EFESIOS 4:18 - Lengua Sur (Enxet) Nuevo Testamento

¹⁸ melya'ásegkok nahan aksok. Megkaweykekxohok nahan axnagkok nentémakxa eñama Dios xa énxet'ák nak, hakte méko nahan apkelya'áseyak eñama m'a elyennakte apwáxók.

EFESIOS 4:18 Referans Kwoze

SAN MATEO 13:15

Hakte kalyeha'ak apwáxók xa énxet'ák nak, apkelapmeyk nahan apeyk'ák, apnaktenchesegkek nahan apakta'ák, yakwayam enxoho melwetyehe' tén han melegye', tén han melyekpelchágwome', yakwayam enxoho metnekxék mehey'áseyam ko'o, keñe ko'o mamasésesek ma'a ektamheykegkaxa nak.’

EFESIOS 2:12

kaxénwakxoho kélwáxok kélheykencha'a axta kéxegke meyke Cristo nano' axta, axta kólpáxakxók kéxegke énxet'ák Israel, axta nahan kaweykekxohok kéxegke m'a ekhémo mók nelpakhetchásamáxkoho Dios nak, axta nahan kaweykekxohok kéxegke m'a sempekkencháseykekxa axta appeywa Dios. Kélheykha axta kéxegke keso náxop meyke Dios, tén han meyke elhaxneykha kélwáxok.

SAN JUAN 12:40

“Apkelahakkasesegkek axta apakta'ák Dios xa énxet'ák nak, melya'áseyak aksok axta anhan aptemesásak, yakwayam enxoho melwetyehek aksok yakwayam enxoho nahan melyekpelchágwome'; yakwayam enxoho mehey'óte' ko'o, yakwayam enxoho anhan mamasésesek ko'o m'a ektamheykegkaxa nak.”

1 TESALONICENSES 4:5

háwe m'a negyeykhásamáxkoho nak negmáheyo anlának aksok, tén han ma'a aksok ekmaso negyespagko nak, ekhawo aptamheykegkaxal'a énxet'ák melya'áseyak nak Dios.

SANTIAGO 4:4

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

COLOSENSES 1:21

Axta kólyepetcheyók kéxegke Dios nano' axta, kenmexeykha axta kélwáxok kéxegke Dios eñama m'a aksok ekmaso kélláneyak axta.

1 SAN JUAN 2:11

Wánxa agkok, enxama aptaknagko enxoho apyáxeg aptémo xamo' nak mey'áseyam, apheyk makham neyseksa ekyaktesakxaxma, neyseksa ekyaktesakxaxma nahan eweynchamha, mey'asagkek nahan ma'a apmahágkaxa enxoho, hakte ekyaktesóxma temésesók meyke apakta'ák.

GÁLATAS 4:8

Kelmomchek axta kéxegke aksok ekha elmowancha'a ekheyásamáxkoho nak dios, cham'a megkólya'áseykegkaxa axta Dios.

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

ROMANOS 2:19

Apkeneykek xép yepwának epékesesagkok apkelxega énxet'ák meyke apakta'ák nak, tén han apcháneya yepwának elsásesexma m'a énxet'ák apheykencha'a nak neyseksa ekyaktesakxaxma;

SAN MARCOS 3:5

Aplókek axta Jesús apkelanawo énxet'ák apchaknákxo axta m'a, kelapwokmek axta anhan hakte axta emokók elya'ásegwomhok xa énxet'ák nak. Keñe axta aptaha apcháneya énxet ekyame apmek se'e: —Epékes apaktog. Appékesek axta apaktog xa énxet ekyame apmek nak, takmelákxeyk axta anhan apmek.

2 CORINTIOS 3:14

Axta eyke elya'ásegkok ektahakxa xa énxet'ák nak, akke elya'ásegkok makham so kaxwo' nak, hakte apkelyetsátegkek agkok ma'a nano' nelpakhetchásamáxkoho axta Dios, cháxa apáwa, megyahayo nak cha'a elya'ásegwomhok xa énxet'ák nak, hakte megkólekkesók makham, Cristo eyke aksa cha'a kañék kéllekkeso xa apáwa nak.

LOS HECHOS 3:17

“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak.

ROMANOS 11:7

¿Háxko eyke ektahakxa so kaxwo' nak? Axta elweteyk énxet'ák Israel aksok apketamsama axta, wánxa axta eyke aksa apkelwetaya aksok apkelchetamso m'a ektaha axta Dios apkelyéseykha. Apxámok axta eyke megkalyakwámeyak,

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

EFESIOS 2:1

Máxa kélhapák axta kéxegke nano', eñama m'a kéltémakxa ekmaso axta, tén han eñama m'a megkólya'asáxma axta,

HEBREOS 5:2

Apwanchek kapyóshok elanok apkemha apmonye appasmo apkelmaxnéseso Dios énxet'ák apagkok ma'a énxet'ák melya'áseyak nak aksok, tén han ma'a énxet'ák ektaha nak megyakhémo apkeltémakxa, hakte hawók ektémakxa apyelkamákpoho ektaha nak appasmo apkelmaxnéseso apnámokkok ma'a ektémakxa nak apkelyelkamákpoho énxet'ák.

HEBREOS 9:7

keñe m'a pók apwáxok nak tegma appagkanamap, wánxa axta aksa etxek ma'a apkemha apmonye nak appasmo apkelmaxnéseso Dios énxet'ák apagkok, xama aptaxnegweykekxa axta cha'a etnehek xama apyeyam; esakxohok axta anhan cha'a aksok kélnaktóso ektekyawa ém'agkok, yakwayam enxoho egkések Dios ekyakmageykekxa m'a aptémakxa nak mey'asáxma, tén han ma'a ektémakxa nak melya'asáxma énxet'ák, cham'a apkeláneyak nak melya'asáxma neyseksa melya'áseyak, cham'a aptaxnegwákxo enxoho cha'a kañe' tegma appagkanamap.

1 SAN PEDRO 1:14

Nágkóltemekxa makham ma'a ektémakxa axta aksok kélyespagko megkólya'aseykegkaxa axta Dios. Kólteme m'a aptamheykegkaxal'a kélketchek ekhal'a apkelyaheykekxoho.