EFESIOS 6:19 - Lengua Sur (Enxet) Nuevo Testamento

¹⁹ Helmaxnéses nahan ko'o xa, yakwayam enxoho hegkések Dios ma'a eyéméxchexa nak atnehek sekpeywa, yakwayam enxoho nahan wawának apakmétek yetlo meyke seyeye, tén han alyekpelchásesamhok énxet'ák ma'a amya'a melya'áseykegko axta, ektaha nak segwagkasamo teyp.

EFESIOS 6:19 Referans Kwoze

COLOSENSES 4:3

Hẽlmaxnéses nahan cha'a negko'o xa yakwayam enxoho hegkegwánesesek Wese' egegkok óltennaha m'a appeywa, yakwayam enxoho anhan agkegwának anxének negko'o m'a amya'a megkólya'áseykegko axta eñama Cristo, cháxa keñamak sekha ko'o sẽlpextétamakxa eñama xa amya'a megkólya'áseykegko axta.

LOS HECHOS 4:29

Xép Wese' egegkok, elano aptamhágkaxa énxet'ák apmoko nak hẽlyegwakkasek negko'o, hegmés negko'o meyke negaye yakwayam anlegaksek xép appeywa nentaha nak xép apchásenneykha,

2 TESALONICENSES 3:1

Elyáxeg, amonye selwateso eltamhok ko'o hẽlmaxnésesek negko'o, yakwayam enxoho kapayheykxak heykxa ekyókxoho yókxexma amya'a eñama nak Wese' egegkok, yakwayam enxoho kamaxchek takha' yetlo kéláyo xa amya'a nak, ekhawo ektahakxa axta kélnepyeseksa kéxegke.

1 TESALONICENSES 5:25

Elyáxeg, hẽlmaxnéses nahan cha'a negko'o xa.

HEBREOS 13:18

Hẽlmaxnéses negko'o xa, hakte nakso' nentemesásak negko'o ekyetna megkatnaheykha egwáxok, egmenyék negko'o katakmelhok nentémakxa neyseksa nenlané m'a ekyókxoho aksok nak.

LOS HECHOS 4:31

Xama axta appenchásegko aptamheyak nempeywa nelmaxnagko, pexyenegkek axta xóp ma'a apchaknákxexa axta; apkellánegkók axta apwáxók Espíritu Santo xa énxet'ák nak, apkellegásek axta Dios appeywa meyke apchéseykekxa.

1 TESALONICENSES 2:2

Kélya'ásegkok eykhe kéxegke ektémakxa axta anhan negko'o sẽlwanyémo m'a tegma apwányam Filipos, ẽlnaktawáseykegkók axta anhan, Dios axta eyke empasmak negko'o yakwayam enxoho anlegaksek kéxegke tásek amya'a, yetlo meyke negaye, neyseksa ekyentaxno nennapmáxche.

2 CORINTIOS 8:7

Kéméxchek nahan katakmelek kéllané kéxegke s'e nentamheykha nempasmo nak egmók, kéxegke kéltaha nak cha'a kéllané ektakmela ekyókxoho s'e: megkólya'áseyam, kélmowána kóltennaha tásek amya'a, kélya'ásegwayam, tén han kélmáheyo nak cha'a kólpasmok kélmók, tén han ekyetnama nak kélásekhayo eltámeyéyak axta eñama negko'o.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.

1 CORINTIOS 4:1

Kéméxchek kaxének kélwáxok kéxegke nentaha negko'o nempasmeykha aptamheykha Cristo, nenxawáyak axta negko'o yakwayam ólxekmósek énxet'ák ma'a aksok ekpowásamáxkoho apkeláneykekxa axta Dios.

LOS HECHOS 28:31

Yetlo meyke kélya'áseykhaxma axta apkeltennáha Pablo m'a amya'a ekxeyenma nak ma'a aptémakxa nak Wese' apwányam Dios, apkelxekmósek axta nahan énxet'ák ma'a amya'a ekxeyenma nak Jesucristo Wese' egegkok meyke apkelya'aseykhaxma xama énxet enxoho.

LOS HECHOS 19:8

Apkántanxo pelten axta weykmok apmeyeykekxa cha'a Pablo apchakneykekxexa énxet'ák judíos, cham'a apkeltenneykegkaxa axta cha'a Dios appeywa yetlo megyeye, apkeltennáseykha axta énxet'ák apkelenxáneykmo etnésásekxak melya'áseyam énxet'ák ma'a aptémakxa nak Wese' apwányam Dios.

