EFESIOS 4:5 - Lengua Sur (Enxet) Nuevo Testamento

⁵ Apwánxa xama Wese' egegkok, wánxa nahan xama magya'áseyam, wánxa nahan xama yakpasama yegmen.

EFESIOS 4:5 Referans Kwoze

1 CORINTIOS 8:6

apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

1 SAN PEDRO 3:21

Yakpasama yegmen axta ekyetchásamáxkoho xa yegmen ekyawe nak, cham'a sẽlwagkasama nak teyp negko'o. Háwe yakwayam kaxñásekxak negyókxa xa yakpasama yegmen nak, wánxa aksa yakwayam hegwetaksek ma'a meyke ektahakxa egwáxok nak nápakto' Dios; ẽlwagkasek nahan negko'o teyp xa yakpasama yegmen nak eñama m'a apxátekhágwayam axta Jesucristo,

ROMANOS 3:30

hakte Dios aptaha apwánxa xama; cham'a Dios apxeyenmol'a aptaha apkelpéwomo énxet'ák apteme nak melya'áseyam, meyke apkelanyo m'a ekha nak kélkahaso esenhan ma'a meyke nak kélkahaso.

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

1 CORINTIOS 1:13

¿Wánxaya aksa xama nekha apkelxekmóso Cristo? ¿Pabloya axta kélyepetchesók aksok ektegyéso kéxegke eñamakxa? ¿Kélyakpasásegkek enxoho axta eykel'a yegmen kéxegke eñama apwesey Pablo?

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.

2 CORINTIOS 11:4

Kóllanha aksa anhan cha'a kéxegke yetlo ekpayheykekxa kélwáxok énxet ektahakxa enxoho apwé apkeltennasé apwesey pók Jesús, mexnawok m'a neltennáseykencha'a axta negko'o kéxegke; yetlo kélmáheyo nahan cha'a kólmok takha' m'a espíritu mexnawo nak ma'a Espíritu kélxawáya axta kéxegke, tén han kólmok takha' m'a tásek amya'a megkaxnawo nak ma'a kélmoma axta takha' kéxegke.

FILIPENSES 2:11

yakwayam enxoho anhan elya'ásegwomhok apyókxoho énxet aptaha Jesucristo Wese', yakwayam enxoho kóltemésesek apcheymákpoho Dios Egyap.

EFESIOS 4:13

ekwokmoho nentaha meyke nelexpanchásamáxche eñama m'a magya'áseyam nak, tén han eñama m'a negyekpelchágwayam nak Dios Apketche. Keñe sat keynnakwók negko'o nenteme magya'áseyam, aghágwakxohok agko' sat ma'a aptémakxa nak Cristo.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

1 CORINTIOS 12:5

Yetneyk nahan megkaxnémo mók ektémakxa nenlané nentamheykha eñama nak Wese' egegkok, Wese' egegkok akke aptaha apkeltémo anlának xa nentamheykha nak.

1 CORINTIOS 1:2

Ektáxésesek ko'o weykcha'áhak elyáxeg'a aptaha nak Dios énxet'ák apagkok apheykha nak xa tegma apwányam Corinto, yetlo sekxegexma egyáxeg Sóstenes, cham'a apkelánamákpoho énxet'ák ektaha axta kélteméseso apkelpagkanamap eñama Cristo Jesús, cham'a apkelwóneykencha'a axta nahan Dios yakwayam etnésásekxak énxet'ák apagkok, yetlo nahan ma'a apyókxoho énxet apheykha nak ekyókxoho yókxexma, ektaha nak apkelpeykesamo apwesey Jesucristo, negko'o Wese' egegkok, tén han Wese' apagkok xa énxet'ák nak.

SAN JUDAS 1:20

Elyáxeg selásekhayo, kóllenxanmoho kéxegke kélyennaktésamo m'a ektémakxa nak ekyetno megkólya'áseyam ekpagkanamaxche. Kólmaxna cha'a yetlo appékesáseyak ma'a Espíritu Santo.

HEBREOS 13:7

Kaxén kélwáxok kéxegke m'a ektaha axta apkelámha apmonye'e kélagkok kélakneykekxexa, cham'a apkellegasama axta kéxegke amya'a eñama nak Dios; Kaxén kélwáxok kéxegke aptamheykegkaxa axta ekwokmoho apkeletsapma, kólyetlakxa m'a ektémakxa axta melya'áseyam xa énxet'ák nak.

HEBREOS 6:6

apkelwátesagkek agkok apteme melya'áseyam xa énxet'ák nak, megkólwanchek sat kóltemesásekxak makham apteme melya'áseyam Dios, hakte máxa katnehek apyepetcháseykxo enxoho makham aksok ektegyéso Dios Apketche, máxa apkenagko yesmaksek apyókxoho énxet sat etnesásekxak makham.

TITO 1:4

Tito, ektáxésesek xép se'e weykcha'áhak nak, xép aptaha nak ekmámnaksoho hatte eñama s'e ektémakxa nak nenteme magya'áseyam egkánet nak. Emenyék ko'o etnehek apméso naksa Dios Egyap, tén han Jesucristo segwagkasamo nak teyp ma'a ektémakxa nak segemleykekxoho, tén han ma'a meyke ektahakxa apwáxok xép.

TITO 1:1

Ko'o Pablo sekteme Dios apkeláneykha tén han sekteme Jesucristo seykha amya'a apagkok, cham'a aptaha nak seyápháseykha yakwayam enxoho atnésesagkok melya'áseyam ma'a ektaha nak Dios apkelyéseykha, yakwayam enxoho nahan elya'ásegwomhok amya'a ekmámnaksoho eñama s'e ektémakxa nak negáyo negko'o,

FILIPENSES 3:8

Mók sekxeyenma anhan. Maxneyásawok ko'o ekyókxoho aksok sekyetchásawo enxoho m'a ektémakxa nak negyekpelchágwayam Cristo Jesús Wese' ahagkok. Cristo nahan keñamak ekmassa ekyetna ko'o ekyókxoho aksok, máxa apák ektemesásak ko'o ekyókxoho aksok yakwayam enxoho atnehek Cristo énxet apagkok,

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 2:36

“Kólya'ásegwakxoho hana kélyókxoho kéxegke ektaha nakso' se'e kéxegke kéltaha nak énxet'ák Israel, Dios axta apteméseso Wese' tén han aptemésesa Mesías ma'a Jesús, cham'a kélyepetchesa axta kéxegke aksok ektegyéso.”

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

SANTIAGO 2:18

Katnehek kexaha nahan amya'a agáneyxchek se'e: “Yetneyk xép mey'áseyam keñe ko'o ekwetáxko sektamheykha.” Hexekmós ko'o ektémakxa nak mey'áseyam xép meyke apkelané aptamheykha xama enxoho, keñe sat ko'o axekmósek xép ektémakxa nak may'áseyam yetlo selané sektamheykha.