EFESIOS 5:27 - Lengua Sur (Enxet) Nuevo Testamento

²⁷ yakwayam enxoho etnésesek apkeleymákpoho enaklakxohok apagko' ma'a aphamakxa nak, meyke ekyepetche xama aksok ekmanyása, esenhan ma'a aksok ekmaso nak, tén han meyke m'a xama aksok ekhawo nak xa, wánxa agkok apkelpagkanamap aksa etnésesagkok, tén han etnésesagkok apkelpéwomo.

EFESIOS 5:27 Referans Kwoze

COLOSENSES 1:22

Wánxa agkok, aptemesáseykxeyk eyke kaxwo' kélásekhamaxchekxoho kéxegke m'a Dios eñama m'a apketsapma axta Cristo, cham'a ektahakxa axta eklegeykegkoho apyókxa. Apkelanak axta Dios xa, yakwayam enxoho etnésesek kéxegke kélpagkanamaxche enaklakxak ma'a aphamakxa nak, meyke ekyepetche xama aksok ekmanyása, tén han meyke kélxéncháseykekxoho kéltémakxa.

HEBREOS 9:14

Nakso' agkok ektéma xa ektaha nak, keñe ekyagwánxa agko' katnehek ekha ekmowána m'a Cristo éma apagkok nak. Espíritu memassegwayam axta keñamak apmeyásamákpoho apagko' Cristo m'a Dios ektémol'a aksok kélméso Dios meyke ekyepetche xama aksok ekmaso, káxñeksohok nahan Cristo éma apagkok ma'a ekteyapmakxa nak ekpakmeteykha egwáxok eñama nenlané aksok segya'asamo nak nétsapmakxa, yakwayam enxoho agkegwának anlának ma'a apkeltémókxa nak anlának Dios memassegwayam nak.

1 SAN PEDRO 1:19

wánxa m'a Cristo éma apagkok ektaha nak ektakmela agko' kélmésama axta Dios ektémol'a nekkések apketkok apmatña meyke ektemegweykmohoxma apyempehek, cham'a aptakmalmal'a.

EFESIOS 1:4

Dios axta sẽlyeseykha negko'o eñama Cristo, eyeynamókxa m'a sekxo' axta ekmáheyo kalanaxchek keso náxop, yakwayam enxoho antehek nempagkanchásamáxche Dios, tén han antehek meyke nensexnánémaxche nápakto' Dios. Segásekhayo axta keñamak Dios

2 CORINTIOS 11:2

Hakte Dios keñamak ektémakxa nak selmeyeykha kéxegke. Ekpagkanchesek axta ko'o kéxegke yakwayam agkések wánxa xama kéltáwa, cham'a Cristo, emenyék nahan anaklók kéxegke nápakto' Cristo meyke ekyepetche xama aksok sempeysegkesamo nak, ektémol'a kelán'a étkok meyke kélteméseseykmohoxmal'a.

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

2 CORINTIOS 4:14

Hakte negya'ásegkok negko'o m'a Dios, aptaha axta apxátekháseyam apketsapa axta m'a Wese' egegkok Jesucristo, hennakxátekhasók sat nahan negko'o xa xamo' Cristo. Hennaklakxak sat xamo' kéxegke m'a aphakxa nak Cristo.

SAN JUDAS 1:24

Yetneyk apmopwána Dios yakwayam eltakmelchesek kéxegke, yakwayam enxoho megkólpalegme', yakwayam enxoho anhan enaklakxak meyke ekyepetche xama aksok, yetlo ekyawe ekpayheykekxa kélwáxok ma'a aphamakxa nak yetlo apcheymákpoho, cham'a Dios aptaha nak wánxa xama apagko', aptaha nak han segwagkasamo teyp. Apcheymákpoho sat cha'a kóltemésesek Dios, tén han kóltemésesek meyke ekhémo, ekha apmopwána, tén han ekha kélyaheykekxoho, eñama m'a Jesucristo Wese' egegkok, eyeynamókxa m'a nano' axta, ekwokmoho s'e kaxwo' nak, megkamassegwomek nahan cha'a. Katnahagkok sat.

2 SAN PEDRO 3:14

Elyáxeg selásekhayo, kóllenxánem cha'a yakwayam enxoho elwetágwatak kéxegke Dios ekyetna meyke ektahakxa kélwáxok, tén han meyke elenchahamaxche kéltémakxa ekmaso, tén han meyke kélsexnánemaxche, neyseksa kélhaxanma katnehek xa.

SAN JUDAS 1:21

Kóltakmelches ma'a segásekhayo eñama nak Dios, kólleyx nahan ma'a ekhem yakwánxa nak hegmések ekyennakte egnenyek megkatnegwayam enéxa Wese' egegkok Jesucristo, eñama m'a ektémakxa nak ektakmeleykha apwáxok henlano'.

1 TESALONICENSES 5:23

Nelmaxnakkek negko'o Dios segmésamol'a cha'a meyke ektahakxa egwáxok, neltamho etnésesek kéxegke kélpagkanamaxche kélagko', tén han etakmelchesesek ma'a kéltémakxa nak, tén han etakmelchesesek ma'a espíritu kélagkok, tén han ma'a kélhagák nak, tén han etakmelchesesek ma'a kélyókxa, tén han etnésesek meyke kélxéncháseykekxoho kéltémakxa xama enxoho, cham'a apkexyekmo sat Wese' egegkok Jesucristo.

APOCALIPSIS 14:4

Axta etnéseseykmohóxma kelán'a xa énxet'ák nak, axta elánesók ekmaso nak nentémakxa mansexta, wánxa aksa apkelyetlama apmahágkaxa enxoho m'a Nekkések Apketkok. Apkelwagkáseykpek axta teyp xa énxet'ák nak nepyeseksa énxet'ák keso náxop, ektémol'a émha amonye aksok kélméso Dios, tén han ma'a kélmésamol'a Nekkések Apketkok.