EFESIOS 6:9 - Lengua Sur (Enxet) Nuevo Testamento

⁹ Hawók nahan kéxegkáxa kelwese'e nak, kólhésho kéltémakxa m'a apkeltémakxa nak kélásenneykha, nágkólmes cha'a kélpeywa ekyennakte kélláneykha kólmawhok kóltemesesamhoxma. Kaxén kélwáxok kéxegke hawók mók kélyaheykekxoho Wese' egegkok apha nak néten, kéxegke kélteme nak kelwese'e, tén han kéxegke kélteme nak kélmomaxche, kaxén nahan kélwáxok Wese' egegkok mehentemésesama cha'a negyeykhamaxche egmók nenteme nak énxet.

EFESIOS 6:9 Referans Kwoze

COLOSENSES 3:25

Kéxegke ektahakxa enxoho kéllané aksok ekmaso, kólxewekxak sat ekyakmageykekxa m'a aksok ekmaso kéllané nak, hakte mehentemésesek cha'a negyeykhamaxche egmók Dios.

LOS HECHOS 10:34

Aptahak axta apkeltenneyncha'a Pedro s'e: —Ekya'ásegkok kaxwo' ko'o aptemésesama Dios meyeykhamap pók énxet,

ROMANOS 2:11

Hakte mehentemésesek cha'a negyeykhamaxche egmók Dios;

SAN LUCAS 6:31

Kólhésho mók ma'a kélámenyexa enxoho kéxegke etnésesek kélnámokkok.

SAN MATEO 7:12

“Kólhésho cha'a mók ma'a kélámenyéxa enxoho kéxegke etnésesek kélnámokkok; hakte cháxa eltémókxa nak antehek segánamakxa xa, tén han ma'a apnaktáxeséyak axta énxet'ák apkellegaso axta Dios appeywa.

SANTIAGO 2:13

Enxet ektaha nak megkamopyósa elanok pók, megkapyósek sat nahan kóllanok ma'a ekhem nelyekpelchamáxchexa sat, keñe m'a énxet ektaha axta apmopyósa elanok pók, etnehek sat apmallanma m'a ekhem nelyekpelchamáxchexa sat.

SANTIAGO 2:8

Tásek katnehek kéxegke kéltahakxa eyámnaksoho enxoho kéllana m'a ektémakxa nak segánamakxa ektakmela ektaha nak meyke ekhémo, ekhawo ektémakxa nak eknaktáxésamaxche s'e: “Kólteme kélásekhayo kélmók ma'a ektémakxal'a kélásekhamaxchekxoho kélagko'.”

1 CORINTIOS 1:2

Ektáxésesek ko'o weykcha'áhak elyáxeg'a aptaha nak Dios énxet'ák apagkok apheykha nak xa tegma apwányam Corinto, yetlo sekxegexma egyáxeg Sóstenes, cham'a apkelánamákpoho énxet'ák ektaha axta kélteméseso apkelpagkanamap eñama Cristo Jesús, cham'a apkelwóneykencha'a axta nahan Dios yakwayam etnésásekxak énxet'ák apagkok, yetlo nahan ma'a apyókxoho énxet apheykha nak ekyókxoho yókxexma, ektaha nak apkelpeykesamo apwesey Jesucristo, negko'o Wese' egegkok, tén han Wese' apagkok xa énxet'ák nak.

SAN JUAN 13:13

Sẽlxekmóso cha'a kóltehek helwónmakha kéxegke tén han heltehek cha'a Wese', payhawók heltehek, hakte ko'o sekteme m'a.

SANTIAGO 5:4

Wóneyha enmexa kéxegke m'a selyakye megkólyanmagkaseso axta apkeltamheykha énxet'ák, cham'a, apnakxa axta aksok ekyexna yókxexma kélagkok; apleg'awók nahan apkelwóneykha Wese' egegkok ekha apyennakte m'a énxet'ák ektaha axta apkeltamheykha.

1 CORINTIOS 7:22

Enxet apmomap axta agkok ma'a kélwóneykencha'a axta yakwayam etnehek mey'áseyam Wese' egegkok, etnehek kaxwo' Wese' egegkok apchásenneykha ektémol'a énxet kélyenyeykekxal'a; hawók nahan ektémakxa kélwóneykencha'a axta m'a énxet memomap nak, aptemék kaxwo' apmomap nápakto' Cristo.

SAN MATEO 24:51

eñásesagkohok nahan, exnéshok ekwánxal'a kéllegasáseykegkoho m'a énxet'ák apkelmeyókásamákpoho apagko' nak apkeltémakxa. Keñe, elekxagwaha, eltakxek nahan apma'ák eñama aplegeykegkoho ekmáske.

SAN MATEO 24:48

Wánxa agkok, ekmaso aptémakxa agkok se'e kélásenneykha nak, xénchek agkok apwáxok peya mewakxék heykxa wese' apagkok,

SAN MATEO 22:10

Apkelxegkek axta nahan xa wese' apkelásenneykha nak, apchánchesakxeyk axta apyókxoho énxet'ák ektaha axta apkelweté, elmasagcha'a apkeltémakxa, tén han ma'a ektakmela nak apkeltémakxa; keñe axta aplana énxet ma'a ektámáxchexa nento.

SAN MATEO 22:8

Aptahak axta apkeláneya apkelásenneykha s'e: ‘Penchásexchek elánamáxche ektámáxche nento sẽlyamhopma, wánxa agkok, akke kapayhawok elxegmak ma'a énxet'ák seláneyeykha axta ko'o.

COLOSENSES 4:1

Kéxegke kélwese'e nak, kólteme cha'a kéltémakxa ektakmela kóllának énxet kéltemesáseykha naksa nak, kólteméses nahan ma'a ekpayhawo nak kóltemésesek. Kaxén kéxegkáxa kélwáxok apha Wese' kélagkok ma'a néten.