Ekyeykhásamáxkók axta sektémakxa ko'o sekmasma xa segánamakxa nak, weykmók axta sekmenxeneykha m'a énxet'ák apkelpeykesamo nak Cristo. Méko axta kawának hexénchásekxohok masawhomo selané m'a eltémókxa nak antehek segánamakxa.

LOS HECHOS 8:1

Apkenmáha axta nahan Saulo m'a. Leyawók axta apwáxok ektahakxa apmatña Esteban. Cháxa ekhem eyeynókxa axta kélmenxeneykha ekwányam énxet'ák ektaha axta melya'áseyam Jesús ma'a tegma apwányam Jerusalén. Apkexpakneyk axta apyókxoho énxet apteme axta melya'áseyam ma'a yókxexma Judea tén han ma'a Samaria. Axta eyke elxegak ma'a énxet'ák seykha amya'a.

1 CORINTIOS 10:32

Nágkóllanés aksa mey'asáxma kélyáxeg eñama m'a kéltahakxa enxoho; nágkólxekmósho kéltahakxa énxet'ák judíos, tén han ma'a énxet metnaha nak judíos, nágkólxekmósho nahan kéltahakxa m'a Dios énxet'ák apagkok nak.

1 TIMOTEO 1:14

Cháxa aptahakxa axta Wese' egegkok seyanchesáso segkésa aksa m'a ektémakxa nak segemleykekxoho, egkések axta may'áseyam, tén han ma'a negásekhayo ekyetnamol'a nenteme nak negyepetcheyo Cristo Jesús.