EFESIOS 5:18 - Lengua Sur (Enxet) Nuevo Testamento

¹⁸ Nágkólteme anmenáto, hakte katnéseshok cha'a énxet memágwayam aptémakxa xa; wánxa agkok, kólho epékesesagkok kéltémakxa Espíritu Santo.

EFESIOS 5:18 Referans Kwoze

ROMANOS 13:13

Kólteme cha'a kéltakmelchásamáxkoho, nentémakxal'a neyseksa ekteyapma ekhem, mantehek sat anmenát'ák, mólmahagkek sat cha'a m'a apkelyeykhásamákpexa nak apmayheyak etawagkok aptéyak énxet yetlo ekyennamáxma, tásek manlának cha'a ekmaso nentémakxa mansexta, tén han magyeykhasaxkók ma'a nentémakxa nak, tén han mantehek nelenmexamaxche, tén han mantehek nelyásekkáseykha.

SAN LUCAS 1:15

hakte ekha kéláyo sat kóltehek nápakto' Dios ma'a apketche peya nak etyamok. Ménhek sat vino tén han ma'a anmen agko' nak, elánhok sat nahan apwáxok Espíritu Santo amonye aptéyam ma'a.

1 CORINTIOS 5:11

Axta eyke eltennásak ko'o kéxegke maltamho kólyepetchaha m'a énxet apkeltemesásamap nak egyáxeg, cham'a apkelané nak ekmaso nentémakxa mansexta, esenhan ma'a apkelmeyókásamákpoho nak aksok apagkok, esenhan ma'a apkelpeykesamo nak kéleykmáseso, esenhan ma'a aptekkeseyam nak apmopwána amya'a, esenhan ma'a anmenáto nak, esenhan ma'a apmenyexmo nak. Nágkóltawho nahan xamo' kélto énxet apteme nak xa.

LOS HECHOS 11:24

Enxet meyke aptémakxa axta Bernabé, apláneyok axta apwáxok Espíritu Santo, awanhek axta anhan mey'áseyam. Cháxa ektahakxa axta apxáma énxet apyepetcheykekxoho Wese' egegkok xa.

1 TESALONICENSES 5:7

Enxet'ák ektaha nak apnakteyenmo, axta'a cha'a enaktének, keñe m'a énxet'ák ennapmo nak anmen, axta'a cha'a kannápok anmen.

SAN LUCAS 12:45

Wánxa agkok, xénchek agkok apwáxok peya mewakxék heykxa wese' apagkok ma'a apkeláneykha nak, keñe enaktawasagkohok ma'a apkelxegexma'a aptamheykha, tén han ma'a kelán'ák eltamheykha nak, apxakko' aksa etwok apto, apxakko' aksa nahan ének anmen ekwokmoho eyakha,

SAN LUCAS 11:13

Kélya'ásegkok agkok kélméso aksok eltakmela kélketchek, kéxegke kéltaha nak ekmaso kéltémakxa, ¡eyagwánxa agkok apmopwána egkések Espíritu Santo énxet ektahakxa enxoho apkelmaxnagko m'a Kélyap apha nak néten!

TITO 1:6

Enxet apkemha apmonye nak kélakneykekxexa, kéméxchek etnehek ma'a meyke kélxéncháseykekxohol'a aptémakxa. Kéméxchek etnehek wánxa xama aptáwa, kéméxchek nahan etnahagkok melya'áseyam apketchek, metnehek nahan ma'a kélya'áseykegkoho nak apkeltémakxa ekmaso, metnehek nahan ma'a kélya'áseykegkoho nak apteme melyaheykekxoho.

SAN LUCAS 21:34

“Kólawho kéxegke, nágkólho kamhohok agko' kélwáxok ma'a kélyespagkamakxa nak, cham'a kélyeykhásamáxkoho nak kélya anmen, tén han ma'a ekxéneykha nak kélwáxok neyseksók kélha, katlakkasek katnehek kahapwak kéxegke yakwánxa katnehek ma'a ekhem sat

1 CORINTIOS 11:21

Hakte epekhaksohok cha'a etwok apto kélxama kéxegke, mewagkasók m'a ekweykenxal'a nentamakxa nento, keñe cha'a nápakha kannápok meyk, keñe nahan nápakha kannápok anmen.

SAN MATEO 23:25

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa!, kélyenyesamol'a cha'a empe'ék egheykok kélagkok tén han ma'a sokpayhe kélagkok nak, wánxa agkok, láneyók eyke aksok kélmenyexma m'a kañe', tén han ma'a aksok kélma nak yetlo megkólyexnegwayam.

SAN MATEO 24:49

keñe enaktawasagkohok ma'a apkelxegexma'a aptamheykha, epaxkaha nahan anmenát'ák, etwohok nahan xamo' aptéyak tén han énhok xamo' apyenéyak,

SAN JUAN 2:10

Aptahak axta apcháneya s'e: —Apyókxoho énxet'ák cha'a yának keynaxchek sekxo' ma'a vino ektakmela nak. Yawak agkok apyenéyak vino ma'a ektaha nak kéláneyeykha, keñe kólagkok ma'a vino meyke ekmomnáwa nak. Keñe exchep aptakmelchesa vino ektakmela ekwokmoho kaxwo' nak.