EFESIOS 5:11 - Lengua Sur (Enxet) Nuevo Testamento

¹¹ Nágkólweyhénekxoho aksa kéxegke aksok mékoho apkeláneyak ma'a énxet'ák apkeleñama nak neyseksa ekyaktesakxaxma, tásek eyke kólxekmósek apyókxoho énxet'ák yakwayam enxoho elya'ásegwók apkeltémakxa xa énxet'ák nak.

EFESIOS 5:11 Referans Kwoze

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

1 TIMOTEO 5:20

Enxet'ák ektaha nak melwáteseyam apkelané mey'asáxma, kéméxchek xép egkések appeywa ekyennakte nápakta'awo' apyókxoho énxet'ák, yakwayam enxoho anhan yeyk ma'a apyókxoho énxet'ák nak.

2 TESALONICENSES 3:6

Elyáxeg, neltennásek negko'o kéxegke yetlo nenxeyenma Jesucristo Wese' egegkok apwesey, neltamho megkólyepetchaha egyáxeg nentémo xamo' magya'áseyam, memáheyo nak etneykha, cham'a meláneya nak han ma'a nentahakxa axta nelxekmóso negko'o kéxegke.

ROMANOS 16:17

Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak,

APOCALIPSIS 18:4

Ekleg'ak axta nahan ko'o kélpeywa eñama néten. Entahak axta amya'a s'e: “Kólántep kéxegke xa nepyeseksa tegma apwányam nak, kéltaha nak énxet'ák ahagkok, yakwayam enxoho megkólwéhenekxók apkeltémakxa nak melya'asáxma xa énxet'ák nak, yakwayam enxoho nahan megkawakxók kéxegke m'a ektémakxa nak kéllegasáseykegkoho ekmaso;

TITO 2:15

Cháxa eyéméxko nak elxekmósek xép énxet'ák xa, tén han elwaskakkásekxohok, egkés nahan cha'a appeywa ekyetna enxoho megyakhémo, yetlo apmeykha m'a ektémakxa nak kéláyo exchep. Neygyoho aksa kólwanyohok xép.

2 TESALONICENSES 3:14

Agkok elyahákxohok kélxama kéxegke s'e nentahakxa nak nentáxéseso weykcha'áhak, Kólya'asagkoho sekxo' ma'a énxet ektahakxa enxoho melyaheykekxoho, nágkólyepetchaha aksa, keñe sat emegké'.

ROMANOS 6:21

¿Pasmomcheya axta kéxegke xa aksok ekmésa nak kaxwo' kélmegkakto, wánxa aksa cha'a kanaklók énxet ma'a nétsapmakxa nak?

2 TIMOTEO 3:5

Máxa sat etnahagkok nakso' enxoho apcháyo Dios, aksok apkeláneyak sat eyke kañék ekyekpelchamáxche aptaknagkama m'a ektémakxa nak Dios apmopwána segyakmagkaseso nentémakxa. Neypáxakwom aksa exchep énxet'ák aptéma nak xa.

GÁLATAS 6:8

Enxet ektahakxa enxoho apkelenxáneykmoho apkelané m'a aksok ekmaso apyespagkamakxa nak ektémol'a agkenekxak aksok aktek, étak sat nétsapma ekyakmageykekxa xa, ektémol'a annakxek ekyexna aksok negkeneykekxa. Enxet ektahakxa enxoho apkelenxáneykmoho apkelané m'a ekleklamókxa nak apwáxok Espíritu, Espíritu sat nahan kañék exkak ma'a ekyennakte egnenyek megkatnegwayam enéxa nak, ektémol'a annakxek ekyexna aksok negkeneykekxa.

1 TESALONICENSES 5:7

Enxet'ák ektaha nak apnakteyenmo, axta'a cha'a enaktének, keñe m'a énxet'ák ennapmo nak anmen, axta'a cha'a kannápok anmen.

SAN LUCAS 3:19

Apyennaktések axta nahan appeywa Juan appakhetchesa m'a Herodes, aptaha axta wese' yókxexma, hakte aptáwa axta aptamheykekxak ma'a kelán'a ekwesey axta Herodías, ektaha axta apyáxeg aptáwa, apwesey axta Felipe, tén han eñama m'a ekxámokxoho aksok ekmaso apkelané axta Herodes.

EFESIOS 5:7

Nágkólpaxkaha aksa kéxegke xa énxet'ák nak.

EFESIOS 4:22

Kólwatés kéllané kéxegke m'a nano' nentémakxa axta, cham'a eyesógwokmoho agko' nak eñama ektawáseykha m'a aksok ekmaso ekyespagko nak.

SAN MATEO 18:15

“Sagkek agkok aptemésesakxa exchep ma'a aptémo xamo' nak mey'áseyam, etnéses apxakko' epakhetchesek. Ey'ásásegwakxoho ektahakxa megyakhémo. Apkelyahakxók agkok, apyáxeg aptémo xamo' mey'áseyam etnekxak makham.

1 TIMOTEO 6:5

tén han ma'a megkamassegwayam nak apkelyamatchásamap nepyeseksa énxet ekmaso nak elchetamso apwáxok, melya'áseyak nak ma'a amya'a ekmámnaksoho nak, yának nahan cha'a kañamak senxámáseso aksok egagkok ma'a ektémakxa nak nelpeykesamo Dios.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

EFESIOS 5:12

Kawomhok nahan negko'o negmegkakto anxének aksok apkelyexamakpoho nak apkeláneyak xa énxet'ák nak.

COLOSENSES 1:12

kólmések sat nahan kéxegke ekxeyenma kélwáxok Dios Egyap yetlo ekpayheykekxa kélwáxok, aptaha nak apkeláneseykekxa kéltahakxa yakwayam kawakxohok kélxaweyák ma'a aksok kélpagkancheso nak yakwayam elxawagkok énxet'ák ektaha nak Dios énxet'ák apagkok, eleñama m'a neyseksa elseyexma aptémakxa nak Wese' apwányam Dios.

1 TIMOTEO 5:22

Ná epekhaksoho aksa exchep enegkenek apmék apkátek xama énxet enxoho yakwayam enxoho megkawakxók xép xa ektémakxa nak mey'asáxma pók énxet. Etnakhes ma'a ekyókxoho ekmaso nentémakxa nak.