EFESIOS 5:24 - Lengua Sur (Enxet) Nuevo Testamento

²⁴ Kéméxchek nahan katnehek elyaheykekxoho agko' atáwa kelán'a ekha nak atáwa, ekhawo aptamheykegkaxa nak Dios énxet'ák apagkok apkelyaheykekxoho m'a Cristo.

EFESIOS 5:24 Referans Kwoze

EFESIOS 5:33

Akke ekxénak nahan ko'o eyéméxko kóltehek kéxegke kélásekhayo m'a kélnakteyegka'a nak, ekhawo m'a ektémakxa nak kélásekhamaxchekxoho kélagko', hawók nahan kelán'ák ekha nak anakteyegka'a, kólteme ekha kélyaheykekxoho kélnakteyegka'a.

TITO 2:7

etne exchep xa ektakmela aptémakxa, cham'a ekyókxoho aksok apkelanakxa enxoho, yakwayam enxoho elyetlakxak aptémakxa exchep xa wokma'ák nak. Apkelxekmósek agkok xép wokma'ák, etakmelchesho cha'a apkelxekmóso, ná etne aksa aptemesáseykha aksa apkelxekmóso,

COLOSENSES 3:20

Kélketchek, kólyahakxoho cha'a kélyepmeyk aptemésesakxa enxoho, hakte cháxa eklekkesamo nak apwáxok Wese' egegkok antehek xa.

TITO 2:9

Yána sat nahan etnehek apkelyaheykekxoho wese' apagkok ma'a énxet'ák apkelmomap nak kéltemesáseykha aksa, cham'a ekyókxoho aksok apkeláneygkaxa enxoho cha'a; yána etnahagkok eltakmeleykha apwáxók, metnehek nahan apkelátegmoweyak ma'a ektahakxa enxoho amya'a.

COLOSENSES 3:22

Kéxegke kélteme nak kélmomaxche kéltemesáseykha aksa, kólyahakxoho cha'a kélwese'e kélagkok apheykha nak keso náxop, kóllanés cha'a aksok wese' kélagkok, háwe ekwánxa agkok ma'a apkelánencha'a enxoho, yakwayam enxoho yának katakmelak kéltamheykha, wánxa agkok, kóltemeykha yetlo ekmáheyo kélwáxok, eñama kélaye m'a Wese' egegkok.

SAN LUCAS 10:17

Apkelwákxeyk axta makham aphakxa Jesús ma'a setenta y dos énxet'ák, yetlo elpayheykekxa apwáxók axta apkelwákxak ma'a. Aptahak axta apcháneya s'e: —¡Wese', wokmók sẽlyaheykekxoho kelyekhama' eñama nenxeyenma apwesey exchep!

EFESIOS 5:23

Hakte énxet ekha nak aptáwa, apteme apkemha apmonye agkok ma'a aptáwa, ekhawo ektémakxa nak Cristo apteme apkemha apmonye nepyeseksa Dios énxet'ák apagkok. Cristo nahan apteme apkelwagkaso teyp ma'a ektaha nak Dios énxet'ák apagkok, hakte cháxa Cristo apyókxa xa.

EFESIOS 5:25

Enxet'ák ekha nak apnakteyegka'a, kólásekhoho kélnakteyegka'a, ekhawo ektémakxa axta apkelásekhayo Cristo m'a ektaha nak Dios énxet'ák apagkok, apmeyásekpók axta apagko' yakwayam etnehek apyanmaga xa Dios énxet'ák apagkok nak.