FILEMÓN 1:9 - Lengua Sur (Enxet) Nuevo Testamento

⁹ wánxa agkok, emenyék eyke agkések xép sekpeywa ektakmela eñama m'a ektémakxa nak nelásekhamaxkoho. Ko'o Pablo, ekwanakmek kaxwo' ko'o, elhésekmek nahan sẽlpextétamakxa sekmáxko, eñama seklegaso apwesey Cristo Jesús.

FILEMÓN 1:9 Referans Kwoze

EFESIOS 4:1

Ekmések ko'o sekpeywa kéxegke keso sekha nak kaxwo' sẽlpextétamakxa seltamho kóltehek kéxegke m'a eyéméxchexa nak antehek negko'o ektaha axta sẽlwoneykha Dios, ekhawo m'a ektahakxa axta apkelwónencha'a Dios kéxegke.

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

ROMANOS 12:1

Elyáxeg selásekhayo, eltamhok ko'o kaxénwakxohok kélwáxok kéxegke Dios segemleyam seltamho kóltemésesaxchek kéxegke kélmeyásamáxkoho kélagko' Dios, ektémol'a aksok kélméso Dios, meyke ekyepetche xama aksok ekmaso, cham'a ekleklamókxa nak apwáxok Dios. Cháxa ektémakxa nak ekmámnaksoho nelpeykesamo Dios xa, eyéméxko nak agmések Dios.

EFESIOS 3:1

Ekeso eñamakxa sekha nak kaxwo' ko'o sẽlpextétamakxa eñama Cristo Jesús, ko'o Pablo, eñama selané sektamheykha yakwayam apasmok kéxegke megkóltaha nak judíos.

1 SAN PEDRO 2:11

Elyáxeg selásekhayo, eltamhok ko'o megkólhok kamok kélwáxok ektémakxa nak aksok negyespagko nenteme nak énxet, cham'a sẽlenmexeykegkohol'a cha'a negko'o, kéxegke kéltaha nak kélheykha yakwatakxoho keso náxop ektémol'a énxet apheykha nak megkatnahakxa apkelókxa.

HEBREOS 13:19

Awanhek ko'o seltémo helmaxnésesek yakwayam enxoho yohok Dios kañehémhok awakxak makham kélhágkaxa kéxegke.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

EFESIOS 6:20

Eyáphásek axta ko'o Dios yakwayam atnehek sekxeyenma m'a ektémakxa nak amya'a apagkok, cháxa keñamak sekha nak kaxwo' ko'o sẽlpextétamakxa xa. Helmaxnéses cha'a ko'o yakwayam enxoho axének apwesey Cristo yetlo meyke seyeye xama enxoho.

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

TITO 2:2

Enxet'ák apkelwányam nak, kéméxchek etnahagkok meltemegweykmohóxma, etnahagkok nahan ektakmela apkeltémakxa, etnahagkok nahan apmopwána apkeláneykegkoho apkeltémakxa, tén han etnahagkok ekmámnaksoho melya'áseyam, tén han etnahagkok ekmámnaksoho m'a apkelásekhamakpoho nak, tén han elwaskápekxohok elenmaxakpohok ma'a ektémakxa nak nenlegeykegkoho.