EFESIOS 4:23 - Lengua Sur (Enxet) Nuevo Testamento

²³ Kéméxchek kéxegke kóltemesásekxak axnagkok ma'a ektémakxa nak ekyetneykha kélaktek, tén han ma'a ektémakxa nak ekpakméteykha kélwáxok,

EFESIOS 4:23 Referans Kwoze

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

ROMANOS 8:6

Xénaha agkok aksa egwáxok wánxa m'a nentémakxa egagko' nak, cháxa segya'asamol'a nétsapmakxa xa; keñe m'a ekxéneykha nak egwáxok aksok apkeltémókxa nak anlának Espíritu, cháxa segmésamol'a ekyennakte egnenya'ák xa, tén han meyke ektahakxa egwáxok.

COLOSENSES 3:10

kéltemék kéxegke axnagkok kéltémakxa nentémol'a antaxnekxak nentaxno aphaxnagkok: cham'a axnagkok nentémakxa nak, aptemesásegko nak cha'a axnagkok Dios, yakwayam kaxnágwakxohok ma'a aptémakxa nak, ektaha axta anhan apkelané, yakwayam enxoho agya'ásegwomhok ektakmela agko' ma'a aptémakxa nak Dios.

1 SAN PEDRO 1:13

Kóllánekxa kéltahakxa, kólteme kélmowána kélláneykegkoho kéltémakxa, kólleyxmakha m'a aksok peya nak egkések Dios eñama m'a ektémakxa nak segemleykekxoho, cham'a senxekmowáseykpoho sat Wese' egegkok Jesucristo.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

ROMANOS 6:4

Nelatawanyexchek axta negko'o xamo' Cristo eñama m'a yakpasama yegmen nak, neletsepmeyk axta anhan yakwayam enxoho hẽlnakxátekhásók negko'o, tén han antehek axnagkok nentémakxa, ekhawo ektémakxa axta kélxátekháseykmo Cristo eñama apmopwána m'a Apyap ekha nak apcheymákpoho.