EFESIOS 6:22 - Lengua Sur (Enxet) Nuevo Testamento

²² Ekeso eñamakxa seyáphasa nak kélhágkaxa kéxegke xa egyáxeg nak, yakwayam enxoho eltennaksek ektémakxa negheykha negko'o, yakwayam enxoho anhan elwaskakkásekxohok kéxegke.

EFESIOS 6:22 Referans Kwoze

FILIPENSES 2:25

Xénchek nahan ko'o ewáxok wáphaksek kélhágkaxa kéxegke egyáxeg Epafrodito aptaha nak sekxegexma sektamheykha, aptaha nak han sennapmáxkoho xamo', cham'a kéláphaso axta kéxegke yakwayam hepasmok hegkések ma'a aksok eyéméxchexa nak ko'o.

1 TESALONICENSES 3:2

egyáxeg Timoteo axta eyke eyáphásak ko'o, aptaha nak han sempasmo nenlané nentamheykha eñama nak Dios, cham'a ektémakxa nak nenlegaso amya'a ektakmela ekxeyenma nak Cristo. Eyáphásek axta ko'o xa egyáxeg nak, yakwayam enxoho etnehek meyk'a kéxegke, tén han elyennaktésesek kélteme megkólya'áseyam, tén han yának kóllenxanmoho,

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

FILIPENSES 2:19

Apkeltamhok sat agkok Wese' egegkok Jesús, wáphaksek sat heykxa Timoteo kélhágkaxa kéxegke, yakwayam enxoho kapayhekxak ewáxok sekleg'a enxoho amya'a ektémakxa kélha kéxegke.

2 TIMOTEO 4:12

Tegma apwányam Efeso axta eyke eyáphásak ko'o m'a Tíquico.