EFESIOS 4:15 - Lengua Sur (Enxet) Nuevo Testamento

¹⁵ Akke tásek antehek negko'o m'a ekmámnaksoho nak nempeywa neyseksók nelásekhamaxkoho, kéméxchek negko'o agyanchesagkohok nenteme magya'áseyam ekwokmoho neghagwákxoho Cristo aptaha nak apkemha apmonye nepyeseksa Dios énxet'ák apagkok.

EFESIOS 4:15 Referans Kwoze

1 SAN JUAN 3:18

Etchek selásekhayo nak, tásek mantehek wánxa negásekhayo egmók ma'a nempeywa nak, kéméxchek nahan anxekmósek ektakmela nentemésesakxa.

EFESIOS 4:25

Nágkólteme kaxwo' kéxegke kélmowána amya'a, kólteme cha'a kaxwo' ekmámnaksoho kélpeywa kóllának kélmók, hakte negyókxoho nenteme neleñama Cristo apyókxa ektaha nak wánxa xama.

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

EFESIOS 2:21

Cristo apyepetche nahan keñamak peya epenchesakpohok apkelánamap xa tegma nak, cham'a ekyókxoho ektémakxa nak apkelánamap, ekwokmoho aptaha tegma appagkanamap, tén han apyepetcheyo Wese' egegkok.

EFESIOS 1:22

Apnegkenchek axta Dios ekyókxoho aksok kóneg apmagkok Cristo, Apmések axta Dios Cristo m'a ektaha nak énxet'ák apagkok, yakwayam enxoho etnehek apkemha apmonye neyseksa ekyókxoho aksok.

1 SAN PEDRO 2:2

Kólchetam kéxegke Dios appeywa, ektaha nak neme apyegmenek ektakmela apkeñama Dios, ektémol'a sakcha'a kaxwé ekteyam kaktamok ma'a neme, yakwayam enxoho kawánegkesesek kélteme megkólya'áseyam kéxegke xa neme apyegmenek ektakmela nak, tén han kólwetak kélwagkásamáxche teyp,

ROMANOS 12:9

Kólteme ekmámnaksoho agko' kélásekhamaxkoho. Kóltaknaw ma'a nentémakxa ekmaso nak, kóllenxanmoho kéllané m'a nentémakxa ektakmela nak.

SAN JUAN 1:47

Xama axta apwet'a Jesús apxegakmo Natanael, aptahak axta appakmeta s'e: —Cháxa apxegakmo aptaha nak nakso' Israel xa, melyexancháseykha anhan xama énxet enxoho.

EFESIOS 5:23

Hakte énxet ekha nak aptáwa, apteme apkemha apmonye agkok ma'a aptáwa, ekhawo ektémakxa nak Cristo apteme apkemha apmonye nepyeseksa Dios énxet'ák apagkok. Cristo nahan apteme apkelwagkaso teyp ma'a ektaha nak Dios énxet'ák apagkok, hakte cháxa Cristo apyókxa xa.

2 CORINTIOS 4:2

Negyenyókek axta negko'o m'a aksok segmegkasamo apkelyexamakpoho axta cha'a apkeláneykegko énxet; manlanak nahan cha'a yetlo negmáheyo ólyexanchesha egnámokkok, Magyetnakháseykmok nahan cha'a m'a ektémakxa nak Dios appeywa. Wánxa agkok, ekmámnaksoho eyke nentémakxa nak cha'a negko'o nempeywa, cháxa ektahakxa nak cha'a ektakmela ekxeyenma apwáxók negko'o énxet'ák nápakto' Dios xa ektaha nak.

2 CORINTIOS 8:8

Háwe eyke selyateyeykegkoho kóllának kéxegke sektaha nak seláneya xa; wánxa eyke aksa emenyék ko'o kólya'asagkohok kéxegke m'a apkeltémakxa nak cha'a appasmo pók énxet mók apchakneykekxexa nak, yakwayam enxoho kataxchek ekyetna kéxegke kélásekhayo ekmámnaksoho nak.

1 CORINTIOS 11:3

Wánxa agkok, eltamhok eyke ko'o kólya'asagkohok kéxegke Cristo apteme apkemha apmonye apagkok énxet, keñe m'a énxet ekha nak aptáwa apteme apkemha apmonye agkok ma'a aptáwa, ekhawo ektémakxa nak han ma'a Cristo apteme apkemha apmonye apagkok ma'a Dios.

EFESIOS 1:4

Dios axta sẽlyeseykha negko'o eñama Cristo, eyeynamókxa m'a sekxo' axta ekmáheyo kalanaxchek keso náxop, yakwayam enxoho antehek nempagkanchásamáxche Dios, tén han antehek meyke nensexnánémaxche nápakto' Dios. Segásekhayo axta keñamak Dios