EFESIOS 4:25 - Lengua Sur (Enxet) Nuevo Testamento

²⁵ Nágkólteme kaxwo' kéxegke kélmowána amya'a, kólteme cha'a kaxwo' ekmámnaksoho kélpeywa kóllának kélmók, hakte negyókxoho nenteme neleñama Cristo apyókxa ektaha nak wánxa xama.

EFESIOS 4:25 Referans Kwoze

COLOSENSES 3:9

Nágkólyexanchesha aksa kélmók, hakte kélyenyókasek axta kéxegke m'a nano' kéltémakxa axta, kélyenyókasek axta anhan ma'a aksok kélláneya axta cha'a nano' axta,

ROMANOS 12:5

ekhawo nahan negko'o xa, nenxámok eykhe, xama eyke nentamhákxak nempasmeykekxa Cristo, negyepetchawók nahan egmók nentamhákxo wánxa xama.

EFESIOS 4:15

Akke tásek antehek negko'o m'a ekmámnaksoho nak nempeywa neyseksók nelásekhamaxkoho, kéméxchek negko'o agyanchesagkohok nenteme magya'áseyam ekwokmoho neghagwákxoho Cristo aptaha nak apkemha apmonye nepyeseksa Dios énxet'ák apagkok.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

TITO 1:2

ektaha nak ekteméseso ekmámnaksoho m'a nelhaxneykha nak yakwayam anxawak ekyennakte egnenyek megkatnegwayam enéxa. Apxeyenmék axta Dios keytek ekyennakte egnenyek amonye apkelané axta keso náxop, cham'a Dios metné nak apmopwána amya'a.

1 TIMOTEO 4:2

Elyahakxohok sat aptahakxa apkelpeywa m'a énxet'ák apkelmeyókásamákpoho nak apkeltémakxa, tén han ma'a énxet'ák apkelmopwancha'a amya'a nak, cham'a ekyennaktama nak ektémakxa elchetamso apwáxók eñama m'a aksok ekmaso apkeláneyak nak, máxa entemék ma'a elkahásamáxko enxoho xama sawo ekyentaxno.

APOCALIPSIS 22:15

Melántexek sat eyke m'a énxet ekmaso agko' nak apkeltémakxa apkelyetchesamakpoho nak semheg, tén han ma'a aptamhéyak nak kelyohóxma, tén han ma'a apkeláneykegko nak ekmaso apkeltémakxa kalmopsexta'a, tén han ma'a apchakhe nak pók, tén han ma'a apkelpeykesamo nak kéleykmáseso, tén han ma'a apyókxoho énxet ektaha nak ekleklamo apwáxók negmowána amya'a nak, cham'a aptamheykegko nak apkelmopwána amya'a.

1 TIMOTEO 1:10

tén han ma'a énxet'ák apkeláneyak nak ekmaso nentémakxa mansexta, tén han ma'a énxet'ák aphésamo nak apkeltémakxa kelán'a, tén han ma'a énxet'ák apkexeykekxa nak apnámokkok aptegyeykekxa selyakye yakwayam kóltemésesha aksa, tén han ma'a énxet'ák apkelmopwancha'a amya'a nak, tén han ma'a énxet'ák apteméseso nak ekmámnaksoho m'a amya'a megkamámnaksoho nak, cham'a énxet'ák apkeláneykegkohol'a m'a enmexma nak nelxekmowásamáxche ekmámnaksoho nak.

2 CORINTIOS 7:14

Eltennásek axta ko'o Tito selmésama kéxegke ekpayheykekxa ewáxok, mehelmeyásak nahan sekmegkakto. Ekmámnaksoho axta nahan ma'a nentahakxa axta negáneya Tito ekhawo ektémakxa nak cha'a ekmámnaksoho neltennaso kéxegke: cham'a ekyetna nak sẽlpeykesáseykekxa egwáxok negko'o kéxegke.

TITO 1:12

Aptahak axta apxéna apchókxa xamo' xama énxet Dios appeywa aplegaso apha axta yókxexma étkok Creta s'e: “Enxet'ák apheykha nak se'e Creta, apmopwancha'a amya'a cha'a etnahagkok, apkellamchek nahan, megyeksek nahan emayhagkok aptéyak, mopmenyék nahan eltemeykha.”

1 CORINTIOS 10:17

Nenxámok eykhe negko'o, negyókxoho eyke nentókagkok negko'o xa xama pan nak. Cháxa keñamak nentamhákxo negko'o wánxa xama xa.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

EFESIOS 5:30

hakte cháxa ektaha Cristo apyókxa xa, negko'o anhan nenteme neleñama xa Cristo apyókxa nak.

EFESIOS 4:22

Kólwatés kéllané kéxegke m'a nano' nentémakxa axta, cham'a eyesógwokmoho agko' nak eñama ektawáseykha m'a aksok ekmaso ekyespagko nak.

EFESIOS 4:31

Kólwatés kélteme m'a ektémakxa nak eknatheyáseykha kélwáxok, tén han ma'a ektémakxa nak ekmanyehe kóllók, kólwatés kéllo, kólwatés nahan ma'a kélpaxameykha nak, tén han ma'a ekmaso nak kélpeywa kóllának kélmók, tén han ma'a ekyókxoho ektémakxa nak negmámenyého anlók.

COLOSENSES 3:8

Kólwatés kaxwo' kéxegke ekyókxoho s'e: nenlo, negyeykhásamáxkoho negmámenyého anlának aksok, ekmaso nentémakxa, negyamanma egmók, tén han ekmaso nak negya'áseyam.

HEBREOS 12:1

Ekeso eñamakxa eyéméxko nak agyenyók ekyókxoho m'a aksok sẽlya'asama nak exma, tén han ma'a mólya'asáxma sẽlpextetma nak, tén han onyahagkok yetlo nelwaskápeykekxoho m'a nelteyásamáxche peya nak óltésaxchek, hakte apxámok énxet negyáwa negko'o apxekmósama nak apteme melya'áseyam.

SANTIAGO 1:21

Kólyenyaw kéxegke m'a ekyókxoho nentémakxa ekmanyása nak, tén han ma'a nentémakxa ekmaso negwet'a nak ekyágwokmoho kaxwo', kólma yetlo megkeymáxkoho kélwáxok ma'a amya'a kélpekkenchesama axta kélwáxok kéxegke, hakte awanchek kalwagkasek teyp kéxegke xa amya'a nak.

1 SAN PEDRO 2:1

Kólyenyaw kéxegke m'a ekyókxoho ektémakxa nak nentémakxa ekmaso, tén han ma'a ekyókxoho ektémakxa nak nelyexancháseykha egmók, kólyenyaw nahan ma'a nelmeyókasamáxkoho egagko' nak nentémakxa, tén han ma'a nelyásekkáseykha, tén han ma'a ekyókxoho ektémakxa nak nenxeyenma naksa egmók.