EFESIOS 4:30 - Lengua Sur (Enxet) Nuevo Testamento

³⁰ Nágkóllapwagkas aksa Espíritu Santo apkeñama nak Dios, cham'a kélkahásamáxko nak kéxegke yakwayam enxoho kólyekpelchaxkohok kélteme nak Dios énxet'ák apagkok, cham'a ekwa'a sat ekhem yakwánxa hẽlwagkasek teyp.

EFESIOS 4:30 Referans Kwoze

1 TESALONICENSES 5:19

Nágkólya'és exma yakwánxa etnehek Espíritu Santo.

LOS HECHOS 7:51

“Wánxa agkok, kéllenxáneykmók eyke kéxegke kélteme ekyennakte kélwáxok —axta aptahak makham appeywa Esteban— temék kéxegke kélheyk'ák tén han kélwáxok ma'a ektémakxa nak énxet'ák melya'áseyak nak Dios. Kélenmexeykha cha'a kéltemék Espíritu Santo. Kélhawók kéxegke m'a kélyepmeyk nano' axta.

ROMANOS 8:23

Háwe ekwánxa agkok ellegágkoho m'a, nellegágkok eyke nahan negko'o xa, nenxawáyak eykhe m'a Espíritu aptaha nak apmonye nenxawé, amonye nenxawé m'a aksok peya nak anxawa'. Awanhek negko'o nenlegeykegkoho neyseksa nelhaxanma kawók ekhem yakwánxa hẽltemésesek Dios apketchek, cham'a yakwánxa sat hẽlyenyókasek ma'a ektémakxa nak negyókxa.

ROMANOS 8:11

Apheyk agkok kélwáxok kéxegke m'a Espíritu apkeñama nak Dios, cham'a apxátekhásekmo axta Jesús, etnésesók sat kéxegke kélhaxnagcha'ak natámen kéletsapma m'a Dios apxátekhásekmo axta Cristo, eñama apha kélwáxok ma'a Espíritu apkeñama nak Dios.

SAN MARCOS 3:5

Aplókek axta Jesús apkelanawo énxet'ák apchaknákxo axta m'a, kelapwokmek axta anhan hakte axta emokók elya'ásegwomhok xa énxet'ák nak. Keñe axta aptaha apcháneya énxet ekyame apmek se'e: —Epékes apaktog. Appékesek axta apaktog xa énxet ekyame apmek nak, takmelákxeyk axta anhan apmek.

HEBREOS 3:10

Ekeso eñamakxa selókasa axta ko'o xa énxet'ák nak, ektahak nahan sekxéna s'e: ‘Aptemegkek cha'a mehekpelchémo ko'o xa énxet'ák nak, mopmenyék nahan étlók ma'a sektémakxa nak.’

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

HEBREOS 3:17

¿Yaksak axta énxet'ák aptaknagkama Dios ekweykmoho cuarenta apyeyam? Axta aptaknagkók Dios ma'a énxet'ák apkeláneykegko axta melya'asáxma, cham'a apkeletsapwokmo axta yókxexma meykexa énxet.

1 CORINTIOS 15:54

Tamhákxeyk sat agkok megkamassegwayam se'e negyókxa ekmassegweykmoho nak, tén han ektamhákxo enxoho megkatsapma s'e negyókxa étsapmo nak, katnehek sat ektémakxa nak eknaktáxésamaxche s'e: “Negmalanma axta keñamak kélmaseseykmo nétsapma.

SAN LUCAS 21:28

Temék sat agkok xa, kólwaskápekxoho sat kólleyxmakha, hakte kaxwo' agko' sat kólmeyawaxchek kéxegke.”

SAN JUAN 3:33

Yetneyk agkok xama énxet apteme mey'áseyam aptahakxa appeywa, nakso' etnésesek ektaha ekmámnaksoho m'a aptémakxa nak appeywa Dios;

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.