GÁLATAS 1:10 - Lengua Sur (Enxet) Nuevo Testamento

¹⁰ Maktámak ko'o m'a ekleklamókxa nak apwáxok antehek énxet, akke etámak ko'o m'a ekleklamókxa nak apwáxok antehek Dios. Maktámak ko'o yakwayam katakmelhok sexeyenma énxet'ák. Emenyék agkok ko'o katakmelek sexeyenma énxet, matnehek ko'o Cristo apchásenneykha.

GÁLATAS 1:10 Referans Kwoze

1 TESALONICENSES 2:4

Leyawók axta eyke apwáxok nentahakxa negko'o Dios, egásennakkek axta yakwayam anlegaksek tásek amya'a, cháxa nentahakxa nak neltenneykha. Magketámak negko'o m'a ekleklamókxa nak apwáxok antehek énxet, wánxa negketámak negko'o m'a ekleklamókxa nak apwáxok antehek Dios aptaha nak apkelanyo cha'a kañe' egwáxok.

LOS HECHOS 5:29

Apkelátegmowágkek axta Pedro tén han ma'a apyókxoho seykha amya'a. Aptahak axta s'e: —Cháxa eyéméxchexa nak negko'o antehek xa, ektakmela agko' antehek nelyaheykekxoho Dios megkaxnawok ma'a ektémakxal'a nelyaheykekxoho énxet.

EFESIOS 6:6

Kóllanés cha'a aksok wese' kélagkok, háwe ekwánxa agkok ma'a apkelánencha'a enxoho yakwayam enxoho yának katakmelak kéltamheykha, akke tásek kóltehek kéltamheykha m'a aptémakxal'a énxet ektaha nak Cristo apchásenneykha, kóllának yetlo ekmáheyo agko' kélwáxok ma'a eñama nak Dios apmopmenyého.

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

SAN MATEO 22:16

Apkeláphásek axta énxet'ák fariseos énxet'ák ektaha axta apkelxegexma'a, tén han ma'a ektaha axta apkelyetlo Herodes, yakwayam enxoho etnehek yának Jesús se'e: —Sẽlxekmóso, negya'ásegkok negko'o ektéma cha'a ekmámnaksoho aksok apxeyenma exchep, tén han apkelxekmósama énxet'ák ma'a apkeltémókxa nak antehek Dios, meyke apkenmexmo m'a ektémakxa nak apkelpakmeyesma énxet, hakte mexeyenmak xép ma'a elpeykesáseykekxoho nak apwáxók énxet'ák.

COLOSENSES 3:22

Kéxegke kélteme nak kélmomaxche kéltemesáseykha aksa, kólyahakxoho cha'a kélwese'e kélagkok apheykha nak keso náxop, kóllanés cha'a aksok wese' kélagkok, háwe ekwánxa agkok ma'a apkelánencha'a enxoho, yakwayam enxoho yának katakmelak kéltamheykha, wánxa agkok, kóltemeykha yetlo ekmáheyo kélwáxok, eñama kélaye m'a Wese' egegkok.

ROMANOS 2:29

Akke ekteme ekmámnaksoho nenteme judío m'a ekweykmoho nak kaño' agko' egwáxok, kélkahásek agkok apyempehek xama énxet, kawomhok nahan kaño' agko' apwáxok: háwe ektekkeso weykcha'áhak eknaktáxésamaxche xa, Espíritu eyke aptekkeso. Enxet ekyetnakxa enxoho xa kélkahaso ekweykmoho nak kaño' agko' apwáxok, kalkohok apwáxok Dios aptahakxa, keñe megkalchehek apwáxók ma'a énxet'ák.

1 SAN JUAN 3:9

Melanyek cha'a mólya'asáxma énxet apteme nak Dios apketche, hakte keytek ma'a nentémakxa ektaha axta apméso Dios; mopwanchek nahan elának mólya'asáxma, hakte Dios apketche xa.

2 CORINTIOS 12:19

Kélaneykek kexaha óltamhok negko'o hẽlemlekxohok kéxegke, mantahak negko'o xa. Wánxa agkok, nentahak negko'o nempeywa m'a nentémakxal'a ampakmétek nápakto' Dios, ekhawo aptamheykegkaxal'a Cristo énxet'ák apagkok. Elyáxeg selásekhayo, yakwayam ólyennaktésesek apteme melya'áseyam énxet akke keñamak nentéma cha'a negko'o ekyókxoho xa.

ROMANOS 2:8

wánxa agkok, ellegásesagkohok sat eyke Dios yetlo aplómo apagko' ma'a énxet'ák apchásekhamakpekxoho apagko' nak, cham'a melyaheykekxoho nak amya'a ekmámnaksoho, wánxa apchásekhayo m'a nentémakxa ekmaso nak.

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

1 CORINTIOS 10:33

Ko'o nak se'e, elenxanakmek cha'a kalkohok apwáxók apyókxoho énxet'ák ma'a ekyókxoho sektahakxa enxoho, meyke seltémo alának exakko' m'a sekmokókxa enxoho alána', wánxa aksa emenyék alának ma'a yakwayam nak kapasmok apyókxoho énxet, yakwayam enxoho elwagkasakpok teyp.

SAN MATEO 28:14

Apleg'ak sat agkok wese' apwányam Roma apchásenneykha apkeláneykha yókxexma xa, negko'o sat ólpakhetchesaxkoho, keñe sat megkólwetyek ekyentaxno kéxegke.

LOS HECHOS 12:20

Apkeltaknagkamók apagko' axta wese' Herodes énxet'ák apheykha tegma apwányam Tiro tén han ma'a Sidón, wánxa agkok, hawók axta eyke mók apkelpakmeyesma xa énxet'ák nak yakwayam elmahagkok aphakxa Herodes, aplekwokmók axta apkeltamho epasmok ma'a énxet apwesey axta Blasto, apkemha apmonye aptakmelcheso Herodes aksok apagkok axta m'a. Blasto axta kélásenneykxak kélmaxné Herodes yakwayam elásekhekxohok makham, hakte elxawagkohok axta cha'a nento eñama aphakxa wese' apwányam Herodes xa énxet'ák apheykha nak Tiro tén han ma'a apheykha nak Sidón.

SAN MATEO 6:24

“Méko kawának kalanha apkánet kélwese'e, hakte kóltaknók ma'a pók, keñe kalkohok kélwáxok ma'a pók, esenhan kóltehek megkólyenyaweykha m'a pók, keñe kólwanyohok ma'a pók. Megkólwanchek kéxegke kólhéshok mók kélyetlo xa ánet nak, Dios tén han selyakye.

FILIPENSES 1:1

Negko'o nenteme Jesucristo apkeláneykha, ko'o Pablo, tén han Timoteo. Enxet'ák apheykha tegma apwányam Filipos negko'o nentáxesásak se'e weykcha'áhak nak, cham'a apkelánamákpoho nak Dios énxet'ák apagkok, cham'a aptéma nak han apkelyepetcheyo Cristo Jesús, yetlo m'a apkelámha apmonye nak kélakneykekxexa, tén han ma'a appasmeykha nak kéltamheykha kélakneykekxexa.