EFESIOS 4:6 - Lengua Sur (Enxet) Nuevo Testamento

⁶ Apwánxa xama Dios aptaha nak Egyap nenxámokxoho, aptaha nak Wese' apwányam nepyeseksa apyókxoho énxet, aptamháha cha'a Dios eñama segásenneykekxa negyókxoho nak, apheyk nahan egwáxok negyókxoho nak.

EFESIOS 4:6 Referans Kwoze

ROMANOS 11:36

Hakte ekyókxoho aksok keleñamak ma'a Dios, Dios nahan keñamak elánteyapma xa, yakwayam enxoho nahan kaltemésesek apcheymákpoho. ¡Apcheymákpoho sat cha'a kóltemésesek Dios! ¡Katnahagkok sat!

1 CORINTIOS 8:6

apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

1 SAN JUAN 3:24

Negko'o ektahakxa enxoho nelyaheykekxoho apkeltémókxa nak antehek Dios, negyepetcheyo antehek ma'a Dios, hegyepetkohok nahan negko'o xa Dios. Espíritu nahan keñamak negya'ásegkoho negko'o aptaha segyepetcheyo Dios, cham'a Espíritu aptaha axta segméso Dios.

SAN MATEO 6:9

Kéméxchek kóltehek kéltaha enxoho nempeywa nelmaxnagko s'e: ‘Egyap negko'o apha néten, kólpagkanchesek sat apwesey exchep.

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

1 CORINTIOS 12:6

Xámok nahan ektémakxa negmowána nak anlának nentamheykha eñama nak Wese' egegkok, Wese' egegkok Dios akke segméso negmowána yakwayam anlának ekyókxoho xa nentamheykha nak.

EFESIOS 6:23

Dios Egyap tén han Jesucristo Wese' egegkok sat egkések ẽlyáxeg'a meyke ektahakxa apwáxók, apchásekhayo, tén han melya'áseyam,

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

EFESIOS 2:22

Ekhawo ektémakxa nak han kéxegkáxa, Cristo kélyepetcheyo keñamak kéltaha kélyepetcheykekxa kélmók, yakwayam enxoho kóltehek tegma appagkanamap aphamakxa Dios eñama m'a Espíritu apagkok nak.

SAN JUAN 17:26

Elya'asásegwokmek axta ko'o aptémakxa exchep xa énxet'ák nak, alenxanmohok sat nahan sekteme xa, yakwayam enxoho keytek apwáxók ma'a ektémakxa nak seyásekhayo exchep, yakwayam enxoho ko'o xa atnehek sekyepetcheyo xa énxet'ák nak.”

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

EFESIOS 1:21

Aptemésesek axta anhan Dios Cristo meyke ekhémo neyseksa m'a ekyókxoho aksok ekha nak elmowancha'a, tén han ma'a ekha nak kélyaheykekxoho, tén han ma'a aksok eláneykencha'a nak keso náxop, tén han ma'a aksok kelwese'e nak, aptemésesek axta anhan Dios Cristo megkaxnémo m'a ekyókxoho aksok ekhágko nak keso negwánxa nak, tén han ma'a egmonye sat.