EFESIOS 4:32 - Lengua Sur (Enxet) Nuevo Testamento

³² Kólteme ektakmeleykha kélwáxok, kólteme nahan apmopyósa kóllanok kélmók, nágkólyakmagkásekxa cha'a aptemésesakxa kélmók, ekhawo aptahakxa axta Dios meyakmagkáseykekxo nentémakxa eñama m'a Cristo.

EFESIOS 4:32 Referans Kwoze

SAN MARCOS 11:25

Kéltemek agkok nempeywa nelmaxnagko, nágkólyakmagkásekxa aksa aptemésesakxa ekmaso kélmók, yakwayam enxoho meyakmagkásekxék nahan kéltémakxa megkólya'asáxma m'a Kélyap apha nak néten.

2 CORINTIOS 2:10

Enxet megkólyakmagkáseykxexa enxoho aptemésesakxa kéxegke, mayakmagkásekxék nahan ko'o xa aptahakxa. Mayakmagkásekxék nahan ko'o xa aptahakxa, cham'a ekyetna enxoho aksok yakwayam mayakmagkásekxék aptahakxa, eñama ekxeyenma ewáxok ko'o kéxegke nápakto' Cristo.

EFESIOS 5:1

Kóllenxánem kólhágwakxohok ma'a aptémakxa nak Dios, kéxegke kélteme nak Dios apketchek apkelásekhayo.

SAN LUCAS 6:35

Kéméxchek kéxegke kólásekhohok ma'a énxet'ák apkenmexeykha nak, kólxekmósho nahan kélásekhayo, kólmásesha nahan aksok kélagkok yetlo megkólhaxanma eyakmagkásekxak mók. Awanhek sat katnehek ekyakmageykekxa kéltaha enxoho xa, kóltehek sat kéxegke Dios meyke ekhémo apketchek, aptaha nak han apkelásekhayo m'a énxet'ák megkéso nak ekxeyenma apwáxók Dios, tén han ma'a elmasagcha'a nak apkeltémakxa.

SAN LUCAS 6:37

“Nágkólteme aksa kélyekpelchémo aptémakxa kélmók, keñe sat metnehek apyekpelchémo Dios kéltémakxa kéxegke, Nágkolána aksa kólegásesagkohok kélmók keñe sat mellegásesagkok kéxegke Dios. Nágkólyakmagkásekxa aksa aptemésesakxa kélmók, keñe sat meyakmagkásekxék kéltémakxa kéxegke Dios.

1 CORINTIOS 13:4

Ekha negásekhayo ekteme m'a negya'áseykegkoho nak nelenmáxamáxkoho, tén han ma'a ektakmela nak nentemésesakxa egmók, ekha negásekhayo nahan ekteme m'a magnatha nak egmók, tén han ma'a megkeymáxkoho nak nempeywa, tén han ma'a mageymáxkoho nak,

SAN LUCAS 17:4

Wokmek sat agkok siete apkenmexeykha kéxegke kélyáxeg xama ekhem, wokmek agkok siete apteme apkenagko kéxegke s'e: ‘Matnekxék sat cha'a kaxwo'’, kéméxchek megkólyakmagkásekxék aptahakxa.

SAN MATEO 6:12

Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.

1 SAN JUAN 2:12

Kélketchek, kéxegke ektáxesásak se'e weykcha'áhak nak, hakte axta eyakmagkásekxak Dios ektémakxa megkólya'asáxma eñama m'a ektahakxa axta aksok apkelané Jesucristo.

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

1 SAN JUAN 1:9

neltennásek agkok negko'o Dios ektémakxa nenlané mólya'asáxma, egwanchek magya'ásók Dios aptaha meyakmagkaseyam aptémakxa appeywa, tén han ektaha ekpéwomo agko' ma'a aptémakxa nak, yakwayam enxoho meyakmagkásekxék ma'a nentémakxa nak mólya'asáxma, hegmasésesek nahan ma'a ekyókxoho nentémakxa ekmaso nak.

2 CORINTIOS 2:7

Kéméxchek eyke kaxwo' megkólyakmagkásekxék aptemésesakxa, tén han kólpasmok aksa, keyntaxnegwomhok katnehek elapwayam xa énxet nak.

SANTIAGO 5:11

Kaxénhok cha'a negko'o egwáxok aptaha apkeleñémo m'a ektaha nak apkelenmáxamákpoho apkellegeykegkoho yetlo apkelwaskápeykekxoho. Kéllegayak kéxegke ektémakxa axta apkelenmáxamákpoho aplegeykegkoho Job, kélya'ásegkok nahan kéxegke m'a aptemésesamakxa axta Wese' egegkok ektemegwánxa axta néxa aplegeykegkoho, hakte Wese' egegkok apteme segemleykekxoho, apteme nahan apmopyósa henlano'.

2 CORINTIOS 6:6

Nenxekmowásawók nahan nentaha negko'o Dios apkelásenneykha eñama m'a eyáxñeyo nentémakxa nak, eñama nahan negya'ásegwayam ma'a amya'a ekmámnaksoho nak, tén han eñama m'a mampekhésamaxche nak, tén han eñama m'a ektakmeleykha nak egwáxok, tén han eñama m'a apha nak negko'o egwáxok Espíritu Santo, tén han eñama m'a negásekhayo ekmámnaksoho nak,

SAN LUCAS 11:4

Ná eyakmagkásekxa nentémakxa mólya'asáxma, hakte magyakmagkáseykxak cha'a negko'o sentemésesakxa ekmaso apyókxoho énxet. Ná egyoho hegahapwak negko'o segyekkónma.’

SAN LUCAS 1:78

Hakte Dios egagkok negko'o ensantegkásak elseyexma ektémol'a kaxwé ekteyapma ekhem, eñama m'a ekyawe segemleykekxoho nak,

2 SAN PEDRO 1:7

keñe m'a nempagkanchásamáxche nak Dios kólyepetchesek ma'a ektémakxa nak nelásekhamaxkoho nenteme nak magya'áseyam Cristo; keñe m'a ektémakxa nak nelásekhamaxkoho nenteme nak magya'áseyam Cristo, kólyepetchesek ma'a negásekhayo nak.

LOS HECHOS 28:2

Tásek axta sẽlapeykha negyókxoho énxet'ák ektaha axta apheykegkaxa apancha'awók ma'a; apyánchások axta apkelwatno táxa xa énxet'ák nak hakte mámekak axta, samágek axta anhan, keñe axta apkeltamho agyepetchegwomhok táxa.