EFESIOS 6:14 - Lengua Sur (Enxet) Nuevo Testamento

¹⁴ Kólteme ekha kélyennakte, yetlo kélahakkásamáxche m'a amya'a ekmámnaksoho nak ektémol'a nenteté nenxet. kólahakkasaxche kéxegke m'a nentémakxa ekpéwomo nak ektémol'a sẽlpextétamo apchahakkaso apnenyek.

EFESIOS 6:14 Referans Kwoze

1 TESALONICENSES 5:8

Keñe negko'o neleñama nak neyseksa ekteyapma ekhem, tásek cha'a antehek ekha negya'áseykegkoho. Kéméxchek negko'o agahakkasaxchek ma'a magya'áseyam nak tén han ma'a negásekhayo nak, keñe ótchesek empátek ma'a nelhaxanma nak yakwayam ólwagkasaxchek teyp ektémol'a sẽlpextétamo apketcheso apkátek.

SAN LUCAS 12:35

“Kóllánekxa kéltahakxa, kólántaxnekxa' kélnakta, yetlo kélálewaso chálewaso kélagkok.

1 SAN PEDRO 1:13

Kóllánekxa kéltahakxa, kólteme kélmowána kélláneykegkoho kéltémakxa, kólleyxmakha m'a aksok peya nak egkések Dios eñama m'a ektémakxa nak segemleykekxoho, cham'a senxekmowáseykpoho sat Wese' egegkok Jesucristo.

2 CORINTIOS 6:7

eñama anhan ma'a neltenneykha nak amya'a ekmámnaksoho, tén han eñama ekyetno negko'o m'a Dios apmopwána nak. Negmáha cha'a negko'o m'a ekpéwomo nak nentémakxa ektémol'a agmaha negmeykha, yakwayam nak agmaha nennapéxchexa enxoho, tén han antehek negahakkásamáxche.

EFESIOS 5:9

Hakte katekkeshok cha'a ekxámokxoho nentémakxa ektakmela xa elseyexma nak, tén han ma'a nentémakxa ekpéwomo nak, tén han ma'a nentémakxa ekmámnaksoho nak.

APOCALIPSIS 9:17

Axta entahak sekweté ko'o yatnáxeg se'e. Ekwet'ak axta ko'o yatnáxeg yetlo apchahakkaso apnenyek ma'a ektaha axta apchánte, máxa axta eyke táxa m'a, ekyapakmaté axta, máxa axta m'a pánakte exnók ekyapakmatél'a, ekyátekto axta nahan ekyepetche, máxa axta m'a xóp ánek ektawáseykencha'awol'a egyempehek ekmanyása ekpakneyam. Keñe axta m'a yatnáxeg, máxa axta méwa akkátek ma'a akkátek, keñe axta nahan ektepa táxa m'a apátog, éten axta nahan tépak, keñe axta nahan ektepa m'a aksok ekmanyásal'a ekpakneyam.

APOCALIPSIS 9:9

Máxa axta sawo ekyentaxno m'a eyapmáxche apyempe'ék, máxa axta anhan elletnaheykha apxempenák ma'a ektémol'a amagkok weyke takaxchók yatnáxegla'a apyenyawaso apkelmahágko enxoho empakháxchexa.

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

EFESIOS 6:13

Ekeso eñamakxa eyéméxko nak kólahakkasaxkohok kélagko' kéxegke m'a kélahakkásamáxche ektaha nak apkelmeyáseyak Dios, yakwayam enxoho kólewának kólenmaxaxkohok ma'a eyahapwa'a enxoho kéxegke aksok ekmaso xama ekhem, kóltehek sat kéxegke ekha kélyennakte, cham'a kélpenchásawo enxoho kélláneykekxa kéltahakxa.