EFESIOS 4:19 - Lengua Sur (Enxet) Nuevo Testamento

¹⁹ Kelyennaktegkek apwáxók, apchahayók ekmoma apwáxók ma'a aksok ekmaso apkelyespagkamakxa nak, eyeykhasakpohok nahan cha'a apkeláneyak ma'a nentémakxa ekmanyása nak.

EFESIOS 4:19 Referans Kwoze

1 TIMOTEO 4:2

Elyahakxohok sat aptahakxa apkelpeywa m'a énxet'ák apkelmeyókásamákpoho nak apkeltémakxa, tén han ma'a énxet'ák apkelmopwancha'a amya'a nak, cham'a ekyennaktama nak ektémakxa elchetamso apwáxók eñama m'a aksok ekmaso apkeláneyak nak, máxa entemék ma'a elkahásamáxko enxoho xama sawo ekyentaxno.

COLOSENSES 3:5

Kólmasésem kéxegke m'a ekyókxoho nentémakxa eñama náxop ekyetna nak kéxegke: nágkóllána aksa kélxama ekmaso nak nentémakxa mansexta, nágkóllána anhan nentémakxa ekmanyása nak, nágkólyeykhasaxkoho nahan kélmámenyého kóllának aksok, nágkólteme anhan kélmeyókásamáxkoho kélxakko' aksok (cháxa ekhawo nelpeykesamo nak kéleykmáseso xa).

SAN JUDAS 1:11

Sagkók sat katnehek kéllegasáseykegkoho xa énxet'ák nak, hakte apkelyetleykekxek ma'a aptémakxa axta Caín. Selyakye apkelmopmenyého nahan keñamak apkelxeganeykmo, ekhawo aptémakxa axta Balaam, eletsapok sat nahan eñama apkelenmexeykha apnámokkok xa énxet'ák nak, ekhawo aptémakxa axta Coré.

APOCALIPSIS 18:3

Ekyókxoho yókxexma nahan kelnahakkásak anmen eñama m'a ektémakxa nak kamasexta Babilonia; apyakmagkáseykegkek axta anhan pók kelwese'e apheykha náxop appathetéyak xa, keñe anhan ektemesáseykegko kelwese'e m'a énxet'ák apkelyanmagkásamap nak keso náxop, eñama m'a ekyeykhásamáxkoho nak elma aksa cha'a aksok.”

2 SAN PEDRO 2:22

Wánxa agkok, temék eyke ektémakxa nak amya'a xa énxet'ák nak, ektéma nak amya'a s'e: “Tawékxeyk ekyekxo semheg”, tén han ektéma amya'a s'e: “Apyetnákxeyk makham neyseksa yelpa' yátapomap kaxwé kélyakpáseso yegmen.”

1 SAN PEDRO 4:3

Wenaktémók axta kéxegkáxa kéllané m'a apkeltémakxa nak énxet'ák melya'áseyak nak Dios, kélláneyak axta m'a aksok ekmaso kélyespagkamakxa nak, tén han ma'a aksok ekmaso kélmámenyého nak, anmenát'ák axta nahan kéxegke, kélyennegkesegkek axta anhan cha'a exma ektókaxchexa tén han ekyenáxchexa enxoho, kólyeykhasaxkohok axta cha'a kélyenéyak, kólpeykeshok axta nahan cha'a m'a aksok kéleykmáseso ekmaso agko' nak.

EFESIOS 4:17

Elpakhetchesek ko'o kéxegke yetlo sekxeyenma Wese' egegkok apwesey, eltamhok ko'o megkóltemekxak makham ma'a apkeltémakxa nak énxet'ák melya'áseyak nak Dios, apkelyetleykekxo nak ma'a ektémakxa nak elchetamso apwáxók ektaha nak mékoho,

SAN MARCOS 7:22

kéltawáseykha elyamhápeyak, tén han ma'a étsapma nak kélnenyek aksok, ekmaso kéltémakxa, kélyexancháseykha kélmók, aksok kélyespagko, kélnathaheyak aksok, kéltekkesáseykha apwesey kélmók, eyeymáxkoho kélwáxok, tén han ma'a kélyeykesamaxkohoxma nak.