EFESIOS 4:24 - Lengua Sur (Enxet) Nuevo Testamento

²⁴ kóltemekxa nahan kéxegke axnagkok kéltémakxa ektémol'a antaxnekxak nentaxno aphaxnagkok, cham'a elánamáxche nak eñama Dios apmopmenyého, cham'a ekwetamaxkohol'a anhan nentaha nentémakxa ekpéwomo, tén han nentémakxa eyáxñeyo eñama m'a amya'a ekmámnaksoho eñama nak Dios.

EFESIOS 4:24 Referans Kwoze

2 CORINTIOS 5:17

Negko'o ektahakxa enxoho negyepetcheyo Cristo, axnagkok nentémakxa katnehek, massegwokmek ma'a nentémakxa nano' axta, axnagkok nentémakxa eyke kaxwo' yetnak.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

ROMANOS 13:14

Kólteme kélahakkásamáxche Wese' egegkok Jesucristo, nágkóllána kaxwo' ma'a ektémakxa nak aksok ekmaso ekyespagko negyókxa.

EFESIOS 6:11

Kólahakkasaxkoho kélagko' cha'a m'a ekyókxoho kélmeykha ektaha axta Dios apkelmeyáseyak kéxegke, yakwayam enxoho kólewának kólenmexek ma'a sẽlyexancháseykha nak kelyekhama'.

ROMANOS 6:4

Nelatawanyexchek axta negko'o xamo' Cristo eñama m'a yakpasama yegmen nak, neletsepmeyk axta anhan yakwayam enxoho hẽlnakxátekhásók negko'o, tén han antehek axnagkok nentémakxa, ekhawo ektémakxa axta kélxátekháseykmo Cristo eñama apmopwána m'a Apyap ekha nak apcheymákpoho.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

2 CORINTIOS 4:16

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem.

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

1 SAN PEDRO 2:2

Kólchetam kéxegke Dios appeywa, ektaha nak neme apyegmenek ektakmela apkeñama Dios, ektémol'a sakcha'a kaxwé ekteyam kaktamok ma'a neme, yakwayam enxoho kawánegkesesek kélteme megkólya'áseyam kéxegke xa neme apyegmenek ektakmela nak, tén han kólwetak kélwagkásamáxche teyp,

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

SAN JUAN 17:17

Etnéses xép apkelpagkanamap xa énxet'ák nak eñama m'a amya'a ekmámnaksoho apagkok nak; xép appeywa ekteme ekmámnaksoho.

GÁLATAS 6:15

Méko katnehek ekyetna enxoho sẽlkahaso kélyenyekhamol'a egyempehek, esenhan ma'a méko enxoho; akke ektakmela agko' ma'a sentemesáseykekxa nak eghaxnagcha'ák Dios.

GÁLATAS 3:27

yakpasameygmen nahan keñamak kéltemésesama kéxegke kélyepetcheyo Cristo, kéltemék nahan kaxwo' kélahakkásamáxche kéxegke m'a Cristo.

1 CORINTIOS 15:53

Hakte kayakmagkasek sat ektémakxa s'e negyókxa ekmassegweykmoho nak, megkamassegwayam sat katnekxak, keñe sat se'e negyókxa étsapmo nak, megkatsapma sat katnekxa'.

EFESIOS 2:15

Cristo apmasésakmo m'a ektémakxa axta segánamakxa eñama judíos, ekha axta eltémókxa antehek, tén han ma'a kéltémókxa nak antehek. Aptemesásekxeyk axta Cristo apyepetcheyo pók énxet'ák judíos, tén han ma'a énxet'ák metnaha nak judíos, aptemesásekxeyk axta wánxa xama énxet'ák aphaxnancha'ák eñama apyepetcheyo Cristo. Cháxa aptahakxa axta Cristo apmasésa ektémakxa axta nelenmexamaxche xa.

HEBREOS 12:14

Kóllenxánem kóltehek meyke ektahakxa kélwáxok nepyeseksa m'a apyókxoho énxet'ák nak, kólteme nahan kélpagkanchásamáxche Dios; hakte méko kawának kótak Wese' egegkok megkólpagkanchásexko enxoho Dios.

HEBREOS 1:8

Keñe axta aptaha Dios apxéna Apketche s'e: “Xép Dios apteme Wese' apwányam megkatnegwayam enéxa, apteme nahan ektakmalma apkelmeykha énxet'ák apagkok.

SAN LUCAS 1:75

keñe nahan antehek negyepetcheyo yetlo ekpéwomo nentémakxa tén han nempagkanchásamáxche yókxoho ekhem neyseksók negha.

ROMANOS 7:6

Máxa eghapák akke nentemék negko'o mólmexmo m'a eltémókxa nak antehek segánamakxa, cham'a sentemésesama axta máxa nelmomaxche, cháxa ektahakxa nak negkegwagko negko'o ólyahakxohok Dios yetlo meyke sẽlya'áseykhaxma neyseksók nenteme eghaxnagcha'ak eñama Espíritu, háwe eyke eñama nano' segánamakxa eknaktáxésamaxche nelyaheykekxoho negko'o Dios.

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

2 SAN PEDRO 1:4

Axta keñamak sempekkencháseykekxo appeywa Dios xa, cham'a ektaha nak ekyawe agko', ektaha nak han ekmomnáwa agko', yakwayam enxoho kawakxohok kéxegkáxa m'a aptémakxa nak Dios, tén han kólántépok neyseksa m'a aksok ekmaso negyespagko ekmaseseykmohol'a énxet ekyetna nak keso náxop.