EFESIOS 4:11 - Lengua Sur (Enxet) Nuevo Testamento

¹¹ Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

EFESIOS 4:11 Referans Kwoze

EFESIOS 2:20

Kéxegke kélteme máxa xama tegma apkelánamapla'a néten tegma apówhak ekyennaktesol'a tegma, cham'a aptaha nak seykha amya'a, tén han ma'a énxet'ák Dios appeywa apkellegaso nak. Jesucristo eyke apteme meteymog apyennakteso xa tegma nak.

2 TIMOTEO 4:5

Xép akke kéméxchek etakmelchesek xa ektémakxa nak apmopwána elanagkohok aptémakxa; elenmaxakpoho cha'a m'a nenlegeykegkoho nak, elána wánxa m'a apkeltenneykha nak tásek amya'a, etakmelchesho apkelané m'a ektémakxa nak aptamheykha.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

EFESIOS 4:8

Ekeso eñamakxa ektéma nak eknaktáxésamaxche weykcha'áhak se'e; “Apmeyeykekxeyk axta néten, apnaklákxók axta xamo' ma'a ektaha axta apteméseso apkelmomap, apmések axta nahan apkelmopwancha'a énxet'ák.”

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

ROMANOS 12:7

Egmések agkok Dios negmowána ampasmok egmók, tásek antakmelcheshok nempasmo. Apxakkak agkok enxama apmopwána elxekmósek apnámokkok, tásek elxekmósek apnámokkok;

HEBREOS 5:12

Nano' axta kexaha eykhe kóltehek kéxegke kélxekmóso kélnámokkok, kéméxchek eyke kóltámesaxchek makham kéxegke nelxekmowásamáxche eñama Dios ekmanyehe nak agya'asagkohok, kélyelkáxkók kélagko' eyke kéxegke. Kéméxchek cha'a kólyenagkok weyke nam'agkok apyegmenek hakte megkólwanchek makham kóltók ma'a kélto ekyennakte nak.

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

LOS HECHOS 21:8

Mók ekhem axta entahak nelxegákxo makham, nelwákxeyk axta m'a tegma apwányam Cesarea. Nelmahágkek axta Felipe apxagkok aptaha axta tásek amya'a apkeltenneykha, aptaha axta apkeñama nepyeseksa m'a siete appasmeykha nak apkeltamheykha énxet'ák seykha amya'a. Negháha axta negko'o apxagkok Felipe.

LOS HECHOS 13:1

Apheykha axta énxet'ák Dios appeywa apkellegaso m'a apchakneykekxexa nak énxet tegma apwányam Antioquía, tén han ma'a énxet apkelxekmóso nak apnámokkok. Bernabé axta m'a, tén han ma'a Simón, (apkeltamhomakpo axta nahan appeysyam), Lucio apkeñama Cirene axta anhan ma'a, Menahén axta anhan ma'a (aptaha axta apkektegeykegkoho xamo' Herodes, cham'a aptéma axta wese' apwányam yókxexma Galilea), Saulo axta nahan ma'a.

APOCALIPSIS 21:14

Doce meteymog axta nahan héyegkok ekméyak xa tegma nepyáwa kélhaxta nak, cham'a meteymog eknaktáxésamaxko nak apkelwesey doce Nekkések Apketkok seykha amya'a apagkok nak.”

SAN JUDAS 1:17

Elyáxeg selásekhayo, kaxénwakxoho kélwáxok kéxegke aptemésesakxa axta Jesucristo seykha amya'a apagkok,

1 CORINTIOS 12:4

Xámok ektémakxa nenxawé naksa negmowána ekyetna nepyeseksa Dios énxet'ák apagkok, Espíritu eyke aptaha segméso naksa xa negmowána nak.