EFESIOS 4:22 - Lengua Sur (Enxet) Nuevo Testamento

²² Kólwatés kéllané kéxegke m'a nano' nentémakxa axta, cham'a eyesógwokmoho agko' nak eñama ektawáseykha m'a aksok ekmaso ekyespagko nak.

EFESIOS 4:22 Referans Kwoze

ROMANOS 6:6

Negya'ásegkok negko'o kélyepetchesama xamo' Cristo aksok ektegyéso m'a nentémakxa axta, yakwayam enxoho kamassegwók ma'a nentémakxa axta mólya'asáxma, tén han kamaskok sẽlma m'a ektémakxa nak mólya'asáxma.

HEBREOS 12:1

Ekeso eñamakxa eyéméxko nak agyenyók ekyókxoho m'a aksok sẽlya'asama nak exma, tén han ma'a mólya'asáxma sẽlpextetma nak, tén han onyahagkok yetlo nelwaskápeykekxoho m'a nelteyásamáxche peya nak óltésaxchek, hakte apxámok énxet negyáwa negko'o apxekmósama nak apteme melya'áseyam.

SANTIAGO 1:21

Kólyenyaw kéxegke m'a ekyókxoho nentémakxa ekmanyása nak, tén han ma'a nentémakxa ekmaso negwet'a nak ekyágwokmoho kaxwo', kólma yetlo megkeymáxkoho kélwáxok ma'a amya'a kélpekkenchesama axta kélwáxok kéxegke, hakte awanchek kalwagkasek teyp kéxegke xa amya'a nak.

HEBREOS 3:13

Kólpasmaxkoho cha'a ekyókxoho ekhem neyseksa megkamassegwayam makham se'e “ekhem negwánxa nak”, cham'a ekxeyenma nak han eknaktáxésamaxche, yakwayam enxoho megkalyexanchesha kélxama kéxegke m'a mólya'asáxma nak, yakwayam enxoho nahan metnehek meyke apkelyaheykekxoho.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

EFESIOS 4:25

Nágkólteme kaxwo' kéxegke kélmowána amya'a, kólteme cha'a kaxwo' ekmámnaksoho kélpeywa kóllának kélmók, hakte negyókxoho nenteme neleñama Cristo apyókxa ektaha nak wánxa xama.

1 SAN PEDRO 4:3

Wenaktémók axta kéxegkáxa kéllané m'a apkeltémakxa nak énxet'ák melya'áseyak nak Dios, kélláneyak axta m'a aksok ekmaso kélyespagkamakxa nak, tén han ma'a aksok ekmaso kélmámenyého nak, anmenát'ák axta nahan kéxegke, kélyennegkesegkek axta anhan cha'a exma ektókaxchexa tén han ekyenáxchexa enxoho, kólyeykhasaxkohok axta cha'a kélyenéyak, kólpeykeshok axta nahan cha'a m'a aksok kéleykmáseso ekmaso agko' nak.

EFESIOS 4:17

Elpakhetchesek ko'o kéxegke yetlo sekxeyenma Wese' egegkok apwesey, eltamhok ko'o megkóltemekxak makham ma'a apkeltémakxa nak énxet'ák melya'áseyak nak Dios, apkelyetleykekxo nak ma'a ektémakxa nak elchetamso apwáxók ektaha nak mékoho,

2 SAN PEDRO 2:13

Ellegagkohok sat eñama apkellegasáseykegkoho apnámokkok. Yának nahan cha'a kañamak ekméso ekpayheykekxa apwáxok ma'a aksok apkelyespagkamakxa nak, ekhakxoho ekhem cha'a elanagkok xa. Hegmegkaksohok nahan cha'a negko'o negwet'a enxoho kélpasma aptéyak kéxegke xa énxet'ák nak, henlókashok nahan cha'a anlanha aptamhágkaxa. Elmok cha'a elpayheykekxa apwáxok yetlo m'a apkeltémakxa ekmaso nak.

1 SAN PEDRO 1:18

Hakte apkelwagkasek axta teyp kéxegke Dios neyseksa kélyetlo m'a kéltémakxa mékoho axta, cham'a apmeyáseykekxo axta kélyepmeyk nano' kéxegke; kélya'ásegkok eyke kéxegke megkólyanmagkasama xama aksok étsagkasamáxkohol'a m'a kélwagkásamáxche teyp nak kéxegke, cham'a sawo ekyátekto elyenma ekmomnáwa nak, tén han ma'a sawo ekmopé elyenma ekmomnáwa nak,

COLOSENSES 2:11

Kélkaháseyxchék axta kéxegke eñama kélyepetcheyo Cristo, háwe eyke m'a ektémakxal'a hẽlkahaksek kélyenyekhamol'a egyempehek, akke m'a sẽlyenyókaso nak nentémakxa mólya'asáxma. Cháxa sẽlkahaso eñama nak Cristo xa.

EFESIOS 2:3

Nentemegkek axta anhan negko'oxa negyókxoho xa nano' nentémakxa nak, negyetleykekxo m'a aksok negyespagkamakxa nak, ólyahakxohok axta cha'a ekyókxoho aksok negmokókxa enxoho anlána', negyetleykekxeyk axta ektémakxa elchetamso egwáxok. Axta keñamak eyéméxko henlegásesagkohok ekmaso agko' Dios eñama xa nentémakxa ekmaso nak, ekhawo nahan ma'a apxámokxoho énxet'ák nak.

2 SAN PEDRO 2:7

Wánxa agkok, apwagkasek axta eyke teyp Dios xama énxet apwesey axta Lot, aptaha axta énxet appéwomo, cham'a ekyentaxnésesamo agko' axta cha'a apwáxok étak apkeltémakxa ekmaso m'a énxet'ák elmasagcha'a nak apkeltémakxa.

GÁLATAS 1:13

Kéllegayak axta kéxegke amya'a sektémakxa axta ko'o nano', sekyetlama axta m'a ektémakxa nak apkelpeykesamo Dios énxet'ák judíos, kéllegayak axta anhan amya'a sektémakxa axta ko'o sekmenxeneykencha'a yetlo seknaktawáseykegkoho m'a Dios énxet'ák apagkok nak, ekmáheyok axta amasesók.

ROMANOS 7:11

hakte meykekxék axta mólya'asáxma xa eltémókxa nak antehek segánamakxa, elyexancheseykha axta anhan, axta anhan seyakhe ko'o xa eltémókxa nak antehek segánamakxa eñama eyásenneykekxa m'a mólya'asáxma.

SANTIAGO 1:26

Xénchek agkok apwáxok enxama aptaha apcháyo Dios, wánxa agkok megkeyxnegwomek eyke m'a appeywa, megyakhémo apagko' etnehek aptahakxa, aptaha enxoho xa, mékoho nahan katnehek ma'a ektémakxa nak apcháyo Dios.

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

EFESIOS 4:31

Kólwatés kélteme m'a ektémakxa nak eknatheyáseykha kélwáxok, tén han ma'a ektémakxa nak ekmanyehe kóllók, kólwatés kéllo, kólwatés nahan ma'a kélpaxameykha nak, tén han ma'a ekmaso nak kélpeywa kóllának kélmók, tén han ma'a ekyókxoho ektémakxa nak negmámenyého anlók.