EFESIOS 4:12 - Lengua Sur (Enxet) Nuevo Testamento

¹² Cháxa ektahakxa axta apkelánesákxo apkeltamheykha m'a ektaha nak énxet'ák apagkok, yakwayam enxoho elanaksek aksok apnámokkok, cham'a eyéméxchexa nak etnehek apkeltamheykha énxet'ák apteme nak melya'áseyam, yakwayam enxoho nahan ewánegkesek ma'a Cristo apyókxa,

EFESIOS 4:12 Referans Kwoze

EFESIOS 4:16

Cristo nahan keñamak ektakmela ekyepetcheykekxa mók ektémakxa nak negyókxa. Tásek nahan ekyepetcheykekxa mók xa ekyókxoho nak eñama m'a ekyepetcheyo nak mók, tásek agkok nahan eltamheykha ekyókxoho ekhéyak nak negyókxa, kaxñegkok nahan éktegeyák ekyókxoho nak, kayawagkok nahan ektémakxa nak elásekhamaxkoho.

1 CORINTIOS 12:27

Kéxegke kélteme kéleñama Cristo apyókxa, kélyókxoho nahan kélteme kéleñama xa Cristo apyókxa nak.

ROMANOS 15:14

Elyáxeg selásekhayo, ekya'ásegkok ko'o ekyetna kéxegke ekyawe kélásekhamaxkoho, tén han ekyetna ekyókxoho ektémakxa kélya'áseyak, tén han ekyetna kélya'áseyak yakwayam kólmések kélpeywa kélmók;

1 CORINTIOS 14:26

¿Yaksak eyéméxko anlának kaxwo'? Elyáxeg, kélaknákxeyk agkok kéxegke, kélnápakha apwanchek elmeneykmaksek negmeneykmaso eñama nak Dios, keñe nahan kélnápakha apwanchek elxekmósek apnámokkok, esenhan eltennaha m'a amya'a ektaha nak apya'asáseykegkoho Dios, esenhan elpakmétek ma'a mók ektémakxa amya'a magya'áseyak nak, keñe nahan nápakha exénekxak ektémakxa xa amya'a nak. Ekyókxoho aksok kéllanakxa enxoho, tásek kóllának yakwayam enxoho kaxhok mók kélyancháseykegkoho kélteme megkólya'áseyam.

ROMANOS 14:19

Kéméxchek negko'o ólwaskápekxohok anlának ekyókxoho aksok sentekkesesamo nak meyke ektahakxa egwáxok; cháxa egwanchek ólpasmaxkohok agyanchesagkohok nenteme magya'áseyam nentaha enxoho xa.

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

1 CORINTIOS 14:12

Kólenxánem keytek kéxegke ekxámokma xa kélmowána apméso naksa nak Espíritu, cham'a ekwánegkesesamol'a apteme melya'áseyam Dios énxet'ák apagkok, hakte kélmenyék kéxegke keytek xa kélmowána apméso naksa nak Espíritu.

HEBREOS 13:17

Kólyahakxoho cha'a m'a aptaha nak apkelámha apmonye'e kélagkok kélakneykekxexa. Kólteme cha'a m'a aptemésesakxa enxoho. Hakte mellókaseykmok apkelyampé apkeltakmelchesama kéxegke xa énxet'ák nak, apkelya'ásegkok nahan peya eltennaksek Dios ma'a ektémakxa nak apkeltamheykha. Nágkóltemésesamhóxma neyseksa apkeltamheykha, yakwayam enxoho kalpayhekxak apwáxók neyseksa apkeltamheykha. Hakte megkapasmek kéxegke m'a ektahakxa enxoho apkeltamheykha xa énxet'ák nak, cham'a kellapwagkasa enxoho.

HEBREOS 6:1

Anlenxanmohok hana negko'o ekwokmoho nentaha negwányam, agyenyók sekxo' ma'a émha amonye nelxekmowásamáxche ekxeyenma nak Cristo. Kéméxchek cha'a manlenxanmók negko'o nenxeyenma m'a nelxekmowásamáxche ekmanyehe nak agya'asagkohok, cham'a nenxeyenma nak negyakmagkaso egwáxok, tén han ma'a negyamasma nak nentamheykha segya'asamo nak nétsapmakxa, tén han ma'a mólwateseyam nak nenxeyenma magya'áseyam eñama nak Dios,

2 CORINTIOS 6:3

Magmeyásak cha'a negko'o nentémakxa ekmaso xama énxet enxoho, yakwayam enxoho megkaxénaxchék ekmaso m'a ektémakxa nak negko'o nentamheykha.

2 CORINTIOS 5:18

Dios akke aptaha apkelané ekyókxoho xa, sentemesáseykekxoho apagko' axta anhan nelásekhamaxchekxoho eñama m'a Cristo, egmések axta anhan negko'o nentamheykha yakwayam antemesásekxak apchásekhayo Dios apyókxoho énxet.

SAN LUCAS 22:32

wánxa agkok elmaxnésesek axta eyke ko'o exchep yakwayam enxoho meyensemek apteme mey'áseyam. Ey'áweyktek sat agkok makham xép, epásem sat apnámokkok yakwayam enxoho elenxanmohok apkelyennaktésamo apteme melya'áseyam.

2 TIMOTEO 4:5

Xép akke kéméxchek etakmelchesek xa ektémakxa nak apmopwána elanagkohok aptémakxa; elenmaxakpoho cha'a m'a nenlegeykegkoho nak, elána wánxa m'a apkeltenneykha nak tásek amya'a, etakmelchesho apkelané m'a ektémakxa nak aptamheykha.

