EFESIOS 5:6 - Lengua Sur (Enxet) Nuevo Testamento

⁶ Nágkólho aksa kalyexanchesha kéxegke m'a énxet apkelpeywa ektaha nak mékoho, hakte cháxa keñamak ekxegakmo nak yakwayam ellegásesagkohok ekmaso agko' Dios xa énxet'ák nak, cham'a melyaheykekxoho nak Dios.

EFESIOS 5:6 Referans Kwoze

ROMANOS 1:18

Negwet'ak negko'o ekxegakmo eñama néten Dios senlegasáseykegkoho ekmaso agko' takhapxet apyókxoho énxet'ák elmasagcha'a nak apkeltémakxa, tén han ma'a énxet'ák melpéwomo nak, cham'a énxet'ák megyahayo nak kólyekpelchágwomhok aksok ekmámnaksoho, eñama m'a apkeltémakxa ekmaso nak.

SAN MATEO 24:4

Aptahak axta apchátegmowágko Jesús se'e: —Kólleyxmakha sat, nágkólho aksa kólyexanchesha.

COLOSENSES 2:8

Kólawho kéxegke: nágkólho aksa kamok kélwáxok kéxegke m'a apmáheyo nak elyexanchesha énxet'ák yetlo apchásenneykekxa m'a ektémakxa nak apkelya'áseyak megkamámnaksoho, hakte metnehek cha'a apchásenneykekxa Cristo xa énxet'ák nak, wánxa cha'a yásenneykxak ma'a apkeltémakxa nak énxet, tén han apchásenneykekxo cha'a m'a ektémakxa nak ekmowána aksok eláneykencha'a nak keso náxop.

1 SAN JUAN 4:1

Elyáxeg selásekhayo, nágkolána aksa nakso' aptahakxa apkelpeywa apyókxoho énxet'ák apkelxeyenma nak apyetna Espíritu apkeñama Dios, wánxa agkok, kólyekkón aksa sekxo', yakwayam enxoho kólya'asagkohok espíritu apkeñama Dios kexaha m'a apha nak apwáxok, háwe esenhan katnehek. Hakte apsawheykekxók náxop ma'a énxet'ák apkelmopwána amya'a nak, apkelxeyenmol'a apkelpeywa ektaha eñama Dios.

COLOSENSES 3:6

Cháxa keñamak ekxegakmo nak yakwayam ellegásesagkohok ekmaso agko' Dios xa énxet'ák apteme nak melyaheykekxoho.

SAN MARCOS 13:5

Aptahak axta apchátegmowágko Jesús se'e: “Kólawho sat, nágkólho aksa kólyexanchesha.

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

1 SAN PEDRO 2:8

Temék nahan mók eknaktáxésamaxche s'e: “Cháxa meteymog peya nak kalpelápagkasek énxet'ák xa.” Kélpelápagkasek axta meteymog xa énxet'ák nak, hakte axta elyaheykekxohok ma'a ektémakxa nak amya'a eñama Dios, axta eyke kélpagkanchesók katnehek xa ektaha nak.

2 TESALONICENSES 2:3

Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók.

COLOSENSES 2:4

Eltennásek ko'o kéxegke xa, yakwayam enxoho megkalyexanchesha kéxegke m'a amya'a senlekweykmoho nak.

SAN MARCOS 13:22

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagkexa enxoho.

COLOSENSES 2:18

Nágkólho aksa émentók aksok kélxawé naksa kéxegke xa énxet'ák aptamheykegkohol'a máxa megkaleymáxkoho apwáxók, cham'a apkelpeykesamo nak Dios apkelásenneykha, apkexeyenmol'a apkelwetayo m'a aksok kélxekmósamo nak, cham'a megyésol'a eleykpoho' eñama ekteme elchetamso apwáxók ma'a ektémakxal'a elchetamso apwáxok énxet.

HEBREOS 3:19

Negyekpelchawók negko'o megkalepwagko elántexek xa énxet'ák nak, eñama m'a ektémakxa axta apkelya'áseyam.

HEBREOS 13:9

Nágkólho aksa kamok kélwáxok kéxegke m'a nelxekmowásamáxche mók ektémakxa énatchásamáxkohol'a. Akke tásek katnésesek ekyennakwayam egwáxok neyseksa nenteme magya'áseyam ma'a Dios segásekhayo nak, megkaxnawok ma'a ektémakxa nak negyetleykekxa kéltémókxa antehek negmayhe antók; hakte axta kapasmók énxet xa kéltémókxa nak antehek.