EFESIOS 6:8 - Lengua Sur (Enxet) Nuevo Testamento

⁸ Kélya'ásegkok eyke kaxwo' kéxegke peya kólxawak ekyanmaga eñama Wese' egegkok ma'a ektémakxa enxoho aksok ektakmela kéllané, megkeyxek ma'a kélteme enxoho kélmomaxche, esenhan ma'a kélteme nak megkólmomaxche.

EFESIOS 6:8 Referans Kwoze

COLOSENSES 3:24

Hakte kélya'ásegkok kéxegke peya egkeyásekxak kéxegke Wese' egegkok ma'a aksok appagkancheso nak yakwayam egkések, ektaha nak ekyakmageykekxa kéllané m'a kéltamheykha nak. Hakte kélláneyak kéxegke kéltamheykha eñama nak Cristo, aptaha nak apmámnaksoho Wese' kélagkok.

SAN LUCAS 14:14

kapayhekxak sat nahan kélwáxók, hakte mopwancha'ak eyanmagkasesek kéxegke xa énxet'ák nak, keytek sat eyke kéxegke ekyakmageykekxa kéltahakxa m'a ekhem apnakxétekhágwokmo sat énxet'ák apkelpéwomo nak.

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

2 CORINTIOS 5:10

Hakte negyókxoho sat ólmahagkok ma'a segyekpelchémókxa nak Cristo, yakwayam enxoho exkak cha'a enxama m'a aksok ekpehewayam nak yakwayam exka', cham'a ektahakxa enxoho apkelané aksok ektakmela esenhan ma'a ektahakxa enxoho apkelané aksok ekmaso neyseksa meyamasma axta m'a ektémakxa nak apyókxa.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 6:4

kólyexaxkoho sat cha'a kóltehek xa, étak sat kéltahakxa kéxegke m'a Kélyap apha nak néten, cham'a kélyexamaxkoho nak cha'a kélláneya, egkések sat kéxegke aksok apméso naksa.

HEBREOS 10:35

Nágkólyensem aksa m'a ektémakxa nak megkólya'áseyam kéxegke, hakte sat kañék ekméso kéxegke aksok kélxawé naksa xa, ektaha nak ektakmela agko'.

HEBREOS 11:26

Xeyenmék axta apwáxok Moisés ektakmela kawakxohok nahan ma'a ektémakxa nak kélwanyémo Mesías aptaha nak Dios apkelyéseykha, mopmenyék axta kapeykesásekxak apwáxok ma'a aksok eltakmela ekhéyak axta Egipto; hakte xéneykha axta cha'a apwáxok ma'a aksok apxeyenma axta egkések Dios.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

SAN MATEO 6:1

“Nágkóllána aksa kéltamheykha ektakmela yakwayam enxoho kólxekmósho kéltahakxa énxet'ák. Kéltemék agkok kéxegke xa, megkések sat xama aksok apméso naksa Kélyap apha nak néten.

SAN MATEO 5:12

Kalpayhekxa agko' kélwáxok, hakte kólxawak sat aksok kélxawé naksa m'a néten ektaha nak ekyawe agko'. Axta temék nahan kélmenxeneykencha'a Dios appeywa apkellegaso apheykencha'a axta nano', meykexa axta kéxegke.

SAN LUCAS 6:35

Kéméxchek kéxegke kólásekhohok ma'a énxet'ák apkenmexeykha nak, kólxekmósho nahan kélásekhayo, kólmásesha nahan aksok kélagkok yetlo megkólhaxanma eyakmagkásekxak mók. Awanhek sat katnehek ekyakmageykekxa kéltaha enxoho xa, kóltehek sat kéxegke Dios meyke ekhémo apketchek, aptaha nak han apkelásekhayo m'a énxet'ák megkéso nak ekxeyenma apwáxók Dios, tén han ma'a elmasagcha'a nak apkeltémakxa.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

COLOSENSES 3:25

Kéxegke ektahakxa enxoho kéllané aksok ekmaso, kólxewekxak sat ekyakmageykekxa m'a aksok ekmaso kéllané nak, hakte mehentemésesek cha'a negyeykhamaxche egmók Dios.

SAN MATEO 20:7

Aptahak axta apkelátegmowágko s'e. ‘Méko eyke segmésama nentamheykha.’ Keñe axta aptaha apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet.’