EFESIOS 6:21 - Lengua Sur (Enxet) Nuevo Testamento

²¹ Tíquico negko'o egyáxeg aptaha nak negásekhayo, aptaha nak han meyenseyam sempasmeykha nentamheykha eñama nak Wese' egegkok, sat esakxések kéxegke ekyókxoho amya'a setnamakxa nak ko'o m'a, tén han ma'a ektémakxa nak ko'o aksok selané.

EFESIOS 6:21 Referans Kwoze

LOS HECHOS 20:4

Xama énxet apkeñama tegma apwányam Berea axta aptahak nahan apxegexma apwesey axta Sópater, Pirro apketche axta m'a; Aristarco axta anhan ma'a, tén han ma'a Segundo, apkeleñama axta tegma apwányam Tesalónica, Gayo axta anhan ma'a apkeñama axta Derbe, Timoteo axta nahan ma'a, Tíquico axta anhan, tén han ma'a Trófimo, cháxa aptaha axta apkeleñama yókxexma Asia xa.

2 TIMOTEO 4:12

Tegma apwányam Efeso axta eyke eyáphásak ko'o m'a Tíquico.

TITO 3:12

Eyáphásek sat agkok Artemas esenhan Tíquico aphakxa exchep, elenxánem sat emyenták se'e tegma apwányam Nicópolis yakwayam enxoho hetyanegwatámhok ko'o, hakte ekmokók axta ko'o axek apketsamágexal'a m'a tegma apwányam nak.

2 SAN PEDRO 3:15

Kaxén cha'a kélwáxok senláneykencha'a aksa Wese' egegkok yetlo mepekhésamap, yakwayam enxoho hẽlwagkasek teyp. Aptáxésesegkek axta nahan kéxegke egyáxeg negásekhayo Pablo xa ektéma nak, ekhawo m'a ektémakxa nak apya'ásegwayam ektaha axta apméso Dios.

1 SAN PEDRO 5:12

Silvano ko'o eyásenneykxak setáxésesa ekyakwate s'e sekpeywa nak, cham'a egyáxeg ekxeyenma nak ko'o ewáxok aptaha meyenseyam aptamheykha, yakwayam enxoho altennasagkohok kéxegke m'a aksok kélxaka axta, ektaha ekxekmóso eyámnaksoho m'a ektémakxa nak Dios segásekhayo, yakwayam enxoho nahan altennaksek kéxegke ektaha nakso' xa. Nágkólyensem aksa kéxegke xa ektémakxa nak Dios segásekhayo.

FILEMÓN 1:16

Metnehek sat kaxwo' apmomap kéltemesáseykha aksal'a, kamaskok sat exhok kaxwo' ma'a énxet apmomap la'a, sat exhok kaxwo' ma'a aptémakxal'a egyáxeg negásekhayókxa nak. Awanhek ko'o seyásekhayo Onésimo, keñe exchep eyéméxko eyeykhásamhok apchásekhayo ekwánxa nak ko'o seyásekhayo xa egyáxeg nak, háwe ekwánxa agkok ma'a nentemésesamakxal'a énxet, akke tásek etnésesek ma'a nentemésesamakxal'a anlának egyáxeg nentémo xamo' nak magya'áseyam Wese' egegkok.

1 TIMOTEO 4:6

Apkelxekmósek agkok xép ẽlyáxeg'a xa ektéma nak, appekkenchek agkok nahan apwáxok xép ma'a amya'a eñama nak magya'áseyam, tén han apkelenxanakmoho enxoho apkelané m'a nelxekmowásamáxche ektakmela nak, etnehek sat xép Jesucristo apkeláneykha ektakmela aptémakxa.

COLOSENSES 1:7

Cháxa apkelxekmósa axta kéxegke egyáxeg Epafras xa, aptaha nak egyáxeg negásekhayo, cham'a sempasmoma axta nentamheykha negko'o, aptaha nak han meyenseyam apkelané aptamheykha eñama nak Cristo yakwayam epasmok kéxegke.

1 CORINTIOS 4:17

Cháxa keñamak seyáphásesa nak kéxegke Timoteo, aptaha nak seyásekhayo tén han aptaha hatte meyenseyam apyetlo Wese' egegkok. Sat eltennásekxohok makham kéxegke sektémakxa nak ko'o may'áseyam Cristo Jesús ma'a, ekhawo sektémakxal'a ko'o alxekmósek énxet ekyókxoho apchakneykekxexa sekmahágkaxa enxoho.

FILIPENSES 1:12

Elyáxeg, emenyék kólya'ásegwomhok kéxegke m'a setnahakxa axta ko'o, etnék axta ko'o xa yakwayam enxoho kapasmok ma'a ektémakxa nak kéltenneykha tásek amya'a.