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

FILEMÓN 1:22

Eltamhok nahan ko'o helanaksek yakwánxa axek; hakte emenyék ko'o hegkések Dios yakwayam amyekxak xa kélhágkaxa nak kéxegke ekyakmageykekxa m'a kélteme nak cha'a nempeywa nelmaxnagko selmaxnésesama ko'o yakwayam enxoho alwetekxa'.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

2 CORINTIOS 3:12

Cháxa keñamak neltenneyncha'a nak cha'a negko'o yetlo mageyseykekxa xa, hakte yetneyk negko'o nelhaxanma eñama nak tásek amya'a.

1 CORINTIOS 1:5

Cristo nahan keñamak apmésama kéxegke Dios ekxámokxoho aksok eltakmela eleñama nak néten, cham'a kélmowána nak kóltennaha appeywa, tén han ma'a ekxámokxoho ektémakxa nak kélya'ásegwayam.

LOS HECHOS 14:3

Ekeso eñamakxa ekwegkawo axta apheykha énxet'ák seykha amya'a m'a, apchekawók axta Wese' egegkok, apkeltennáha axta anhan yetlo meyke apchéseykekxa; ekmámnaksoho axta nahan aptemesásak Wese' egegkok apkeltenneykha xa énxet'ák nak, apkelxeyenma m'a ektémakxa nak Dios segásekhayo. Apmések axta anhan Dios apkelmopwancha'a yakwayam elanagkok ma'a aksok magkenatcheso nak agweta', tén han ma'a sempelakkaso nak agweta'.

LOS HECHOS 9:27

Bernabé axta eyke apyentamak Saulo apxekmósakmo m'a énxet'ák seykha amya'a. Apkeltennáseyha axta Bernabé énxet'ák seykha amya'a apwetaya Saulo Wese' egegkok Jesús náxet ámay, tén han appakhetchesama, apkeltennáseyha axta anhan apkeltenneykencha'a Saulo apxeyenma Jesús ma'a tegma apwányam Damasco yetlo megyeye.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

2 CORINTIOS 7:4

Magweysekxek ahagko' cha'a ko'o selpakhetchesa enxoho kéxegke, awanhek nahan ekpayheykekxa ewáxok kéxegke eñamakxa. Ekwaskápeykxók cha'a ko'o neyseksa m'a ekyókxoho ektémakxa nak nenlegeykegkoho, awanhek nahan cha'a ekpayheykekxa ewáxok.

2 CORINTIOS 1:11

cham'a sempasma enxoho kéxegke sẽlmaxnésesa. Apxámok agkok énxet sẽlmaxnéseso negko'o, apxámok sat nahan etnehek énxet apméso ekpayheykekxa apwáxók Dios eñama nenxawé m'a aksok eltakmela eleñama nak Dios.

1 CORINTIOS 2:7

Akke nenxénak negko'o m'a negya'ásegwayam ekpowásamáxkoho eñama nak Dios, cháxa appósamo axta Dios apkepmenyého elának xa, eyeynamókxa m'a amonye apkelané axta keso náxop, yakwayam enxoho hegwatámhok negko'o m'a ektémakxa nak apcheymákpoho.

ROMANOS 15:30

Elyáxeg, eltamhok ko'o helwahánhok kólwaskápekxohok helmaxnésesek kéxegke eñama nak ma'a Jesucristo, tén han eñama m'a negásekhayo segméso nak Espíritu.

LOS HECHOS 18:26

Apkeltennáha axta Apolo yetlo megyeseykekxa kañe' apchakneykekxexa énxet'ák judíos, xama axta ekleg'a Priscila, tén han apleg'a Aquilas xa Apolo apkeltenneykha, apyentegkek axta Aquila mók nekha Apolo, yetlo Priscila axta anhan ma'a, kéltennásegkók axta ektakmela Apolo m'a ektémakxa nak ámay eñama Dios.

LOS HECHOS 4:13

Xama axta apkelwet'a ektahakxa axta megyeseykekxa apkeltenneykha Pedro, tén han Juan, apkelya'ásegwokmek axta aptaha énxet meyke apkelmopwancha'a tén han meyke kélxekmóso, pelakkasek axta nahan apkelwet'a xa énxet'ák nak, xénwokmek axta nahan apwáxók aptaha Jesús apkeltámeséyak.

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

LOS HECHOS 9:29

Axta eyenseykmok apkeltenneykha Saulo tén han apkelátegmomakpo cha'a m'a énxet'ák judíos apkelpakmeyesma nak griego appeywa; wánxa agkok, apkelenxanakmek axta eyke yakhek xa énxet'ák nak.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

2 CORINTIOS 6:11

Elyáxeg apheykha nak Corinto, axta ageysákxak nelpakhetchesa kéxegke; axta ampówásawok ma'a ekyókxoho ektémakxa nak elchetamso egwáxok.

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.