EFESIOS 6:23 - Lengua Sur (Enxet) Nuevo Testamento

²³ Dios Egyap tén han Jesucristo Wese' egegkok sat egkések ẽlyáxeg'a meyke ektahakxa apwáxók, apchásekhayo, tén han melya'áseyam,

EFESIOS 6:23 Referans Kwoze

GÁLATAS 6:16

Emenyék ko'o keytek meyke ektahakxa apwáxók, tén han Dios segemleykekxoho apyókxoho énxet'ák aptamhéyak nak sektémakxa nak ko'o, tén han ma'a apyókxoho énxet'ák ektaha nak ekmámnaksoho Dios énxet'ák apagkok.

1 SAN PEDRO 5:14

Kólpeykes cha'a kélmók yetlo kélásekhayo nentémol'a anlának egmók nentémo xamo' nak magya'áseyam. Kólteme meyke ektahakxa kélwáxok kélxámokxoho kéxegke kéltaha nak Cristo énxet'ák apagkok.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

1 TIMOTEO 1:14

Cháxa aptahakxa axta Wese' egegkok seyanchesáso segkésa aksa m'a ektémakxa nak segemleykekxoho, egkések axta may'áseyam, tén han ma'a negásekhayo ekyetnamol'a nenteme nak negyepetcheyo Cristo Jesús.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

1 TIMOTEO 1:3

Exnekxa' sat xép Efeso, ekhawo sektahakxa axta seyáneya amonye sekmaheyak ma'a Macedonia, yakwayam enxoho yának melxekmósek nápakha énxet'ák ma'a nelxekmowásamáxche megkamámnaksoho nak,

2 TESALONICENSES 3:16

Wese' egegkok aptaha nak eñamakxa meyke ektahakxa egwáxok sat egkések kéxegke meyke ektahakxa kélwáxok ekyókxoho ekhem, cham'a ekyókxoho ektémakxa nak meyke ektahakxa egwáxok. Wese' egegkok sat exek kélnepyeseksa kélyókxoho kéxegke.

2 TESALONICENSES 1:3

Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke.

1 TESALONICENSES 5:8

Keñe negko'o neleñama nak neyseksa ekteyapma ekhem, tásek cha'a antehek ekha negya'áseykegkoho. Kéméxchek negko'o agahakkasaxchek ma'a magya'áseyam nak tén han ma'a negásekhayo nak, keñe ótchesek empátek ma'a nelhaxanma nak yakwayam ólwagkasaxchek teyp ektémol'a sẽlpextétamo apketcheso apkátek.

1 CORINTIOS 1:3

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok, ektaha nak apagkok ma'a.

SAN JUAN 14:27

“Ekpekkenchásekxeyk kéxegke meyke ektahakxa kélwáxok. Ekmések ko'o kéxegke meyke ektahakxa kélwáxok eñama nak ko'o, megkaxnawók ma'a ektémakxal'a segméso meyke ektahakxa egwáxok énxet apheykha nak keso náxop. Nágkatneykha kélwáxok, nágkólé' nahan.

1 TIMOTEO 5:8

Negko'o megkaxéneykha enxoho egwáxok nenteme egnámokkok, ekyagwánxa agkok megkaxénmakha egwáxok ma'a ekheykha nak enxagkok, máxa katnehek negyensakmo enxoho nenteme magya'áseyam, asagko' agko' nahan katnehek nentémakxa, manxohok ma'a énxet'ák metné nak melya'áseyam.

ROMANOS 15:33

Emenyék ko'o exek kélnepyeseksa kéxegke Dios, ektaha nak eñamakxa meyke ektahakxa egwáxok. Katnahagkok sat.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

EFESIOS 6:24

etnehek sat nahan apméso naksa apyókxoho énxet'ák ektaha nak apchásekhayo Wese' egegkok Jesucristo m'a ektémakxa nak segemleykekxoho, yetlo m'a apchásekhayo megkamassegwayam nak.

3 SAN JUAN 1:14

hakte emenyék ko'o kanyehémhok ótekxak xép, tén han alpakhetchesaxkohok.