EFESIOS 4:28 - Lengua Sur (Enxet) Nuevo Testamento

²⁸ Enxet apmenyexmo axta, elwatés apmenyexma, etneykha, etakmelchesho nahan apkelané m'a aptamheykha, yakwayam enxoho keytek apmésakxa aksok ma'a énxet meyke nak aksok apagkok.

EFESIOS 4:28 Referans Kwoze

1 TIMOTEO 6:18

Yána sat etnehek ektakmela apkeltémakxa xa énxet'ák nak, yána sat nahan kayeykhágwomhok apkeláneyak ma'a apkeltamheykha ektakmela nak, tén han etnehek memyagweykekxa egkések aksok pók, cham'a ekyetnakxa enxoho aksok apagkok.

GÁLATAS 6:10

Ekeso eñamakxa eyéméxko nak cha'a negko'o ampasmok apyókxoho énxet, ekyagwánxa agkok ma'a ẽlyáxeg'a apteme nak melya'áseyam, cham'a ekyetnakxa enxoho cha'a yakwayam ampasmok.

SAN JUAN 12:6

Háwe axta eyke ekxéneykha apwáxok Judas ma'a énxet'ák meyke nak aksok apagkok aptaha appeywa xa, hakte apmenyexma axta m'a, selyakye axagkok axta anhan aptakmelcheso, emenyexhok axta anhan cha'a m'a selyakye kélxata nak kañe'.

SAN LUCAS 19:8

Apkempákxeyk axta néten Zaqueo. Aptahak axta apcháneya Wese' egegkok se'e: —Wese', elano, amlaskok sat ko'o énxet meyke aksok apagkok nekha aksok ahagkok ekyetnakxa nak ko'o; ekmenyexchesegkek agkok nahan aksok apagkok xama énxet enxoho, ayeykhásesamhok sat sekmeyáseykekxa makham.

2 CORINTIOS 8:12

Nakso' agkok apmoko egkések aksok Dios xama énxet, emok han takha' Dios ma'a aksok apméso enxoho énxet, cham'a ekyetnakxa enxoho. Mehẽlmaxneyhek nahan Dios ma'a aksok meykexa enxoho negko'o.

2 CORINTIOS 8:2

Kelpayheykekxeyk aksa apwáxók neyseksa apkelweté m'a aksok ekyekkónma nak; méko eykhe nahan aksok apagkok, axta eyke emyágweykxak appekkena aksok apméso Dios, máxa aptamheykegkok ma'a ekxákma enxoho aksok apagkok.

ROMANOS 12:13

Kólpásem Dios énxet'ák apagkok ma'a ektémakxa nak ekha eyéméxchexa aksok, kólahapmakha cha'a meyk'a kélagkok.

SAN JUAN 13:29

Nápakha apkelxegexma'a axta apkeneyk eltamhok Jesús etegyek aksok Judas yakwayam kólmaha m'a neyseksa apchakneykekxa énxet ekhem mólwagkayam nak, énxet meyke aksok apagkok axta nahan apkeneyk eltamhok elmésagkok aksok, hakte selyakye axagkok axta aptakmelcheso m'a Judas.

SAN LUCAS 3:8

Kóltakmelches kéltémakxa yakwayam enxoho kataxchek yáxñakxoho kélyakmagkaso kélwáxok. Nágkóltemegwakxa' nahan kélpeywa kéxegke s'e: ‘Negko'o nenteme Abraham aptawan'ák neptámen.’ Kawomhok Dios apmopwána etnésásekxak Abraham aptáwen neptámen se'e meteymog nak. Nakso' xa sektahakxa nak sekpeywa seláneya kéxegke.

1 CORINTIOS 4:12

tén han nelyampayo eñama nentamheykha. Hentakneyagkohok cha'a negko'o énxet, keñe cha'a negko'o agámenyéhok katakmelek ektahakxa énxet; ẽlmenxenáha agkok negko'o, ólenmaxaxkoho' aksa.

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.