EFESIOS 5:23 - Lengua Sur (Enxet) Nuevo Testamento

²³ Hakte énxet ekha nak aptáwa, apteme apkemha apmonye agkok ma'a aptáwa, ekhawo ektémakxa nak Cristo apteme apkemha apmonye nepyeseksa Dios énxet'ák apagkok. Cristo nahan apteme apkelwagkaso teyp ma'a ektaha nak Dios énxet'ák apagkok, hakte cháxa Cristo apyókxa xa.

EFESIOS 5:23 Referans Kwoze

COLOSENSES 1:18

Cristo nahan apteme apkemha apmonye nepyeseksa Dios énxet'ák apagkok, ektaha nak han apyókxa. Aphegkek axta Cristo sekxo' agko', apmonye axta anhan apxátekhágwayam nepyeseksa énxet'ák apkeletsapma nak, yakwayam enxoho etnehek Cristo apkemha apmonye neyseksa m'a ekyókxoho aksok nak.

EFESIOS 4:15

Akke tásek antehek negko'o m'a ekmámnaksoho nak nempeywa neyseksók nelásekhamaxkoho, kéméxchek negko'o agyanchesagkohok nenteme magya'áseyam ekwokmoho neghagwákxoho Cristo aptaha nak apkemha apmonye nepyeseksa Dios énxet'ák apagkok.

1 TESALONICENSES 1:10

Exénhok nahan cha'a ektémakxa nak kélhaxneykha kéxegke yakwayam ewatak makham Jesús apkenyekta néten, Dios Apketche, aptaha axta nahan apxátekháseyam. Jesús apteme sẽlwagkaso teyp ekyentaxnakxa nak Dios senlegasáseykegkoho ekxegakmo nak.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

1 CORINTIOS 6:13

Katnohok nahan cha'a amya'a s'e: “Nento ekyetneykemxa egwokmo', egwokmo' ekyetnamakxa nento.” Nakso' xa, Dios sat eyke emasésók xa ánet aksok nak. Háwe eyke negyókxa yakwayam anlanaksek ekmaso nentémakxa mansexta. Negyókxa ekteme Wese' egegkok apagkok, Wese' egegkok akke apagkok xa negyókxa nak.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

EFESIOS 5:24

Kéméxchek nahan katnehek elyaheykekxoho agko' atáwa kelán'a ekha nak atáwa, ekhawo aptamheykegkaxa nak Dios énxet'ák apagkok apkelyaheykekxoho m'a Cristo.

APOCALIPSIS 19:7

Kalpayhekxa' hana egwáxok, agyáncheshok hana ekpayheykekxa egwáxok, óltemésesek hana apcheymákpoho Dios, hakte wa'ak kaxwo' ekhem yakwánxa nak kalyamhápok Nekkések Apketkok, keláneykxek ektahakxa m'a yakwayam nak etnehek aptáwa: