EFESIOS 5:26 - Lengua Sur (Enxet) Nuevo Testamento

²⁶ Apkelanak axta Cristo xa yakwayam enxoho etnésesek apkelpagkanamap ma'a ektaha nak Dios énxet'ák apagkok, aptemésesek axta anhan meyke ekyepetche xama aksok ekmanyása eñama m'a appeywa nak, tén han eñama m'a apkelyenyeso axta neygmen,

EFESIOS 5:26 Referans Kwoze

SAN JUAN 15:3

Kéltemék kaxwo' kéxegke kéláxñeyo eñama m'a sekpeywa sektahakxa axta seláneya kéxegke.

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

EFESIOS 6:17

Kólma kéxegke nelwagkásamáxche teyp ektémol'a sẽlpextétamo apketcheso apkátek, yakwayam kólahakkasek kélpátek, kólma nahan kéxegke Dios appeywa ektémol'a agmaha sókwenakte, ektaha nak apméso kéxegke m'a Espíritu Santo.

1 SAN JUAN 5:6

Apwa'ak axta Jesucristo yetlo yegmen, magkenatcheso kélyakpásesama yegmen, tén han yetlo éma magkenatcheso m'a apketsapma axta; háwe axta ekwánxa agkok yegmen, yegmen yetlo éma axta eyke anhan. Espíritu nahan apxeyenma ektaha nakso' xa, apmámnaksoho nahan xa Espíritu nak.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

HEBREOS 10:10

Entemésesek axta negko'o Dios nelpagkanamaxche hakte apkelanak axta Jesucristo m'a Dios apmopmenyého, cham'a apmeyáseykpoho axta apagko' yakwayam emátog wánxa xama, meyke teyp.

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

HEBREOS 9:14

Nakso' agkok ektéma xa ektaha nak, keñe ekyagwánxa agko' katnehek ekha ekmowána m'a Cristo éma apagkok nak. Espíritu memassegwayam axta keñamak apmeyásamákpoho apagko' Cristo m'a Dios ektémol'a aksok kélméso Dios meyke ekyepetche xama aksok ekmaso, káxñeksohok nahan Cristo éma apagkok ma'a ekteyapmakxa nak ekpakmeteykha egwáxok eñama nenlané aksok segya'asamo nak nétsapmakxa, yakwayam enxoho agkegwának anlának ma'a apkeltémókxa nak anlának Dios memassegwayam nak.

LOS HECHOS 22:16

Ná exnekxoho kaxwo' xép. Etnamha, etegye yakpasama yegmen, yáxñásekxoho xa aptémakxa nak mey'asáxma, ewónmakha Wese' egegkok apwesey.’

1 SAN PEDRO 1:2

cham'a énxet'ák ektaha axta nano' apkelyéseykha Dios Egyap, ekhawo m'a ektémakxa axta apmopmenyého elának Dios. Espíritu axta anhan keñamak aptemésesama kélpagkanamaxche kéxegke Dios yakwayam enxoho kóltehek kélyaheykekxoho, yakwayam enxoho katnésesek kéláxñeyo kéxegke Jesucristo éma apagkok. Kólyánchesho kélma m'a ektémakxa nak segméso naksa Dios segemleykekxoho, tén han ma'a meyke ektahakxa kélwáxok.

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

SAN JUAN 17:7

Apkelya'ásegkok nahan kaxwo' ektaha eñama exchep m'a ekyókxoho aksok segkéso axta exchep;

SANTIAGO 1:18

Egmések axta negko'o Dios ekyennakte egnenyek eñama m'a amya'a apagkok ektaha nak ekmámnaksoho, cháxa apkepmenyého axta Dios hegmések negko'o xa, yakwayam enxoho antehek negko'o máxa émha amonye ekyexna kélpagkanchesamol'a Dios, neyseksa m'a aksok apkelané axta Dios.

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

SAN JUAN 13:10

Wánxa agkok, aptahak axta apchátegmowágko Jesús se'e: —Enxet ektahakxa enxoho kaxwo' appencheso apyakpaso yegmen, apmagkok aksa megkatnehek melyenyéyáseykekxoho, hakte káxñekxoho ma'a ekyókxoho apyempehek. Kéláxñawo' kéxegke, háwe eyke kélyókxoho kéláxñeyo.

ROMANOS 10:8

¿Yaksak eyke ektéma, ektéma nak amya'a se'e?: “Keto' ekyetnakxa Dios appeywa aphakxa exchep, yetnak ma'a apátog tén han ma'a apwáxok.” Cháxa amya'a nenlegasamol'a eñama magya'áseyam xa.

2 CORINTIOS 11:2

Hakte Dios keñamak ektémakxa nak selmeyeykha kéxegke. Ekpagkanchesek axta ko'o kéxegke yakwayam agkések wánxa xama kéltáwa, cham'a Cristo, emenyék nahan anaklók kéxegke nápakto' Cristo meyke ekyepetche xama aksok sempeysegkesamo nak, ektémol'a kelán'a étkok meyke kélteméseseykmohoxmal'a.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

HEBREOS 4:12

Hakte yetneyk ekyennakte Dios appeywa, yetneyk nahan ekmowána, ahamteyk agko' nahan, yeykhágweykmók ektémakxa ekmahanta m'a sawo ekwenakte ánet nekha ekmahantal'a, ektaxnegweykmohol'a kaño' agko' egwáxok ekweykmoho m'a ekyetnamakxa nak eghagák, kawomhok nahan ma'a kaño' agko' nak apexchakkok énxet; awanchek nahan kay'asagkohok ektémakxa nak elchetamso egwáxok, yáxñakxoho nahan kapekkenekxak ma'a ekmáheyókxa nak kalának egwáxok.

HEBREOS 10:14

aptemésesek axta anhan Cristo apkelpéwomo énxet'ák ektaha axta kélteméseso apkelpagkanamap, eñama m'a wánxa xama apmeyásamákpekxoho apagko' axta Dios, meyke teyp.

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.

HEBREOS 13:12

Ekhawo ektahakxa axta anhan Jesús apmátegweykmo m'a nepyáwa tegma apwányam, yakwayam enxoho etnésesek apkelpagkanamap ma'a ektaha nak énxet'ák apagkok eñama m'a apyegkenma axta éma apagkok.

2 SAN PEDRO 1:9

Agkok etnék xama énxet xa ektaha nak, máxa etnehek ma'a énxet meyke apakta'ák la'a esenhan ma'a megkawegkepma nak apkelyaheykha; kalwagkámak ma'a ektémakxa axta kélmaséseso mey'asáxma, apkeláneya axta cha'a nano'.