EFESIOS 4:26 - Lengua Sur (Enxet) Nuevo Testamento

²⁶ Kéllókek agkok, nágkóllána megkólya'asáxma, kóllenxánem nahan cha'a megkólwagkasók kéllo xama ekhem.

EFESIOS 4:26 Referans Kwoze

SANTIAGO 1:19

Elyáxeg selásekhayo, kaxén kélwáxok se'e: kéméxchek kólpencheshok kélláneykekxa kéltahakxa kélyókxoho kéxegke yakwayam kóleyxho amya'a; wánxa agkok kéméxchek eyke kóltehek kéxegke megkólpekhéso kólpakmétek, tén han kóltehek megkólpekhéso kóllók.

SAN MATEO 5:22

Wánxa agkok, ektahak ko'o seláneya kéxegke s'e: kéxegke ektahakxa enxoho kéltaknagko kélyáxeg, kólsexnánéxchek sat, keñe sat ma'a ektahakxa enxoho kélwanyeykha kélyáxeg, kólyekpelkohok sat nápakta'awo' énxet'ák ekyawe nak kéláyo; keñe kéxegke kéltaha nak kélyeykáseykhaxma kélyáxeg, kapayhohok sat yakwayam kólmahagkok ma'a megkaspóneykxa nak táxa.”

SAN MARCOS 3:5

Aplókek axta Jesús apkelanawo énxet'ák apchaknákxo axta m'a, kelapwokmek axta anhan hakte axta emokók elya'ásegwomhok xa énxet'ák nak. Keñe axta aptaha apcháneya énxet ekyame apmek se'e: —Epékes apaktog. Appékesek axta apaktog xa énxet ekyame apmek nak, takmelákxeyk axta anhan apmek.

SAN MARCOS 10:14

Xama axta apwet'a Jesús xa, aplókek axta. Aptahak axta apkeláneya apkeltámeséyak se'e: —Kólho hey'ótak sakcha'a letkók, nágkólnókasha, hakte appaxakweykmek aptémakxa nak Wese' apwányam Dios aphawo nak se'e sakcha'a letkók nak.

SANTIAGO 1:20

Enxet apló nak, melanyek ma'a aksok ekpeykesáseykekxoho nak apwáxok Dios anlána'.