EFESIOS 4:1 - Lengua Sur (Enxet) Nuevo Testamento

¹ Ekmések ko'o sekpeywa kéxegke keso sekha nak kaxwo' sẽlpextétamakxa seltamho kóltehek kéxegke m'a eyéméxchexa nak antehek negko'o ektaha axta sẽlwoneykha Dios, ekhawo m'a ektahakxa axta apkelwónencha'a Dios kéxegke.

EFESIOS 4:1 Referans Kwoze

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

FILIPENSES 1:27

Kóllenxánem aksa kóltehek kéltémakxa m'a ektémakxa nak ekpeywa tásek amya'a eñama nak Cristo. Emenyék ko'o axkágwatak amya'a ektémakxa kéllenxáneykmoho kéxegke kélwaskapma tén han meyke kélexpanchásamáxche. Emenyék nahan axkágwatak amya'a ektémakxa kélpasmomáxkoho kéxegke kéllenxáneykmoho kélyancháseykekxa m'a ektémakxa nak magya'áseyam eñama nak tásek amya'a, megkeyxek ma'a sekteyánegwákxoho enxoho kéxegke esenhan ma'a matyánegwákxoho enxoho.

1 TESALONICENSES 2:12

Neltennásek axta kéxegke neltamho kóltehek eyéméxchexa nak antehek nenteme nak Dios énxet'ák apagkok, cham'a Dios ektaha axta apkelwóneykha kéxegke apkeltémo kawakxohok kélteme Wese' apwányam kélagkok ma'a Dios, tén han kawakxohok kéxegke m'a ektémakxa nak apcheymákpoho.

2 SAN PEDRO 1:3

Egmések axta negko'o Dios ekxámokxoho aksok eyéméxchexa nak negko'o yakwayam enxoho antehek negyetlo Cristo tén han antehek nempagkanchásamáxche Dios eñama m'a apmopwána nak, cham'a segyekpelchásesakmo axta Dios ma'a Jesucristo, cham'a Jesucristo aptaha axta segwóneykha negko'o eñama m'a ektémakxa nak apcheymákpoho, tén han eñama m'a ektémakxa nak ektakmela aptamheykha.

2 TIMOTEO 1:9

Ẽlwagkasek axta negko'o teyp Dios, ẽlwóneyha axta nahan yakwayam ampagkanchesaxchek neyseksa negha makham, háwe eñama m'a aksok nenlané axta negko'o, wánxa agkok, akke keñamak ma'a ektémakxa axta apmopmenyého elának Dios, tén han eñama m'a segásekhayo nak neyseksa negyepetcheyo Cristo Jesús. Dios, aptaha nak segásekhayo eyeynamókxa axta sekxo' apkeláneya keso náxop,

1 CORINTIOS 4:16

Eltamhok ko'o kólyetlakxak kéxegke sektémakxa nak ko'o.

2 TESALONICENSES 1:11

Cháxa keñamak nelmaxnésesa nak cha'a kéxegke xa, nelmaxnakkek cha'a Dios neltamho kaxének apwáxok ekpayhawo m'a apkelwóneykencha'a axta kéxegke, neltamhok nahan elának Dios eñama apmopwána m'a ekyókxoho aksok eltakmela kélmámenyého nak kóllának kéxegke, tén han elának ma'a ektémakxa nak kéllané kéxegke kéltamheykha eñama m'a megkólya'áseyam nak.

EFESIOS 4:17

Elpakhetchesek ko'o kéxegke yetlo sekxeyenma Wese' egegkok apwesey, eltamhok ko'o megkóltemekxak makham ma'a apkeltémakxa nak énxet'ák melya'áseyak nak Dios, apkelyetleykekxo nak ma'a ektémakxa nak elchetamso apwáxók ektaha nak mékoho,

ROMANOS 12:1

Elyáxeg selásekhayo, eltamhok ko'o kaxénwakxohok kélwáxok kéxegke Dios segemleyam seltamho kóltemésesaxchek kéxegke kélmeyásamáxkoho kélagko' Dios, ektémol'a aksok kélméso Dios, meyke ekyepetche xama aksok ekmaso, cham'a ekleklamókxa nak apwáxok Dios. Cháxa ektémakxa nak ekmámnaksoho nelpeykesamo Dios xa, eyéméxko nak agmések Dios.

COLOSENSES 2:6

Kéméxchek kéxegke kóltehek kélyepetcheyo Jesucristo Wese' egegkok ekhawo kéltahakxa axta kélma takha'.

1 SAN PEDRO 3:9

Nágkólhésho cha'a mók kéltemésesakxa ekmaso, nágkólhésho nahan mók ma'a kélwanyencha'a enxoho, wánxa agkok kólmaxnéses aksa yakwayam enxoho epasmok Dios, hakte apkelwóneyha axta kéxegke Dios yakwayam kólxawak aksok eltakmela eleñama néten.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

2 SAN JUAN 1:5

Elyáxeg selásekhayo, eltamhok ko'o kaxwo' antehek nelásekhamaxkoho. Háwe axnagkok nelánemaxchexa antehek se'e sektáxesesa nak kéxegke, cháxa nenxawaya axta sekxo' agko' xa.

1 SAN PEDRO 5:10

Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.

1 SAN PEDRO 2:11

Elyáxeg selásekhayo, eltamhok ko'o megkólhok kamok kélwáxok ektémakxa nak aksok negyespagko nenteme nak énxet, cham'a sẽlenmexeykegkohol'a cha'a negko'o, kéxegke kéltaha nak kélheykha yakwatakxoho keso náxop ektémol'a énxet apheykha nak megkatnahakxa apkelókxa.

FILIPENSES 3:14

yakwayam enxoho awomhok néxa, tén han amok ma'a ekyanmaga, cham'a segwónencha'a axta Dios peya hegmések eñama Cristo Jesús.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

EFESIOS 4:4

Negko'o nenteme wánxa xama Cristo apyókxa, wánxa nahan xama Espíritu, ekhawo m'a ektahakxa axta anhan kéxegkáxa apkelwónencha'a Dios yakwayam kóltehek wánxa xama kélhaxneykha.

EFESIOS 3:1

Ekeso eñamakxa sekha nak kaxwo' ko'o sẽlpextétamakxa eñama Cristo Jesús, ko'o Pablo, eñama selané sektamheykha yakwayam apasmok kéxegke megkóltaha nak judíos.

GÁLATAS 4:12

Elyáxeg, eltamhok ko'o kóltehek sektémakxa nak ko'o, hakte ekheyásexchekxók axta ko'o kéxegke. Axta heltawáseykegkohok ko'o kéxegke xama enxoho.

HEBREOS 3:1

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

TITO 2:10

Yána etnahagkok melmenyexeyák, tén han etnahagkok metnéseseykmohoxma aksok kélagkok, yakwayam enxoho étak apyókxoho énxet'ák ektaha ektakmela m'a ektémakxa nak nelxemowásamáxche eñama Dios segwagkasamo nak teyp, eñama ekwetamaxche apkeltémakxa xa énxet'ák nak.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

LOS HECHOS 9:31

Méko axta eyke ektahakxa apwáxók apchakneykekxexa énxet ekyókxoho yókxexma Judea, tén han ma'a Galilea, tén han ma'a Samaria. Yáwegkek axta apkelya'ásegwayam eñama nak Dios. Apcháyo axta anhan aptamheykegkok Wese' egegkok Jesús. Espíritu appasmo axta keñamak apxámagko énxet apteme melya'áseyam Jesús.

ROMANOS 11:29

Mehegyementemekxék Dios ma'a aksok segméso nak, melwátésemek nahan segwóneykha.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.