EFESIOS 6:6 - Lengua Sur (Enxet) Nuevo Testamento

⁶ Kóllanés cha'a aksok wese' kélagkok, háwe ekwánxa agkok ma'a apkelánencha'a enxoho yakwayam enxoho yának katakmelak kéltamheykha, akke tásek kóltehek kéltamheykha m'a aptémakxal'a énxet ektaha nak Cristo apchásenneykha, kóllának yetlo ekmáheyo agko' kélwáxok ma'a eñama nak Dios apmopmenyého.

EFESIOS 6:6 Referans Kwoze

1 TESALONICENSES 2:4

Leyawók axta eyke apwáxok nentahakxa negko'o Dios, egásennakkek axta yakwayam anlegaksek tásek amya'a, cháxa nentahakxa nak neltenneykha. Magketámak negko'o m'a ekleklamókxa nak apwáxok antehek énxet, wánxa negketámak negko'o m'a ekleklamókxa nak apwáxok antehek Dios aptaha nak apkelanyo cha'a kañe' egwáxok.

GÁLATAS 1:10

Maktámak ko'o m'a ekleklamókxa nak apwáxok antehek énxet, akke etámak ko'o m'a ekleklamókxa nak apwáxok antehek Dios. Maktámak ko'o yakwayam katakmelhok sexeyenma énxet'ák. Emenyék agkok ko'o katakmelek sexeyenma énxet, matnehek ko'o Cristo apchásenneykha.

EFESIOS 5:17

Nágkólteme aksa megkólya'áseyak aksok; kóllenxánem cha'a kólya'ásegwomhok ektémakxa nak Wese' egegkok apmopmenyého.

1 SAN PEDRO 4:2

wánxa aksa elának ma'a ektémakxa nak Dios apmopmenyého, kamaskok apkelana m'a ektémakxa nak aksok ekmaso negyespagko.

FILIPENSES 2:12

Elyáxeg selásekhayo, kólyánchesagkoho kélteme kélyaheykekxoho sekpeywa keso sekha nak makhawo' kélhágkaxa kéxegke, ekhawo ektémakxa axta cha'a kélyaheykekxoho sekpeywa sekha enxoho kélnepyeseksa kéxegke. Nágkólyensem ekxéneykha kélwáxok kéxegke m'a ektémakxa nak kélwagkásamáxche teyp, kólteme yetlo kéláyo agko'.

SAN MATEO 12:50

Enxet ektahakxa enxoho apkelané m'a apmopmenyého nak Táta apha nak néten, cha'a aptaha eyáxeg ko'o m'a, tén han elyáxeg kelwán'ák, tén han méme ahagkok ko'o m'a.

HEBREOS 10:36

Kéméxchek kéxegke kólwaskápekxohok neyseksa kéllegeykegkoho, yakwayam enxoho kóllának ma'a ektaha nak Dios apmopmenyého, yakwayam enxoho nahan kólxawak ma'a apxeyenma axta egkések kéxegke Dios.

COLOSENSES 1:9

Ekeso eñamakxa magyensakmo nak negko'o nelmaxnéseso kéxegke eyeynawo m'a nenlegakxa axta amya'a, axta anhan agyensakmok nelmaxnagko Dios neltamho elya'asásegwomhok agko' ma'a ektémakxa nak apmopmenyého, tén han neltamho egkések ma'a ekyókxoho ektémakxa nak negya'ásegwayam, tén han ma'a kélyekpelchágwayam ektaha nak apméso Espíritu,

SAN MATEO 7:21

“Háwe sat apyókxoho elántexek aptémakxa Wese' apwányam Dios ma'a énxet'ák aptéma nak cha'a apkelpeywa hexének se'e: ‘Wese', Wese' ahagkok’, wánxa sat elántexek ma'a énxet'ák apkelané nak Táta apmopmenyého, cham'a apha nak néten.

1 SAN JUAN 2:17

Wánxa agkok, peyk eyke kamassegwók keso náxop, yetlo m'a ekyókxoho aksok ekmaso negyespagko ekyetna nak keso náxop; keñe m'a enxama apkelané nak Dios apmopmenyého, memassegwomek sat cha'a.

ROMANOS 6:17

Negmések negko'o ekpayheykekxa egwáxok Dios, kéxegke ñokxa kélyahákxoho ekmámnaksoho agko' ma'a ektahakxa axta kélxekmowásamáxche, kéxegke kéltaha axta elma mólya'asáxma nano' axta.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

1 SAN PEDRO 2:15

Hakte apmenyék Dios kóltehek kéxegke ektakmela kéltémakxa yakwayam enxoho mexének ekmaso kéxegke m'a énxet'ák melya'áseyak nak aksok, tén han ma'a énxet'ák elyéháxma nak.

1 TESALONICENSES 4:3

Apmenyék Dios kóltehek kélpagkanchásamáxche kéxegke wánxa m'a Dios, mopmenyék kóllának kélxama kéxegke ekmaso nak nentémakxa mansexta,

SAN MARCOS 3:35

Hakte cham'a ektahakxa enxoho elané Táta apmopmenyého, cha'a aptaha elyáxeg ko'o m'a, tén han elyáxeg kelwán'ák, tén han méme m'a.

1 CORINTIOS 7:22

Enxet apmomap axta agkok ma'a kélwóneykencha'a axta yakwayam etnehek mey'áseyam Wese' egegkok, etnehek kaxwo' Wese' egegkok apchásenneykha ektémol'a énxet kélyenyeykekxal'a; hawók nahan ektémakxa kélwóneykencha'a axta m'a énxet memomap nak, aptemék kaxwo' apmomap nápakto' Cristo.