COLOSENSES 4:17

Kólteme sat kólának Arquipo s'e: “Elenxanmoho sat esawhohok elának ma'a aptamheykha, cham'a apkeltamhókxa axta etnehek Wese' egegkok.”

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

COLOSENSES 1:24

Payhekxeyk kaxwo' ko'o ewáxok seklegágkoho kéxegke eñamakxa, cháxa seksawhegwokmo ko'o eklegeykegkoho sekyókxa xa, cham'a eyéméxko nak eñegkohok Cristo, énxet'ák apagkok eñamakxa, ektaha nak han apyókxa.

EFESIOS 1:23

Dios énxet'ák apagkok ekteme Cristo apyókxa, ekteme nahan eksawhomo m'a ektémakxa nak apyókxa Cristo. Cristo nahan apteme ektemegwánxa néxa ekxámokma ekyókxoho aksok.

2 CORINTIOS 12:19

Kélaneykek kexaha óltamhok negko'o hẽlemlekxohok kéxegke, mantahak negko'o xa. Wánxa agkok, nentahak negko'o nempeywa m'a nentémakxal'a ampakmétek nápakto' Dios, ekhawo aptamheykegkaxal'a Cristo énxet'ák apagkok. Elyáxeg selásekhayo, yakwayam ólyennaktésesek apteme melya'áseyam énxet akke keñamak nentéma cha'a negko'o ekyókxoho xa.

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

2 CORINTIOS 4:1

Mólháxexchágwokmok cha'a negko'o, hakte Dios axta segásennagko yakwayam anlának xa nentamheykha nak eñama segemleykekxoho.

2 CORINTIOS 3:8

awanhok agko' sat katnehek eyeymáxkoho m'a ektémakxa nak kéltenneykha axnagkok nelpakhetchásamáxkoho nak Dios ektaha axta aptekkeso Espíritu.

1 CORINTIOS 14:14

Ektemek agkok ko'o nempeywa nelmaxnagko ektepa enxoho aksa mók ektémakxa sekpeywa magya'áseyak nak, nakso' katnehek ko'o sekteme nempeywa nelmaxnagko ekweykmoho kañók agko' ewáxok, wánxa agkok, megkapasmek eyke m'a ektémakxa nak sekya'ásegwayam ko'o.

ROMANOS 15:29

Nakso' ektemesásak peya anxawak ekxámokma agko' aksok eltakmela eleñama Cristo, cham'a sekwokmo sat kélnepyeseksa kéxegke.

ROMANOS 15:2

Negyókxoho negko'o kéméxchek ampeykesásekxak apwáxok egmók, tén han ampasmok, yakwayam enxoho agyanchesesagkohok apteme mey'áseyam.

ROMANOS 12:7

Egmések agkok Dios negmowána ampasmok egmók, tásek antakmelcheshok nempasmo. Apxakkak agkok enxama apmopwána elxekmósek apnámokkok, tásek elxekmósek apnámokkok;

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

LOS HECHOS 11:23

Xama axta apwokmo Bernabé m'a, apwet'ak axta ektémakxa aksok eltakmela eleñama néten apméso Dios xa énxet'ák nak. Awanhok agko' axta anhan ekpayheykekxa apwáxok. Apkeltennásek axta énxet'ák apkeltamho elenxanmohok apteme melya'áseyam Wese' egegkok.

LOS HECHOS 9:31

Méko axta eyke ektahakxa apwáxók apchakneykekxexa énxet ekyókxoho yókxexma Judea, tén han ma'a Galilea, tén han ma'a Samaria. Yáwegkek axta apkelya'ásegwayam eñama nak Dios. Apcháyo axta anhan aptamheykegkok Wese' egegkok Jesús. Espíritu appasmo axta keñamak apxámagko énxet apteme melya'áseyam Jesús.

LOS HECHOS 1:25

yakwayam enxoho emok aptamheykha seykha amya'a cham'a apyensakmo axta Judas eñama mey'asáxma, cham'a apmahágko axta ekpayhókxa axta emhagkok.”

LOS HECHOS 1:17

hakte Judas axta negko'o nenxegexma, apkeláneyak axta anhan ektémakxa nak negko'o nentamheykha.

2 TIMOTEO 4:11

Lucas aksa apha sekhakxa ko'o. Ektam sat Marcos, éntementa sat, hakte apwanchek hepasmok ektémakxa nak ko'o sektamheykha.

EFESIOS 4:29

Nágkólteme cha'a ekmaso kélpeywa, wánxa agkok kólteme cha'a ektakmela kélpeywa ekmowána nak kapasmok énxet'ák, ekmésamol'a anhan aksok eltakmela eleñama néten ma'a énxet ektahakxa enxoho apháxenmo.

EFESIOS 4:4

Negko'o nenteme wánxa xama Cristo apyókxa, wánxa nahan xama Espíritu, ekhawo m'a ektahakxa axta anhan kéxegkáxa apkelwónencha'a Dios yakwayam kóltehek wánxa xama kélhaxneykha.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

1 CORINTIOS 12:7

Negyókxoho cha'a hegméshok negko'o Dios yakwayam nak agyekpelkohok ektaha nakso' apha egwáxok Espíritu Santo, yakwayam enxoho hempasmok negyókxoho nenteme nak magya'áseyam.

ROMANOS 12:5

ekhawo nahan negko'o xa, nenxámok eykhe, xama eyke nentamhákxak nempasmeykekxa Cristo, negyepetchawók nahan egmók nentamhákxo wánxa xama.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.