EFESIOS 5:16 - Lengua Sur (Enxet) Nuevo Testamento

¹⁶ Kólyentamaxkoho cha'a kóllának aksok eltakmela m'a kélewagkexa enxoho cha'a kóllána', hakte yentexek kaxwo' keso negwánxa nak.

EFESIOS 5:16 Referans Kwoze

COLOSENSES 4:5

Kólteme cha'a ekha kélya'áseykegkoho kéxegke nepyeseksa m'a énxet'ák apkelya'áseyam nak, kólyentamaxkoho cha'a kóllának aksok ektakmela keso negwánxa nak.

SAN JUAN 12:35

Aptahak axta apkeláneya Jesús se'e: —Keytek sat makham kélnepyeseksa kéxegke elseyexma, yakwatakxoho sat eyke keytek. Kólyentamaxkoho kólweynchamha ekhakxa nak makham elseyexma, yakwayam enxoho megkatlakkasek kahapwak kéxegke ekyaktesóxma; hakte énxet ektahakxa enxoho apwenchámeykha neyseksa ekyaktesóxma mey'asagkehek ma'a apmahágkaxa enxoho.

EFESIOS 6:13

Ekeso eñamakxa eyéméxko nak kólahakkasaxkohok kélagko' kéxegke m'a kélahakkásamáxche ektaha nak apkelmeyáseyak Dios, yakwayam enxoho kólewának kólenmaxaxkohok ma'a eyahapwa'a enxoho kéxegke aksok ekmaso xama ekhem, kóltehek sat kéxegke ekha kélyennakte, cham'a kélpenchásawo enxoho kélláneykekxa kéltahakxa.

GÁLATAS 6:10

Ekeso eñamakxa eyéméxko nak cha'a negko'o ampasmok apyókxoho énxet, ekyagwánxa agkok ma'a ẽlyáxeg'a apteme nak melya'áseyam, cham'a ekyetnakxa enxoho cha'a yakwayam ampasmok.

ROMANOS 13:11

Kaxénmakha cha'a kélwáxok ektémakxa nak negha keso kaxwo' nak, kólya'asagkoho wokmek kaxwo' nenxátekheykxa. Hakte chágketwa'ak kaxwo' yakwánxa nak ólwagkasaxchek teyp, eyeynamo m'a sekxo' axta nentéma magya'áseyam.

GÁLATAS 1:4

Apmeyáseykpók axta apagko' Jesucristo yakwayam emátog, eñama m'a nentémakxa nak mólya'asáxma, yakwayam hẽlmeyók se'e negwokmo nak eyesagkexa, ekhawo m'a apmopmenyého nak katnehek Dios Egyap.

1 CORINTIOS 7:26

Xénchek ko'o ewáxok ektakmela katnehek apha énxet ma'a ektémakxal'a cha'a apha, eñama m'a ekyentaxnamo nak negheykha.

EFESIOS 6:15

Kólpenaksoho kélatcháseykekxa kélatcheso kélmagkok, yakwayam enxoho kólxog kólsawha tásek amya'a segmésamo nak meyke ektahakxa egwáxok.

SAN MATEO 25:17

Hawók axta anhan aptahakxa m'a apxawé axta dos mil sawo selyakye. Dos mil sawo selyakye axta anhan apyancháseykxak ma'a.