EFESIOS 4:16 - Lengua Sur (Enxet) Nuevo Testamento

¹⁶ Cristo nahan keñamak ektakmela ekyepetcheykekxa mók ektémakxa nak negyókxa. Tásek nahan ekyepetcheykekxa mók xa ekyókxoho nak eñama m'a ekyepetcheyo nak mók, tásek agkok nahan eltamheykha ekyókxoho ekhéyak nak negyókxa, kaxñegkok nahan éktegeyák ekyókxoho nak, kayawagkok nahan ektémakxa nak elásekhamaxkoho.

EFESIOS 4:16 Referans Kwoze

COLOSENSES 2:19

Melyepetcheyók Cristo xa énxet'ák nak, cham'a Cristo aptaha nak apkemha apmonye, aptaha nak han cha'a apwánegkeso apyókxa, cham'a apchágko enxoho ekto, cham'a apyepetchásekxo enxoho cha'a mók, ekhawo m'a ektémakxa nak apmopmenyého Dios.

SAN JUAN 15:5

“Ko'o sekteme anmen yámet, kéxegke eyke kélteme aktegák xa anmen yámet nak. Enxet ektahakxa enxoho apkelenxáneykmoho apteme sépetcheyo ko'o, xámok katnehek apkelané aksok ektémol'a ekxákma ekyexna anmen yámet, cham'a sektaha enxoho ko'o xa sekyepetcheyo. Megkólwanchek kéxegke kóllának xama aksok méko enxoho ko'o.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

EFESIOS 4:12

Cháxa ektahakxa axta apkelánesákxo apkeltamheykha m'a ektaha nak énxet'ák apagkok, yakwayam enxoho elanaksek aksok apnámokkok, cham'a eyéméxchexa nak etnehek apkeltamheykha énxet'ák apteme nak melya'áseyam, yakwayam enxoho nahan ewánegkesek ma'a Cristo apyókxa,

1 CORINTIOS 13:13

Antanxo ekyetna m'a ektaha nak megkamassegwayam; magya'áseyam, nelhaxneykha, tén han negásekhayo; wánxa eyke ektaha ektakmela neyseksa antanxo xa negásekhayo nak.

EFESIOS 4:15

Akke tásek antehek negko'o m'a ekmámnaksoho nak nempeywa neyseksók nelásekhamaxkoho, kéméxchek negko'o agyanchesagkohok nenteme magya'áseyam ekwokmoho neghagwákxoho Cristo aptaha nak apkemha apmonye nepyeseksa Dios énxet'ák apagkok.

1 TIMOTEO 1:5

Emenyék axta ko'o keytek nelásekhamaxkoho sektaha seyáneya exchep xa, cham'a negásekhayo eñama nak nenteme eyáxñeyo egwáxok, tén han eñama m'a megkaxénweykekxohol'a egwáxok nentémakxa, tén han eñama m'a magya'áseyam ekmámnaksoho nak.

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

FILIPENSES 1:9

Ektemék cha'a ko'o nempeywa nelmaxnagko seltamho kayágwomhok kélásekhamaxkoho kéxegke, tén han keytek ekyawe agko' kélya'ásegwayam tén han kélyekpelchágwayam ekxámokxoho aksok,

EFESIOS 3:17

Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

EFESIOS 3:7

Ekxawáyak axta aksa ko'o yakwayam atnehek seltenneykha s'e amya'a nak, eñama segkéso naksa m'a Dios, eñama nahan ma'a ektémakxa nak ektamheykha Dios apmopwána.

EFESIOS 1:4

Dios axta sẽlyeseykha negko'o eñama Cristo, eyeynamókxa m'a sekxo' axta ekmáheyo kalanaxchek keso náxop, yakwayam enxoho antehek nempagkanchásamáxche Dios, tén han antehek meyke nensexnánémaxche nápakto' Dios. Segásekhayo axta keñamak Dios

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

1 SAN JUAN 4:16

Cháxa keñamak negya'ásegwokmo negko'o segásekha'awo Dios xa, magya'ásekmok nahan. Dios apteme eñamakxa m'a negásekhayo nak, negko'o ektahakxa enxoho nelásekhamaxkoho, negyepetcheyo antehek Dios, hegyepetkohok nahan Dios.

2 TESALONICENSES 1:3

Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke.

1 TESALONICENSES 3:12

Wese' egegkok sat eyanchesesagkohok makham kélteme kélásekhamaxkoho, tén han eyanchesesagkohok kélásekhayo m'a apyókxoho énxet'ák nak, ekhawo ektémakxa nak nelásekhayo negko'o kéxegke.

1 TESALONICENSES 1:3

Mehẽlwagkágwokmok cha'a negko'o ekxeyenma egwáxok kéxegke nápakto' Dios Egyap, cham'a kéltamheykencha'a nak yetlo ekyawe agko' megkólya'áseyam neyseksók kéltamheykha, tén han kéltamheykencha'a yetlo ekyawe agko' kélásekhayo, mehẽlwagkágweykmok nahan ektémakxa nak ekpasmo yakwayam kólenmaxaxkohok kéllegeykegkoho yetlo kélwaskápeykekxoho m'a kélhaxneykha nak Wese' egegkok Jesucristo.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

ROMANOS 12:4

Ekhawo ektémakxa nak ekyókxoho ekhéyak nak negyókxa, megkaxnawok mók eltamheykha ekyókxoho nak,

1 CORINTIOS 10:17

Nenxámok eykhe negko'o, negyókxoho eyke nentókagkok negko'o xa xama pan nak. Cháxa keñamak nentamhákxo negko'o wánxa xama xa.